तीतूस 3:8 - नुवो नेम (मेवड़ी नया नियम)

⁸ आ हाँची बात हे। मूँ छावूँ हूँ के, अणी मामला में थूँ खासतोर जोर देन के, जणीऊँ परमेसर पे विस्वास करबावाळा भला काम करता रेवे। ईं बाताँ मनकाँ का वाते हव अन नफा की हे।

तीतूस 3:8 Iomraidhean Croise

मत्ती 20:4

अन वणीऊँ क्यो, ‘थूँ भी मारा बाग में जा अन ज्यो कई थने हव लागी, थने देऊँ।’ अस्यान वो भी परोग्यो।

यहुन्ना 12:44

ईसू जोरऊँ क्यो, “ज्यो मारा पे विस्वास करे हे, वो मारा पेईस ने पण मने खन्दाबावाळा पे भी विस्वास करे हे।

यहुन्ना 5:24

“मूँ थाँने सई-सई केवूँ हूँ, ज्यो मारा बचनाँ ने हुणन मारा खन्दाबावाळा को विस्वास करे हे, वो अनंत जीवन पावे हे। अन वाँने दण्ड ने दिदो जाई, पण वीं मोतऊँ छेटी वेन जीवन में परवेस करग्या हे।

थरप्या तका का काम 12:15

वाँकाणी वींने क्यो, “थूँ वेडी वेगी हे!” पण, वा जोरावरीऊँ केरी ही के, या बात हाँची हे। तो वाँकाणी क्यो, “वो वींको दूत वेई।”

रोमियों 4:5

पण यद्याँ कुई मनक करम ने करे अन बेस वीं परमेसर पे विस्वास करे ज्यो पापी मनकाँ ने धरमी बणावे हे, तद्याँ वणी मनक को विस्वासईस वींका धरमीपणा का वाते मान्यो जावे हे।

2 कुरिन्थियों 4:13

सास्तर में लिक्यो तको हे के, “में विस्वास किदो हो, जणीऊँ तो मूँ बोल्यो।” आपाँ में भी वणीइस विस्वास की आत्मा हे, जणीऊँ आपाँ भी विस्वास करा हाँ अन बोला हाँ।

इपिसियों 4:28

ज्यो चोरी करतो आरियो हे, वो अबे कदीई चोरी ने करे, पण ईंका बदले वींने स्यवकार वेन खुद की मेनतऊँ काम करणो छावे। ईंऊँ वो जिंने जरूत हे वींने भी दे सके।

1 तिमुतियूस 1:15

आ बात हरेक तरियाऊँ हाँची हे अन मानबा जोगी हे के, ईसू मसी ईं दनियाँ में पाप्याँ ने बंचाबा का वाते आया हा, जणामें हाराऊँ मोटो पापी मूँ हूँ।

1 तिमुतियूस 2:8

ईं वाते अबे मूँ छावूँ हूँ के, हरेक जगाँ मनक लड़ई-जगड़ो अन बुरा काम ने करे, पण आपणाँ हात-जोड़न परातना करिया करे।

1 तिमुतियूस 5:10

अन जिंको हव काम करबा में नाम मान्यो तको वे, अन ज्या आपणाँ बाळकाँ ने हव तरिया पालण किदो वे, जणी अणजाण की भी सेवा किदी वे, परमेसर का लोगाँ की आपणाँ घर में आवभगत किदी वे, दकी मनकाँ की मदत किदी वे, अन जणी खुद हाराई भला काम करबा में आपणो मन लगायो वे।

2 तिमुतियूस 1:12

अन ईं वजेऊँ मूँ ईं हारई दुक जेलूँ हूँ, पण मूँ ईं वाते हरमा ने मरूँ हूँ, काँके मूँ जाणूँ हूँ के, मारो विस्वास किंपे हे? अन मूँ ईं बात वाते पाको हूँ के, ज्यो कई वणा मने हूँप्यो हे, वींने मसी के पाच्छा आबा का दन तईं बंचाबा में तागतवर हे।

तीतूस 1:9

वीं भी हाँचा बचना पे टक्या तका रेवे, जीं धरम-उपदेस का जस्यान सई हे। जणीऊँ वाँने खरी हिक का उपदेस देबा में अन विरोद करबावाळा को मुण्डो बन्द करबा में मदत मले।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

तीतूस 2:7

थूँ थाँरी हारी बाताँ में हव वेवार को नमुनो बण। थाँरी हिक का वाते खरो अन हूँस्यार रे।

तीतूस 3:1

थूँ मनकाँ ने आद अवाड़ के, राज करबावाळा अन अदिकारी को क्यो माने। अन हरेक तरियाँ का भला काम करबा का वाते त्यार रेवो।

तीतूस 3:14

आपणाँ मनकाँ ने दूजाँ की जरूत पुरी करबा का वाते, पूरा मनऊँ हव काम करबा में टेम बिताणो छावे, अन वाँने बेकार को जीवन ने जीवणो छावे।

फिलेमोन 1:11

एक टेम ही, जद्याँ वो थाँरे कणी काम को कोयने हो, पण अबे वो थाँरे ने पण मारे दुयाँ के नरोई काम को हे।

इब्रानियों 10:24

आपाँने ओ भी ध्यान राकणो हे के, एक दूजाँ ने परेम अन हव कामाँ में कस्यान धिज्यो बन्दा सका हाँ।

1 पतरस 1:21

थाँ भी मसी का वजेऊँईस परमेसर पे विस्वास करो हो, जणा वाँने मरिया तका मेंऊँ पाछो जीवतो कर दिदो अन वींने मेमा भी दिदी। ईं वाते थाँको विस्वास अन थाँकी आस परमेसर में गाटी बणी तकी रेवे।