तीतूस 3:3 - नुवो नेम (मेवड़ी नया नियम)

³ काँके मसी ने मानबाऊँ पेल्याँ आपाँ भी बना ग्यान का, केणो ने मानबावाळा, भटक्या तका अन हरेक तरियाँ की मो-माया का गुलाम हाँ। आपणो जीवन बुरई अन मेपणाऊँ भरियो हे। अन आपाँ एक-दूजाऊँ दसमणी राकता हाँ।

तीतूस 3:3 Iomraidhean Croise

मत्ती 21:29

पण वणी जबाव दिदो, ‘मूँ ने जाऊँ,’ पण पछे पछताण परोग्यो।

लूका 21:8

ईसू क्यो, “हेंचेत रिज्यो, ताँके थाँ भरमाया ने जावो काँके, घणा मारा नामऊँ आई अन केई के, ‘मूँ वोईस हूँ’ अन ‘ओ अन्त टेम आग्यो हे।’ थाँ वाँका पाच्छे परा मत जाज्यो।

यहुन्ना 8:34

ईसू वाँने क्यो, “मूँ थाँकाऊँ हाँची केवूँ हूँ, ज्यो कुई पाप करे हे, वो पाप को गुलाम हे।

रोमियों 11:30

काँके जस्यान पेल्याँ थाँ ज्यो यहूदी ने हो, थाँ परमेसर की आग्याने ने मानता हा, पण अबे यहूदी मनकाँ के आग्याने ने मानबा की वजेऊँ थाँने परमेसर के दया मली हे।

रोमियों 6:12

ईं वाते थाँकी नास वेबावाळी देह पे पाप की मरजी ने पुरी करबा का वाते पाप को जोर मती चालबा दो। जणीऊँ थाँ पाप की मरजी में कदी ने चालो।

रोमियों 6:17

पण परमेसर को धन्नेवाद वे के, थाँ ज्यो पाप का दास वेबा पे भी थाँ वणी हिक ने मानी, ज्या थाँने हूँपी गी ही।

रोमियों 6:22

पण अबे थाँने पापऊँ छुटकारो मलग्यो ग्यो हे अन परमेसर का दास बणा दिदा ग्या हो, तो ज्या खेती थाँ करिया हो, वाँ थाँने परमेसर का आड़ी खरईपणा में लेजाई। जिंको आकरी फळ अनंत जीवन हे।

रोमियों 6:6

काँके आपाँ ओ जाणा हा के, आपाँ आपणो पुराणो जीवन ईसू का हाते हूळी पे चढा दिदो हो, ताँके पापऊँ भरी आपणी देह नास वे जावे। अन आपाँ आगे पाप का दास ने बण्या रे सका।

2 कुरिन्थियों 12:20

काँके मने दरपणी हे के, जद्याँ मूँ थाँका नके आऊँ अन जस्यान थाँने देकणा छावूँ वस्यान थाँ मने ने मलो। जस्यान थाँ मने देकणा छारिया हो, वणीऊँ अलग मूँ थाँने ने मलूँ। मने आ भी दरपणी हे के, कदी थाँका मयने आपस की लड़ई, जळन, गुस्सो, एक दूजाँ की के हुणई, थाँकी खुद की कस्यी बुरी चाल, अन बेजती, आमी-हामी अन दादागिरी अन काम बगाड़्यो तको ने मले।

गलातियों 6:3

काँके यद्याँ किंके नके कई भी ने वेवे तोबी वो अपणे खुद ने मोटो हमजे, तो वो अपणा खुद ने खाड़ा में नाकरियो हे।

कुलुसियों 1:21

एक टेम ही जद्याँ थाँ थाँका बच्याराँ अन हूँगला कामाँ का मस परमेसरऊँ छेटी हा अन दसमणी राकता हा।

कुलुसियों 3:7

पेल्याँ जद्याँ अस्यी चिजाँ थाँका पे हावी ही, वीं दाण थाँ भी अस्या बुरा कामाँ मेंईस जीवन विताता हा।

2 तिमुतियूस 3:13

अन बुरा अन धोको देबावाळा मनक धोको देता अन खुद धोको खाता तका हेलाऊँ हेला बुरा वेता तका परा जाई।

2 तिमुतियूस 3:6

वाँका मूँ थोड़ाक हिकबावाळा मनक लोगाँ का घरे में जान कमजोर लुगायाँ ने आपणाँ बंस में करी, ज्यो आपणाँ बुरा कामाँ में अन पाप की मरजी में फंसी तकी रेई,

तीतूस 1:16

वीं परमेसर ने जाणबा को दावो तो करे हे, पण वाँका काम वाँने नकार देवे हे। वीं हूँगला अन बात ने ने मानबावाळा हे, वीं हव काम का जोगा ने हे।

तीतूस 2:12

या करपा आपाँने हिकावे हे के, आपीं बना भगती अन दनियादारी की मरजीऊँ फरन अणी दनियाँ में खुद पे काबू राकबावाळा, धरमी अन भगती-भावऊँ जीवन जीवा।

याकूब 1:26

जद्याँ कुई खुद ने भगत हमजे हे अन आपणी जीब ने काबू में ने राके हे तो वो खुद ने धोको देवे हे अन वींकी भगती कई काम की ने हे।

1 पतरस 1:14

आग्या मानबावाळा बाळक के जस्यान रेवो। पेल्याँ थाँकामें ज्या बुरी मरजी ही, वींके जस्यान मती रो, काँके तद्याँ थाँ बना ग्यान का हा।

परकासितवाक्य 12:9

अन वीं मोटा अजगर ने धरती पे फेंक दिदा ग्यो ओ वोईस पुराणो मोटा हाँप हे जिंने दानव कन सेतान क्यो ग्यो हे। ओ हारी दनियाँ ने भरमातो रेवे। ईं अजगर ने ईंका दुताँ का हाते धरती पे फेंक दिदा ग्या।

परकासितवाक्य 13:14

वो पेला डरवाणा जनावर का हकऊँ चमत्कार बतातो हो। वो धरती पे रेबावाळा मनकाँ ने भरमातो अन बोलतो हो के, जीं पेला जनावर के तरवारऊँ घाव व्यो हो, वो ठीक वेग्यो हे, थाँ वींकी मूरत बणावो, ताँके वींने मान मले।

परकासितवाक्य 18:2

वणी जोरऊँ हेला पाड़न क्यो के, “बाबुल नगर धड़ग्यो, ओ नगर तो धड़ग्यो। ओ नगर हरेक तरियाँ की हुगली आत्मा को, हाराई असुद पकसी को अन काकड़ का बुरा जनावर को अडो बणग्यो हे।