तीतूस 3:7 - नुवो नेम (मेवड़ी नया नियम)

⁷ वीं करपाऊँईस आपाँ परमेसर का हामे सई ठेरा हा, जणीऊँ कदी ने खतम वेबावाळा जीवन का वारिस वेवा, जिंकी आपाँ आस राका हाँ।

तीतूस 3:7 Iomraidhean Croise

मत्ती 25:34

“तद्याँ राजो आपणी जीमणी पाल्ड़े वाळाऊँ केई, ‘हो मारा बापू का धन्न मनकाँ, आवो, वीं राज का हकदार वे जावो, ज्यो जग का बणावाऊँ पेल्या थाँका वाते त्यार किदो ग्यो हे।

मरकुस 10:17

अन जदी ईसू निकळन गेला में जारिया हा, तो एक मनक वाँका आड़ी दोड़तो तको आयो, अन वाँका हामे गोडा टेकन क्यो, “ओ हाँचा गरुजी, अनंत जीवन पाबा का वाते मने कई करणो छावे?”

रोमियों 11:6

यद्याँ ओ परमेसर की करपा को नतीजो हे, तो ओ मनकाँ का करमा को नतीजो ने हे। ने तो करपा ने केवाती।

रोमियों 3:24

पण परमेसर का अनुगरेऊँ अन छुटकाराऊँ ज्यो ईसू मसी में हे, वीं फोकट में धरमी ठेराया ग्या हे।

रोमियों 3:28

ईं वाते अबे आपाँ ईं नतीजा पे पोछ्याँ हा के, कुई भी मनक नेमा का कामाँ के जस्यान चालन ने, पण विस्वासऊँ धरमी बण सके हे।

रोमियों 4:16

तो आ बात साबत वेवे हे के, परमेसर को वादो विस्वास को फळ हे ज्यो वाँकी करपाऊँ में मले हे। अणीस वजेऊँ परमेसर को वादा अबराम का हाराई लोगाँ पे लागू वेवे हे, अन बेस वाँका वातेईस ने जीं नेमाने माने हे पण वाँ हाराई पे जीं अबराम का जस्यान विस्वास राके हे। वो आपणाँ हाराई को बापू हे।

रोमियों 4:4

काम करबावाळा ने दानकी देणी दान ने पण वींको हक हे।

रोमियों 8:17

अन यद्याँ आपाँ वींकी ओलाद हा, तो परमेसर का वारिस अन मसी का हाते पांतीदार भी हा। अन यद्याँ हाँची में आपाँ वींके हाते दक-सक में पांतीदार हा, तो वींके हाते आपाँने भी मेमा भी पांतीदार हा।

1 कुरिन्थियों 6:11

अन थाँकामूँ करता तो अस्याईस हा, पण थाँ परबू ईसू मसी का नामऊँ अन आपणाँ परमेसर की आत्माऊँ धोया ग्या हो अन पुवितर वेन परमेसर का हामे सई ठेरिया हो।

गलातियों 2:16

पछे भी आपाँ यो जाणा हे के, कुई मनक मूसा का नेमाऊँ ने पण ईसू मसी पे विस्वास करबाऊँ धरमी बणे हे। आपाँ ईं वाते ईसू मसी पे विस्वास किदो के आपाँ मूसा का नेमाऊँ ने पण ईसू मसी का विस्वासऊँ धरमी बणन रेवा, काँके मूसा का नेमाऊँ कुई मनक धरमी बणन ने रे सके हे।

गलातियों 3:29

अन यद्याँ थाँ मसी में हो, तो अबराम की पीड़ी का अन वादा की तरियाऊँ ईसू मसी का बेटा-बेटी की बापोती में भेळा हो।

गलातियों 4:7

ईं वाते अबे थाँ किकाँई दास कोयने, पण परमेसर का बेटा-बेटी हो अन जद्याँ थाँ वींका बेटा-बेटी हो तो, वींकी बापोती में भी भेळा हो।

2 थिस्सुलुनिक्यों 2:16

आपणाँ परबू ईसू मसी खुदई अन आपणाँ बापू परमेसर ज्यो आपाँने परेम, जुग-जुग की सान्ती अन हव आस दिदी हे,

तीतूस 1:2

अन ओ हाँच, वीं जीवन की आस बन्दावे हे, जो कदी खतम ने वेवे हे। परमेसर कदी जूट ने बोले अन ईंको वादो विस्वास जोगा परमेसर सरुवातऊँ कर दिदो हो।

तीतूस 2:11

परमेसर की करपा तो हाराई मनकाँ ने बंचाबा का वाते परगट वीं हे।

तीतूस 2:13

अन आपीं वणी धन्न दन की आसऊँ वाट नाळता रेवा, जदी आपणाँ परमेसर अन आपाँने छुटकारो देबावाळा ईसू मसी की मेमा परगट वेई।

इब्रानियों 1:14

तो पछे हरग-दुत कई हे? कई वीं हाराई हरग-दुत छुटकारो पाबावाळा मनकाँ की सेवा करबा का वाते खन्दई तकी आत्मा ने हे?

इब्रानियों 11:7

विस्वास करबा की वजेऊँ नूह भी वणा बाताँ ने ज्यो वींने दिकई कोयने दिदी ही। ईं बारा में चेतावणी पान परमेसर की दरपणी का हाते आपणाँ परवार ने बंचाबा का वाते जाँज बणायो हो, अस्यान करन वणी दनियाँ ने दोसी ठेराई अन वो धारमिकता को वारिस बणग्यो, ज्यो विस्वास करबाऊँ आवे हे।

इब्रानियों 11:9

विस्वास करबा की वजेऊँ परमेसर अबराम ने ज्या धरती देबा को वादो किदो हो वणी धरती का ऊपरे वो एक अणजाण मनक का रूप आपणो तम्बू बणान रेवा लागो, वस्यानीस इसाक अन याकूब भी तम्बू बणान रिया हा, ईं मनक भी अबरामऊँ ज्यो वादो किदो हो वणीस परमेसर का वादा का वारिस हे।

इब्रानियों 6:17

परमेसर खुद का होगनऊँ वादा का वारिस ने या बात ओरी साप साप करणी छाया हा के, वीं आपणो बचन कदी ने टाळी। अस्यान वणा होगनऊँ वादा ने पको किदो।

याकूब 2:5

हो लाड़ला भायाँ, ध्यानऊँ हुणो। कई परमेसर वाँने ने चुण्या ज्यो ईं दनियाँ की देकणी में गरीब हे, जणीऊँ वीं विस्वास का धनी वेजावे अन वीं वणी राज का हकदार बणे, जिंने परमेसर आपणाँऊँ परेम करबावाळा ने देबा को वादो किदो हे।

1 पतरस 3:7

अस्यानीस हो मोठ्याराँ, थाँ भी थाँकी लुगायाँ का हाते हमजदारी का हाते जीवन जीवो। लुगायाँ ने कमजोर हमजन वाँको आदर करो, ओ जाणन के, आपीं दुई जीवन का वरदान में पांतीदार हा, ताँके थाँकी परातना में कुई ओट ने आवे।