اوّلین نامِه قُرنتیانی سِه 10:33 - کتاب مقدس به زبان مازندرانی - گویش شرقی

³³ هَمون‌ طی که مِن هم تَقِلّا کامبه تا همه ره هر کارِ دِله که اِنجام دِمبه، راضی هاکانِم. مِن شه نفعِ دِمبال دَنیمه، بلکه خَیلیائه نَفعِ دِمبال دَرِمبه، تا نِجات بَیرِن.

گیله ماز

³³ هَمونجور که مَن هم تَقَّلا کانَم تا هَمِه رِه هر کارِ دِلِه که انجام دَنَم راضی هَکُنَم. من می نَفعِ دُمّال دَنییَم، بلکه خیلیانِ نَفعِ دُمّال دَرِم، تا نِجات هَگیرَن.

کتاب مقدس به زبان مازندرانی - گویش غربی

³³ هَمونجور گه مِنَم تَقّلا کِمِّه تا هَمه رِه هر کاری دِلِه گه اَنجام دِمِه راضی هاکِنِم. مِن شی نَفعی دِمال دَنیمِه، بَلگی خِیلیایی نَفعی دِمال دَرمِه، تا نِجات بَیرِن.

اوّلین نامِه قُرنتیانی سِه 10:33 Iomraidhean Croise

رومی ایشون 11:14

این امیدِ هِمراه که شه همنژادونِ غیرتی هاکانِم وِشونِ جِم بَعضیا ره نِجات هادِم.

رومی ایشون 12:5

پَس اِما که خَیلیمی، مَسیحِ دِله یه تَنِ هَسیمی و هر کِدوم، تَک به تَک هَمدییهِ اعضامی.

اوّلین نامِه قُرنتیانی سِه 10:24

هیچ‌کی شه نَفعِ دِمبال دَنی بوئه، بلکه شه هَمسادهِ نَفعِ دِمبال دَووه.

اوّلین نامِه قُرنتیانی سِه 13:5

مِحَبَّت بی اَدِب نییه و شه مَنفعتِ دِمبال دَنییه؛ مِحَبَّت غیظ نَکانده و کینه به دِل نَینه؛

دوّمین نامه قرنتیانِ وَسین 12:14

اَلان آمادِمه سِوّمین کَش شِمه بَدیئِنِ وِسه بِیِّم، و هیچ باری شِمه دوشِ سَر نییِلمه. چوون شِمه مال و اَموالِ دِمبال دَنیمه، بلکه شه شِما ره خوامبه. چوون که وَچونِ وظیفه نییه که شه پییِر مارِ وِسه مال و اموال جَمع هاکانِن، بلکه پییِر مارِ وظیفه ئه.

دوّمین نامه قرنتیانِ وَسین 12:19

مگه تا اینجه این فِکرِ دِله دَئینی که تَقِلّا کامبی شِمه روب رو شه جِم دفاع هاکانیم؟ اِما خِدائه پَلی کِسایی واری گَب زَمبی که مَسیح دِله دَرِ‌نه، و هر اونچی کامبی، ای عزیزون، شِمه ایمونِ تقویتِ وِسه هَسه.

غَلاطیان 1:10

اِسا یعنی مِن مَردِمِ تأییدِ دِمبال دَرِمبه یا خِدائه تأییدِ دِمبال؟ یا تَقِلّا کامبه مَردِمِ راضی هاکانِم؟ اگه هَمتی مَردِمِ راضی هاکاردِنه دِمبال دَیمه، مَسیحِ نوکِر نَبیمه.

فیلیپیان 2:21

هَمهِ وِشون شه نفعِ دِمبال دَرِنه، نا عیسی مَسیحِ نفعِ دِمبال.

اوّل تِسالونیکیان 2:16

و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.