तीतूस 2:11 - नुवो नेम (मेवड़ी नया नियम)

¹¹ परमेसर की करपा तो हाराई मनकाँ ने बंचाबा का वाते परगट वीं हे।

तीतूस 2:11 Iomraidhean Croise

मत्ती 28:19

ईं वाते जावो, अन हाराई देसा का लोगाँ ने चेला बणावो अन बापू, पूत अन पुवितर आत्मा का नामऊँ बतिस्मो दो,

मरकुस 16:15

पछे ईसू वाँने क्यो, “दनियाँ की हारी जगाँ में जावो अन हारई लोगाँ ने हव हमच्यार हुणावो।

लूका 24:47

अन यरूसलेमऊँ लगान हाराई धरती का लोगाँ में मन फेरबा को अन पापऊँ मापी को परच्यार वींका नामऊँईस किदो जाई।

लूका 3:6

अन हाराई मनक परमेसर की मुगती ने देकी।’”

यहुन्ना 1:14

अन बचन देह रूप धारण लिदो अन दया अन हाँचऊँ भरियो-पुरयो वेन आपणाँ बचमें वास किदो। आपाँ वींकी अस्यी मेमा देकी, या बापू परमेसर का एकाएक बेटा की मेमा ही।

यहुन्ना 1:9

वो उजितो हाँचो हे, ज्यो हाराई मनकाँ ने उजितो में लाई, वो दनियाँ की नजराँ में आरियो हो।

थरप्या तका का काम 11:23

जद्याँ बरनबास अन्ताक्या पूगो, तो लोगाँ पे परमेसर की करपा देकन वो घणो राजी व्यो अन वणी हारई लोगाँ ने धिजो बन्दान परबू में बण्या तका रेवा वाते क्यो।

थरप्या तका का काम 13:43

जद्याँ सबा खतम व्यी, तो नरई यहूदी अन यहूदी धरम ने मान लिदा तका लोग भी पोलुस अन बरनबास का पाच्छे वेग्या। पोलुस अन बरनबास वाँकाऊँ बाताँ करता तका लोगाँ ने मनारिया हा के, वे परमेसर की करपा में बण्या रेवे।

थरप्या तका का काम 13:47

काँके परबू माँने ओ आदेस दिदो के, “‘में थाँने जो यहूदी ने हे, वाँके वाते उजितो बणायो, ताँके वीं बंचाया जाई, धरती का ईं खुणाऊँ वीं खुणा तईं।’”

थरप्या तका का काम 17:30

ईं वाते परमेसर वीं दाण का मनकाँ की, परमेसर ने ने जाणबा अण-हमज पे ध्यान ने दिदो, पण अबे हरेक जगाँ लोगाँ ने मन फराबा की आग्या देवे हे।

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

रोमियों 10:18

पण मूँ बोलूँ हूँ, “कई वणा उपदेस ने हुण्यो?” हा, पकोई हुण्यो। सास्तर बोले हे, “वाँकी अवाज हारी धरती पे फेलगी, अन वाँका बचन धरती का ईं खुणाऊँ वीं खुणा तईं पोंछग्यो हे।”

रोमियों 5:15

पण परमेसर को वरदान आदम का पाप का जस्यान को ने हो। वरदान तो वणीऊँ घणी मान हे। एक मनक आदम का पाप की वजेऊँ घणा मनकाँ की मोत वीं हे, पण एक मनक ईसू मसी की दया की वजेऊँ मल्यो परमेसर की दया को वरदान घणा मनकाँ का वाते भरपूर हे।

रोमियों 5:2

विस्वास का वजेऊँ वणी आपाँने परमेसर की दया में जिंमें आपाँ बण्या तका हा, वीं तईं आपाँने पोंछा दिदा हे अन आपाँ परमेसर की मेमा की आस को गुमान करा हा।

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

गलातियों 2:21

मूँ परमेसर का अनुगरे ने बेकार ने जाणूँ हूँ, काँके यद्याँ मनक मूसा का नेमाऊँ धरमी वेता, तो ईसू मसी को मरणो बेकार वेतो।

इपिसियों 2:5

जद्याँ आपाँ गुना का मस आत्मिक जीवन में मरिया तका हा, तो आपाँने मसी का हाते जिवाया। वाँकी करपाऊँ थाँ बंचाया ग्या हो।

इपिसियों 2:8

काँके थाँ विस्वास का मस करपाऊँ बंचाया ग्या हो। अन ओ थाँके करमा को फळ कोयने पण ओ तो परमेसर को दान हे। ईं वाते अणीऊँ कुई मेपणो ने कर सके हे।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

2 थिस्सुलुनिक्यों 2:16

आपणाँ परबू ईसू मसी खुदई अन आपणाँ बापू परमेसर ज्यो आपाँने परेम, जुग-जुग की सान्ती अन हव आस दिदी हे,

1 तिमुतियूस 1:14

अन परबू मारा पे नरी दया किदी, हातेई हाते वो परेम अन विस्वास ज्यो ईसू मसी में हो, वो मने मल्यो।

1 तिमुतियूस 2:4

अन परमेसर छावे के, धरती का हाराई मनक बंचाया जावे अन वींका हाँच ने जाणे।

2 तिमुतियूस 1:10

पण अबे आपणाँ ने बंचाबावाळा ईसू मसी का आबा का आड़ीऊँ आपणाँ पे परगट व्यो हे। जणी हव हमच्यार का आड़ीऊँ मोत को नास करन जुग-जुग का जीवन ने परगट किदो हे।

2 तिमुतियूस 4:17

पण परमेसर मारा हाते ऊबारियो अन मने तागत दिदी, जणीऊँ तो मूँ ज्यो यहूदी ने हा, वणा हाराई में हव हमच्यार हुणा सक्यो अन मूँ मोत का दण्डऊँ बंचायो ग्यो।

इब्रानियों 12:15

ध्यान देता रेवो, अस्यान ने वे, कुई परमेसर की करपाऊँ छुट जावे। कन अस्यी कई फुट पड़ जावे, ज्या दुक देवे, अन वणीऊँ नरई मनक असुद बण जावे।

इब्रानियों 2:9

पण आपाँ यो देकाँ हा के, वीं ईसू जाँने थोड़ीक टेम का वाते हरग-दुताऊँ रेटे कर नाक्या हा, अबे वींने मेमा अन आदर को मुकट पेरायो ग्यो हे, काँके वणी मोत को दुक जेल्यो हे। ताँके परमेसर की करपाऊँ हरेक मनक का वाते मोत को हवाद चाके।