तीतूस 2:2 - नुवो नेम (मेवड़ी नया नियम)

² भूण्डा मनकाँ ने हिक दे, ताँके वीं धीरज राकबावाळा, हमजदार अन खुद पे काबू राकबावाळा वेवे अन वीं विस्वास, परेम अन सेवा में पाका रेवे।

तीतूस 2:2 Iomraidhean Croise

मरकुस 5:15

वीं ईसू का नके ग्या अन देक्यो के, वो मनक, जिंमें नरी हुगली आत्मा रेती ही, वींने गाबा पेरियो तको अन पुरी तरियाऊँ ठीक वेन वटे बेटो तको देकन वीं दरपग्या हा।

लूका 8:35

अन लोग-बाग ज्यो व्यो हो वींने देकबा वाते आया, अन ईसू का नके आन वणी मनकऊँ हुगली आत्मा निकळी ही, वींने ईसू जी का चरणा बेट्यो तको अन वणी मनक गाबा पेरिया तका हा अन वींको दिमाग सई वेग्यो हो। यो देकन वीं मनक दरपग्या।

थरप्या तका का काम 24:25

जद्याँ वो परमेसर का हामे सई ठेराबावाळी, सबर अन आगे लोगाँ पे आबावाळा न्याव का बारा में केरियो हो, तो फेलिक्स दरपतो तको जवाब दिदो, “अबाणू तो थूँ जा, मोको मली तो मूँ थने पाछो बलाऊँ।”

रोमियों 12:3

ईं वाते वींकी दया की वजेऊँ ज्या मने मली हे। वींने ध्यान में लेन मूँ थाँने केवूँ हूँ जतरा थाँ हो वणी हेला खुद ने मती हमजो हे, पण विस्वास का जस्यान जतरी कबालियत परमेसर थाँने दिदी हे वतरोइस खुद ने हमजो।

1 कुरिन्थियों 15:34

थाँ होस में आन ज्यो सई हे, वींका बारा होचो अन पाप करणो छोड़ दो। काँके थाँकामूँ नरई तो अस्या हे ज्यो परमेसर का बारा में कई ने ने जाणे हे, मूँ यो थाँकी हरम का वाते केरियो हूँ।

1 कुरिन्थियों 9:25

अन हरेक खेल में हरेक खिलाड़ी हरेक तरियाऊँ खुद ने काबू में राकणो पड़े हे, वीं तो ओ हारोई एक नास वेबावाला मुकट पाबा का वाते करे हे पण आपाँ तो वणी मुकट का वाते करा हा ज्यो कदी कमलाई कोयने।

2 कुरिन्थियों 5:13

अन यद्याँ माँ वेण्डा का जस्यान दिका हाँ तो परमेसर ने मेमा देवा का वाते हाँ अन हूँस्यार हाँ तो थाँका नफा का वाते हाँ।

गलातियों 5:23

नमरता अन खुद ने काबू में राकणो हे अन अस्या अस्या कामाँ का विरोद में कस्याई नेम ने हे।

फिलिपियों 4:8

आकरी में हो भायाँ, ज्यो ज्यो बाताँ हाँची हे अन ज्यो ज्यो बाताँ आदर करबा जस्यी हे अन ज्यो ज्यो बाताँ सई हे अन ज्यो ज्यो बाताँ ऊजळी हे अन ज्यो ज्यो बाताँ हुवावणी हे अन ज्यो ज्यो बाताँ हव गुण, बड़ई अन बड़िया हे वाँपे ध्यान लगाया करो।

1 थिस्सुलुनिक्यों 5:6

ईं वाते दूजाँ के जस्यान आपाँने हूतो तको ने रेणो छावे, पण हेंचेत अन खुद ने काबू में राकणो छावे।

1 थिस्सुलुनिक्यों 5:8

पण आपीं जतरा दन का हाँ, आपाँने विस्वास अन परेम को हत्यार पेरन अन बंचबा को टोपो लेन हेंचेत रेणो छावे।

1 तिमुतियूस 1:10

कुकरमी, मनक मनक का हाते कुकरम करबावाळा, मनकाँ ने बेचबावाळा, जूट बोलबावाळा, अन जूटी होगन खाबावाळा, ईंके अलावा खरी हिक को विरोद करबावाळा का वाते ठेरईगी हे।

