तीतूस 1:4 - नुवो नेम (मेवड़ी नया नियम)

⁴ हाराई के एक जस्या विस्वास की बजेऊँ तीतूस थूँ मारो हाँचो बेटो हे। बापू परमेसर अन आपाँने बंचाबावाळा ईसू मसी में थने दया अन सान्ती मले।

तीतूस 1:4 Iomraidhean Croise

लूका 2:11

आज दाऊद का नगर में थाँका वाते एक मुगतीदाता को जनम व्यो हे अन वोईस परबू मसी हे।

यहुन्ना 4:42

वणा मनकाँ वीं लुगईऊँ क्यो, “अबे थाँरे केबाऊँईस विस्वास ने करा हा, पण माँ खुद ईंने हुणन जाणग्या हाँ के, योईस हाँची में ईं दनियाँ ने बंचाबावाळो हे।”

रोमियों 1:12

मारे केवा को मतलब ओ हे के, जद्याँ मूँ थाँका हाते रेवूँ, तो थाँने मारा अन मने थाँका विस्वासऊँ हिम्मत मल सके।

2 कुरिन्थियों 12:18

तीतूस ने अन वींका हाते मारा भायाँ ने खन्दाया हा। कई वणा थाँने धोको थोड़ी दिदो हो? ने। काँके माकाँ नके एकीस आत्मा हे, ज्याँ माकाँ में एक जस्या काम करे हे।

2 कुरिन्थियों 2:13

पण मारा विस्वासी भई तीतूस ने वटे ने देकन मारो मन घणो दकी व्यो, तो मूँ वटेऊँ हिक लेन मकिदुनिया आड़ी चाल पड़्यो।

2 कुरिन्थियों 4:13

सास्तर में लिक्यो तको हे के, “में विस्वास किदो हो, जणीऊँ तो मूँ बोल्यो।” आपाँ में भी वणीइस विस्वास की आत्मा हे, जणीऊँ आपाँ भी विस्वास करा हाँ अन बोला हाँ।

2 कुरिन्थियों 7:6

पण दन-दक्या मनकाँ ने सक सान्ती देबावाळा परमेसर तीतूस ने मारा नके खन्दान मारी हिम्मत बड़ई हे।

2 कुरिन्थियों 8:16

परबू को धन्नेवाद वे, ज्यो तीतूस का हरदा में थाँकी चन्ता करबा का वाते वस्यानीस मरजी दिदी हे, जस्यान की मरजी मारा हरदा में हे।

2 कुरिन्थियों 8:23

यद्याँ कुई मने तीतूस का बारा में पूछे, तो वो मारा हाते रेबावाळो अन थाँका नफा का वाते मारा हाते काम करबावाळो हे अन जटे तईं मारा भायाँ को सवाल हे तो, वीं मण्डळीऊँ खन्दाया तका अन मसी की मेमा का हे।

2 कुरिन्थियों 8:6

ईं वाते माँ तीतूसऊँ अरज किदी के, जस्यान वणी आपणो काम चालूँ कर दिदो हे, वस्यानीस ईं दान भेळो करबा का काम ने थाँका वाते पूरो करे।

गलातियों 2:3

वटे अस्यान व्यो के, तीतूस ज्यो मारा हाते हो, ज्यो युनानी हो, पछे भी वणा वींने खतनो करावा का वाते भी ने क्यो हो।

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

गलातियों 3:28

ईं वाते अबे ने कुई यहूदी, ने कुई युनानी, ने कुई दास ने आजाद, ने कुई मनक ने लुगई, काँके थाँ हाराई ईसू मसी में एक हो।

इपिसियों 1:2

आपणाँ बापू परमेसर अन परबू ईसू मसी, थाँ लोगाँ पे करपा करी अन सान्ती देई।

कुलुसियों 1:2

मसी में परमेसर का विस्वासी भायाँ ने नाम ओ कागद लिकरिया हे ज्यो कुलुस्से नगर में रेवे हे। आपणाँ बाप परमेसर का आड़ीऊँ थाँने दया अन सान्ती मले।

