तीतूस 1:11 - नुवो नेम (मेवड़ी नया नियम)

¹¹ ओ जरूरी वेग्यो हे के, वाँको मुण्डो बन्द किदो जावे, जीं ईं गलत बाताँ हिकान विस्वास्याँ का घर ने बगाड़रिया हे अन ईं हाराई नीचपणाऊँ रिप्या-कोड़ी कमावा का चकर में अस्यान करता रेवे हे।

तीतूस 1:11 Iomraidhean Croise

मत्ती 23:13

“ओ कपटी, मूसा का नेमा ने हिकाबावाळा अन फरीसियाँ, थाँने धिकार हे! थाँ मनकाँ का वाते हरग का राज को बारणो बन्द करो हो, ने तो थाँ खुद परवेस करो हो अन ने वींमें परवेस करबावाळा ने परवेस करबा देवो हो।

लूका 20:40

अन ईंका केड़े वणा की ईसुऊँ कई ओरी पूछबा की हिम्मत ने वी।

यहुन्ना 10:12

पण दानकी पे गारा ने चराबावाळो ने तो हव गवाळ्यो वेवे हे अन ने गारा को मालिक वेवे हे। ईं वाते जद्याँ बरगड़ा ने आतो देके, तो गारा ने हुन्ना छोड़न भाग जावे हे अन बरगड़ो वाँने पकड़बा का वाते जपटा मारन वाँने बखेर देवे हे।

रोमियों 3:19

आपाँ जाणा हे के, नेम ज्यो कई केवे हे, वाँने केवे हे ज्यो नेमा का बंस में हे। अणीऊँ हाराई का मुण्डा बन्द किदा जा सके अन हारी दनियाँ परमेसर का दण्ड के जोगी वे।

2 कुरिन्थियों 11:10

यद्याँ मसी को हाँच मारा में हे तो अखाया परदेस में कुई भी मने ईं बात में मेपणो करबाऊँ ने रोक सकी।

1 तिमुतियूस 5:13

अन वाँ घर-घर फरन आपणो टेम बगाड़णो हिक जावे हे, अन अणीऊँ भी हेलो वाँ फोकट की बाताँ करणी अन दूजाँ का काम में टाँग अड़ाणी हिक जावे हे। जणा बाताँ का बारा में बात ने करणी छावे, वाँका बारा में बाताँ करे हे।

1 तिमुतियूस 5:4

पण यद्याँ कणी विदवा का छोरा-छोरी कन पोता-पोती वेवे तो, वाँने हाराऊँ पेली छावे के, वीं आपणाँ घराणा का हाते भगती-भाव को वेवार राके, अन आपणाँ बई-बापू, दादा-दादी की सेवा करन आपणो हक पूरो करे, काँके अस्यान करबाऊँ परमेसर राजी वेवे हे।

1 तिमुतियूस 6:5

अन वणा मनकाँ में लड़ई-जगड़ा वेवे हे जणाकी अकल मरगी हे, अन जीं हाँचऊँ छेटी वेग्या हे, वीं होचे हे के, परमेसर की सेवा धन कमावा को सादन हे।

2 तिमुतियूस 2:18

वणा अस्यान केन हाँच को गेलो छोड़ दिदो के, आपणाँ ने पाछो जीवन पेल्याँई मलग्यो हे, नरई विस्वास्याँ का विस्वास को नास कर देवे हे।

2 तिमुतियूस 3:6

वाँका मूँ थोड़ाक हिकबावाळा मनक लोगाँ का घरे में जान कमजोर लुगायाँ ने आपणाँ बंस में करी, ज्यो आपणाँ बुरा कामाँ में अन पाप की मरजी में फंसी तकी रेई,

तीतूस 1:7

परमेसर का काम ने आपणाँ हाताँ में लेबा का वाते एक मण्डली का परदानाँ में ओ जरूरी हे के, वींमें एक भी खोट ने वेणी छावे। वीं ने तो घमण्डी वेवे, ने फटाकऊँ गुस्सो करबावाळा वेवे, नेईं पियावाळा, ने लड़ायाँ करबावाळा अन नेई रिप्या-कोड़ी का लालची वेवे।

तीतूस 1:9

वीं भी हाँचा बचना पे टक्या तका रेवे, जीं धरम-उपदेस का जस्यान सई हे। जणीऊँ वाँने खरी हिक का उपदेस देबा में अन विरोद करबावाळा को मुण्डो बन्द करबा में मदत मले।

तीतूस 3:10

फुट नाकबावाळा मनकाँ ने चेता अन जद्याँ वो एक दाण में ने माने तो वाँने दूजी दाण का चेता तद्याँ वीं दूजी दाण भी ने माने, तो वाँकाऊँ अलग वेजा।