اوّلین نامِه قُرنتیانی سِه 10:16 - کتاب مقدس به زبان مازندرانی - گویش شرقی

¹⁶ مَگه اون برکتِ پیاله که اونِ وِسه شِکر کامبی، مَسیحِ خونِ دِله شَریک بَیِّن نییه؟ مَگه نونی که تیکه کامبی، مَسیحِ تَنِ دِله شَریک بَیِّن نییه؟

گیله ماز

¹⁶ مَگِه اون بَرکتِ پیالِه که اونه وَسین شُکر گزاری کانیم، مسیحِ خونِ دِلِه شریک هَبوسَّن نیِه؟ مَگِه اون نانِی که پاره کانیم، مسیحِ تَنِ دِلِه شریک هَبوسَّن نیِه؟

کتاب مقدس به زبان مازندرانی - گویش غربی

¹⁶ مَگِه هون بَرکتی پیالِه گه اونیسه شِکر کِمِّی، مسیحی خونی دِلِه شریک بَووئَن نیِه؟ مَگِه هون نونی گه گِلی کِمِّی، مسیحی تَنی دِلِه شریک بَووئَن نیِه؟

اوّلین نامِه قُرنتیانی سِه 10:16 Iomraidhean Croise

لوقا 22:17

پَس یِتا پیاله بَییته، شکر هاکارده و بااوته: «اینِ بَیرین و شه میون رَسِد هاکانین.

اعمال رَسولان 2:42

وِشون شه ره وَقف تَعلیم بَییتِن، رَسولونِ جِم و دییه ایموندارونِ هِمراه، مشارکت و نون تیکه هاکاردِن و دِعا، هاکاردِنه.

اعمال رَسولان 2:46

وِشون هر روز، مَعبِدِ دِله جَمع بونِسِنه و هَمدییه هِمراه شه سِره دِله نونِ تیکه کاردِنه و خِشی و ساده دِلِ هِمراه غِذا خاردِنه

اعمال رَسولان 20:11

بعد بالا بُورده و نونِ تیکه هاکارده و بَخُرده. وه تا سحر وِشونِ هِمراه گَب بَزو، و بعد اونجه جِم بورده.

اعمال رَسولان 20:7

هفتهِ اَوِّلین روزِ دِله، نون تیکه هاکاردِنه وِسه جَمع بَیمی. پولُس مَردِمِ وِسه موعظه کارده، و چوون تَصمیم داشته فِردا اونجه جِم بوره، تا نصفِ شو شه گَبِ ادامه هِدا.

اوّلین نامِه قُرنتیانی سِه 1:9

خِدا وِفادارِ، اون خِدایی که شِما ره شه ریکا، اَمه خِداوند عیسی مَسیحِ رِفاقتِ وِسه دَعوِت هاکارده.

اوّلین نامِه قُرنتیانی سِه 10:15

مِن اون آدِمون که فهمِنِنهِ هِمراه گَب زَمِّه؛ اونچیِ خَوِری گامبه شه قِضاوت هاکانین.

اوّلین نامِه قُرنتیانی سِه 12:13

چوون اِما هَمه، چه یَهود و چه یونانی، چه نوکِر و چه آزاد، یِتا روحِ دِله غِسلِ تَعمید بَییتیمی تا یه تَن بوئیم؛ و اِما هَمه یِتا روحِ جِم بَنوشانی بَیمی.

نامِه مَسیحینی عبرانی نِژادی سِه 3:14

چوون اِما مَسیحِ دِله شَریک بَیمی، اگه راس راسی اطمینانی ره که از اَوِّل داشتمی ره تا آخِر قایم داریم.

اوّل یوحنا 1:3

اون کِلام که اِما بَدیمی و بِشنُسیمی ره شِما ره اِعلام کامبی تا شِما هم اَمه هِمراه رِفاقت دارین؛ حییقَتاً هم که اَمه رفاقت پییِرِ هِمرا و وه ریکا عیسی مَسیحِ هِمرائه.

اوّل یوحنا 1:7

ولی اگه نورِ دِله زندگی هاکانیم، هَمون طی که وه نورِ دِله دَره، هَمدییهِ هِمراه رفاقت دارمی و وه ریکا عیسیِ خون، اِما ره تِمومِ گِناهونِ جِم پاک کانده.