तीतूस 2:7 - नुवो नेम (मेवड़ी नया नियम)

⁷ थूँ थाँरी हारी बाताँ में हव वेवार को नमुनो बण। थाँरी हिक का वाते खरो अन हूँस्यार रे।

तीतूस 2:7 Iomraidhean Croise

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

2 कुरिन्थियों 2:17

परमेसर का बचनाँ को वोपार करबावाळा नरई मनक हे वीं आपणो नफो छावे हे पण माँ अस्यान ने हाँ। माँ तो परमेसर का आड़ीऊँ खन्दाया तका मनक का जस्यान मसी ने हाते लेन, हाँचऊँ बोला हाँ।

2 कुरिन्थियों 4:2

आपाँ वणा काम ने जणीऊँ हरम आवे हे, वाँने कोयने कराँ हाँ। अन ने आपाँ कपट राका हाँ अन नेई आपाँ परमेसर का बचन में गाल-गसोळ करा हाँ। पण आपाँ तो हाँच ने खुला रूपऊँ लोगाँ का हामे बतावा हाँ अन परबू का हामे खुद खरा बणा हाँ।

2 कुरिन्थियों 8:8

आ बात में आग्या देन ने की, पण दूजाँ मनकाँ के खुला मनऊँ दान देबा की भावना का बारा में केन थाँका परेम का हाँच की परक करणो छारियो हूँ।

इपिसियों 6:24

ज्यो आपणाँ परबू ईसू मसीऊँ अमर परेम राके हे, वणा हाराई पे परमेसर की करपा वेती रेवे।

फिलिपियों 1:10

अटा तईं के, थाँ हवऊँ हव बाताँ ने परक सको ताँके मसी के पाच्छा आबा के दन तईं ऊजळा अन बना दोस का बण्या रेवो।

2 थिस्सुलुनिक्यों 3:9

अस्यान की बात ने के, थाँका पे मारो हक ने हे, पण माँ छावाँ हा के, थाँ माँने देकन हिको अन माँके जस्यान जीवन जीवो।

1 तिमुतियूस 4:12

थने किंका भी हामे रेटे ने देकणो पड़ी, काँके थूँ मोट्यार हे, पण बोली-चाली, चालचलन, परेम-भाव, विस्वास अन खरई में थूँ विस्वास्याँ का हामे नमुनो बणजा।

1 तिमुतियूस 5:10

अन जिंको हव काम करबा में नाम मान्यो तको वे, अन ज्या आपणाँ बाळकाँ ने हव तरिया पालण किदो वे, जणी अणजाण की भी सेवा किदी वे, परमेसर का लोगाँ की आपणाँ घर में आवभगत किदी वे, दकी मनकाँ की मदत किदी वे, अन जणी खुद हाराई भला काम करबा में आपणो मन लगायो वे।

तीतूस 3:8

आ हाँची बात हे। मूँ छावूँ हूँ के, अणी मामला में थूँ खासतोर जोर देन के, जणीऊँ परमेसर पे विस्वास करबावाळा भला काम करता रेवे। ईं बाताँ मनकाँ का वाते हव अन नफा की हे।

1 पतरस 5:3

ज्या विस्वासी मण्डली थाँका हक में हे वींपे जोर मती जमावो, पण लोगाँ ने हिक देबावाळा बणो,