1 तिमुतियूस 1:14

अन परबू मारा पे नरी दया किदी, हातेई हाते वो परेम अन विस्वास ज्यो ईसू मसी में हो, वो मने मल्यो।

1 तिमुतियूस 1:2

मूँ यो कागद तिमुतियुस ने लिकूँ हूँ, ज्यो विस्वास में मारो हाँचो बेटो हे। थने बापू परमेसर अन आपणाँ परबू ईसू मसीऊँ आसिरवाद, दया अन सान्ती मलती रेवे।

1 तिमुतियूस 1:5

मारी अणी हिक देबा का पाच्छे योईस मकसद हे के, हाराई विस्वासी परेमऊँ भर जावे, ज्यो हव मनऊँ, हुदी अंतर-आत्माऊँ अन बना छळ-कपट का विस्वासऊँ पेदा वेवे हे।

1 तिमुतियूस 3:11

अणीस लुगायाँ भी हव वेवार की वेवे अन थाँरी मारी करबावाळी ने वेवे, ईं हूँस्यार अन हारी बाताँ में विस्वास जोगी वेणी छावे।

1 तिमुतियूस 3:2

एक मण्डली को परदान बना दोसवाळो वेणो छावे, वींके एकीस लुगई वे, खुद ने बंस में राकबावाळो, धीरज करबावाळो अन मरयादा में रेबावाळो, वो आपणाँ घर में अणजाण की भी आवभगत करे, वो हिकावाबाळा वेवे।

1 तिमुतियूस 3:4

वो आपणाँ परवार की हार-हमाळ करबावाळो वेवे, अन वींका बाळक वींकी पूरो मान करे अन वींका क्या में रेवे।

1 तिमुतियूस 3:8

अणीस तरियाँ मण्डली का दास भी हाँचा अन हव वेवार का वेवे, वीं रिप्या-कोड़ी का भूका अन दारू पियावाळा ने वेवे।

1 तिमुतियूस 5:1

दाना मनकाँ ने कदी तापड़ज्ये मती, पण वाँकाऊँ आदर-मान का हाते बोलज्ये, जस्यान खुद का बापूऊँ बोले हे। मोट्यार ने खुद का भई का जस्यान हमजज्ये।

तीतूस 1:13

वीं परमेसर का आड़ीऊँ बोलबावाळा की या गवई हाँची हे, ईं वजेऊँ थूँ अस्या मनकाँ ने खुब तापड़्या कर, जणीऊँ ईं हाँचा विस्वास में पाका वे जावे।

तीतूस 1:8

पण वीं तो आवभगत करबावाळा अन ज्यो सई हे वणीऊँ परेम करबावाळा वे। खुद ने बंस में राकबावाळा, हुदा-हादा न्यायी, पुवितर अन नेमाँ में रेबावाळा वेवे।

तीतूस 2:7

थूँ थाँरी हारी बाताँ में हव वेवार को नमुनो बण। थाँरी हिक का वाते खरो अन हूँस्यार रे।

फिलेमोन 1:9

पण परेमऊँ मूँ थाँराऊँ अरज कररियो हूँ। मूँ पोलुस ज्यो अबे दानो अन ईसू मसी का हव-हमच्यार का वाते बंदी हूँ, थाँने आपणाँ धरम का बेटा उनेसिमुस का बारा में अरज कररियो हूँ ज्यो जेळ में ईसू पे विस्वास करन मारो बेटो बणग्यो हो।

1 पतरस 1:13

ईं वाते थाँ थाँका मन ने बंस में राको अन खुद ने भी बंस में राको अन वीं वरदान की आस लगई तकी राको, ज्यो थाँने ईसू मसी परगट वेई, वीं दाण दिदो जाई।

1 पतरस 4:7

वाँ टेम नके हे, जद्याँ हारोई नास वे जाई। ईं वाते थाँ हमजदार बणो अन खुद ने बंस में राको, जणीऊँ थाँने परातना करबा में मदत मले।

1 पतरस 5:8

थाँ हूँस्यार रेवो अन जागता रेज्यो, काँके थाँको दसमण सेतान दहाड़ करबावाळो नार की जस्यान ईं भाळ में हे के, वो थाँने फाड़न खावे।

2 पतरस 1:6

अन हमज में खुद ने काबू में राकबा में अन खुद ने काबू में राकबा में धीरज ने अन धीरज में परमेसर की भगती ने,