1 तिमुतियूस 1:12

मूँ आपणाँ परबू ईसू मसी जणा मने तागत दिदी हे वींको गुणगान करूँ हूँ, काँके वणा मने विस्वास जोगो हमजन मने आपणी सेवा वाते चुण्यो हे।

2 तिमुतियूस 1:1

मूँ पोलुस, ज्यो परमेसर की मरजीऊँ ईसू मसी को थरप्या तको खास चेलो हूँ, जिंने परमेसर वणी जीवन को परच्यार करबा का वाते खन्दायो, जणी जीवन ने परमेसर ईसू मसी में देबा को वादो किदो हे।

2 तिमुतियूस 1:2

मूँ परबू में, मारा लाड़ला बेटा तिमुतियुस थने, ओ कागद लिकरियो हूँ। बापू परमेसर अन आपणाँ परबू ईसू मसी में थने करपा, दया अन सान्ती मले।

2 तिमुतियूस 4:10

काँके देमास तो ईं दनियादारी का मो-माया में पड़न मने छोड़न थिस्सुलुनिक्यों नगर परोग्यो हे। क्रेसकेस गलातिया नगर में अन तीतूस दलमतिया नगर में परोग्यो हे।

तीतूस 1:3

अन सई टेम पे परमेसर वीं हमच्यार ने परच्यार में परगट किदो हे, ज्यो मने हूँप्यो ग्यो अन बंचाबावाळा परमेसर की आग्याऊँ मूँ ईंको हेलो पाड़ू हूँ।

तीतूस 2:13

अन आपीं वणी धन्न दन की आसऊँ वाट नाळता रेवा, जदी आपणाँ परमेसर अन आपाँने छुटकारो देबावाळा ईसू मसी की मेमा परगट वेई।

2 पतरस 1:1

मूँ समोन जिंको नाम पतरस भी हे, ज्यो परबू ईसू मसी को दास अन थरप्यो तको चेलो हे, मूँ ओ कागद वाँ मनकाँ का नाम लिकरियो हूँ, जीं आपणाँ परमेसर अन छुटकारो देबावाळो ईसू की धारमिकता के वजेऊँ आपणे जस्यानीस विस्वास करे हे।

2 पतरस 1:11

अन यद्याँ थाँ ईं रीत का जस्यानीस चालो, तो एक दन जरुर आपणाँ परबू अन छुटकारो देबावाळा ईसू मसी की जुग-जुग का राज में जावो अन वटे थाँ आदर पावो।

2 पतरस 2:20

अन जद्याँ ईं मनक छुटकारो देबावाळा परबू ईसू मसी का बारा में जाणबा का केड़े भी अन ईं दनियाँ की बुरई मेंऊँ निकळबा का केड़े पाच्छा वीं बुरई में जावे हे तो वणा मनकाँ के दसा पेलाँ की दसाऊँ भी हेली बुरी वेई।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।

2 पतरस 3:2

जणीऊँ थाँ वीं बाताँ ने जी परमेसर का आड़ीऊँ बोलबावाळा पुवितर मनकाँ पेल्याँई क्यो हो, वाँने थाँ आद कर सको अन आपणाँ छुटकारो देबावाळा परबू ईसू मसी की आग्या ने, अन जो थाँका खासतोर थरप्या तका चेला थाँने जो आग्या दिदी ही, वाँको थाँ ध्यान कर सको।

1 यहुन्ना 5:14

आपाँ परमेसर पे अस्यान को विस्वास करा हाँ के, यद्याँ वणीऊँ वींकी मरजी का जस्यान परातना करा हाँ, तो वो आपणी हुणे हे।

यहूदा 1:3

हो लाड़ला भायाँ, मूँ तो घणो छावतो हो के, थाँने वीं छूटकारा का बारा में लिकूँ, जिंका आपाँ पांतीदार हा। मने अस्यान भी लागे हे के, मूँ थाँने ईं बाताँ लिकन हिम्मत देऊँ जणीऊँ थाँ विस्वास में बड़ता रेवो, ज्यो विस्वास परमेसर का पुवितर मनकाँ ने दिदो ग्यो हो।