तीतूस 3:14 - नुवो नेम (मेवड़ी नया नियम)

¹⁴ आपणाँ मनकाँ ने दूजाँ की जरूत पुरी करबा का वाते, पूरा मनऊँ हव काम करबा में टेम बिताणो छावे, अन वाँने बेकार को जीवन ने जीवणो छावे।

तीतूस 3:14 Iomraidhean Croise

मत्ती 21:19

हड़क का आड़ी वणी एक अंजीर को रूँकड़ो देकन वो वींका भड़े ग्यो, तो वींने पान्दड़ा ने छोड़ वींमें ओरू कई ने मल्यो। तो ईसू रूँकड़ा ने क्यो, “अबे थाँरे में कदी कई फळ ने लागी।” अन वो रूँकड़ो तरत हुकग्यो।

मत्ती 7:19

ज्यो ज्यो रूँकड़ो हव फळ ने लावे, वो काट्यो जाई अन वादी में बाळ्यो जाई।

यहुन्ना 15:16

थाँ मने ने चुण्यो पण में थाँने चुण्या हे अन थाँने ठेराया हे के, थाँ अस्या फळ-फळो जीं हमेस्या बण्या रेवे। तद्याँ थाँ मारा नामऊँ ज्यो कई बापऊँ मांगो, वो थाँने दे।

यहुन्ना 15:8

परमेसर की मरजी का जस्यान काम करो अणीऊँ मारा बापू परमेसर की मेमा वेई, तद्याँई थाँ मारा चेला केवावो।

थरप्या तका का काम 18:3

वीं हाराई को धन्धो एकीस हो, ईं वाते वीं हाते रेन काम करबा लागा। वणा को काम डेरा वणाबा को हो।

थरप्या तका का काम 20:35

में थाँने हंगळो करन दिकायो के अस्यान मेनत करता तका गरीबा ने हमाळो अन परबू का बचन ने रोज याद राकज्यो, जो वणी क्यो हो के, “लेबाऊँ देणो हव हे।”

रोमियों 12:13

परमेसर का मनकाँ की जरुरत में वाँकी मदत करो। मेमान की आवभगत करबा को मोको होदता रेवो।

रोमियों 15:28

तो मूँ ओ काम करन मतलब भेळा किदा तका ईं धन ने पुरी जिमेदारी का हाते वाँने हूंपन थाँकी नगर वेतो तको स्पेन का वाते रवाना वे जाऊँ।

इपिसियों 4:28

ज्यो चोरी करतो आरियो हे, वो अबे कदीई चोरी ने करे, पण ईंका बदले वींने स्यवकार वेन खुद की मेनतऊँ काम करणो छावे। ईंऊँ वो जिंने जरूत हे वींने भी दे सके।

फिलिपियों 1:11

परमेसर की बड़ई अन मेमा के वाते थाँको जीवन ज्यो परमेसर छावे वो करबावाळा हव गुणऊँ भर जावे ज्याँने ईसू मसी देवे हे।

फिलिपियों 4:16

काँके जद्याँ मने थिसलुनीके सेर में जरूत ही, तद्याँ थाँ नरी दाण मारी मदत किदी।

फिलिपियों 4:17

ओ ने के, मूँ दानकी आस राकूँ हूँ, पण मूँ ओ छावूँ हूँ के, थाँका खाता में आसीस जुड़तो जावे।

कुलुसियों 1:10

ताँके थाँ वाँकी मेमा भरी तागतऊँ हारी तागत हाते तकड़ा वेन हाराई कामाँ में फळता अन परमेसर का ग्यान में बड़ता तका परमेसर का जस्यान जीवन जी सको अन वाँने हरेक विसय में राजी कर सको। ताँके थाँ हारई ने सेण कर सको अन हरेक टेम में राजी रेन धीरज राक सको। अन खुस वेन बापू परमेसर को धन्नेवाद दे सको। जणा थाँने उजिता का राज में परमेसर का पुवितर मनकाँ का हाते बापोती पाबा के जस्या बणाया।

1 थिस्सुलुनिक्यों 2:9

हो भायाँ-बेना, थाँ माँकी मेनत अन दुक ने आद राको हो ज्यो थाँका बचमें व्यो हो अन माँ रात-दन काम धन्धो करन थाँने परमेसर को हव हमच्यार हुणायो जणीऊँ थाँका पे कई बोज ने पड़े।

2 थिस्सुलुनिक्यों 3:8

अन किंकी भी फोगट की रोटी ने खादी। पण रात-दन मेनत अन दुक उठान काम धन्धो करता हा, ताँके थाँका पे कई बोज ने पड़े।

तीतूस 2:8

अस्यी मिटी बोली बोल के, जिंपे कुई आँगळी ने तोके। थाँरा दसमण हरमा मरे जणीऊँ वाँने आपणाँ बारा में बुरो केवा को मोको ने मले।

तीतूस 3:8

आ हाँची बात हे। मूँ छावूँ हूँ के, अणी मामला में थूँ खासतोर जोर देन के, जणीऊँ परमेसर पे विस्वास करबावाळा भला काम करता रेवे। ईं बाताँ मनकाँ का वाते हव अन नफा की हे।

2 पतरस 1:8

काँके यद्याँ थाँकामें ईं हारी बाताँ रेई अन थाँ अणा बाताँ में बड़ता रेवो, तो परबू ईसू मसी के ओळकाण में ईं थाँने बेकार ने वेबा देई।