तीतूस 1:10 - नुवो नेम (मेवड़ी नया नियम)

¹⁰ यो ईं वाते खास हे, काँके नरई मनक हव हमच्यार का विरोदी वेन, जूटा उपदेस देन विस्वास्याँ ने भटकावे हे। मूँ खासकरन यहूदी रिति-रिवाजवाळा का बारा में केरियो हूँ।

तीतूस 1:10 Iomraidhean Croise

मत्ती 23:14

“ओ कपटी, मूसा का नेमा ने हिकाबावाळा अन फरीसियाँ, थाँने धिकार हे! थाँ विदवा लुगायाँ का घराँ ने खा जावो हो अन बतावा का वाते नरई टेम तईं परातना करता रेवो हो, ईं वाते थाँ कल्ड़ो दण्ड पावो।

थरप्या तका का काम 11:2

जद्याँ पतरस यरूसलेम पूग्यो, तो जो भी लोग-बाग खतना किदा तका हा, वाँकाणी वींका पे दोस लगायो।

थरप्या तका का काम 15:1

पछे थोड़ाक मनक यहूदियाँऊँ आन वाँने हिकावा लागा, “यद्याँ मूसा का रिति-रिवाजऊँ थाँको खतनो ने वेतो तो, थें बंचाया ने जाता”।

थरप्या तका का काम 15:24

माँ हुण्यो हे के, माकाँ मूँ कुई थाँका अटे आन, थाँने वाँकी बाताँऊँ घबरा दिदा अन मन ने पळट दिदा, पण माँ वाँने आग्या ने दिदी ही।

थरप्या तका का काम 20:29

मूँ जाणूँ हे के, मारा जाबा के केड़े उगड्याँ तका बरगड़ा थाँका गाबे अई, जो थाँका गारा ने, ने छोड़ी।

गलातियों 2:4

अन यो वणा जूटा भायाँ ज्यो छानेकूँ आपणाँ बचमें आग्या हाँ ताँके ज्यो आजादी आपाँने आपणाँ मसी ईसू की दयाऊँ मली वींको भेद लेन माँने दास बणा सके।

गलातियों 3:1

हे बना अकल का गलातिया का मनकाँ, थाँने कणी भेंम में नाक दिदा हे। में पुरो-पुरो बखाण अस्यान किदो हो के, मानो थाँकी आक्याँ का हामेईस तो ईसू मसी ने हूळी पे चड़ाया ग्या वे।

इपिसियों 4:14

जणीऊँ आपीं आगे बाळक कोयने रेवा, ज्यो ठग मनक की ठग-वद्‍याँ अन चतुराईऊँ, भेंम की बाताँ अन छळ का उपदेस का वइराऊँ ऊछाळ्यो जावे हे अन अटने-वटने भटके हे।

1 तिमुतियूस 1:4

अन वाँ मनगड़त केण्याँ अन वंसावल्या पे मन ने लगावे, ज्यो लड़ई-जगड़ो करावे हे अन परमेसर की वीं मरजी ने पुरी ने वेवा देवे हे, ज्या खाली विस्वासऊँ पुरी वे सके हे।

1 तिमुतियूस 1:6

थोड़ाक मनक ईं गेला ने छोड़न बेकार की बाताँ में फसग्या हे।

1 तिमुतियूस 1:9

ओ जाणन के, मूसा का नेम धरमी मनकाँ का वाते ने पण अधरम्याँ, केणो ने करबावाळा, परमेसर ने ने मानबावाळा, पापी, अपुवितर, असुद, बई-बापू को बुरो करबावाळा, हत्यारा,

2 तिमुतियूस 3:13

अन बुरा अन धोको देबावाळा मनक धोको देता अन खुद धोको खाता तका हेलाऊँ हेला बुरा वेता तका परा जाई।

2 तिमुतियूस 4:4

वीं हाँचऊँ छेटी वे जाई अन बना मतलब की बाताँ पे ध्यान लगाई।

तीतूस 1:6

परदानाँ ने जिमेदारी तद्याँईस हूँपी जावे, जद्याँ वीं निरदोस वेवे अन वाँके एकीस लुगई वे, वाँका बाळक विस्वासी वेवे अन बुरा काम करबावाळा ने वेवे अन आग्या ने मानबावाळा में वाँको नाम ने वेवे।

याकूब 1:26

जद्याँ कुई खुद ने भगत हमजे हे अन आपणी जीब ने काबू में ने राके हे तो वो खुद ने धोको देवे हे अन वींकी भगती कई काम की ने हे।

1 यहुन्ना 2:18

हो मारा प्यारा बाळकाँ, जस्यान थाँ जाणो हो के, आकरी टेम आगी हे अन मसी को दसमण भी आबावाळो हे। ईं वाते वींकी जस्यान नरई मसी का दसमण बणग्या हे, ईं वजेऊँ आपाँ जाण सका हाँ के, आकरी टेम नके हे।

1 यहुन्ना 2:4

पण यद्याँ कुई मनक अस्यान केवे हे के, “मूँ परमेसर ने जाणूँ हूँ” पण वींका आदेस ने, ने माने, तद्याँ वो मनक जूटो हे अन वींका मन में हाँच कोयने हे।

1 यहुन्ना 4:1

हो मारा प्यारा भायाँ, हरेक आत्मा को विस्वास मती करो, पण हरेक आत्माने परको के, वाँ परमेसर का आड़ीऊँ हे के ने। मूँ यो थाँकाऊँ ईं वाते केरियो हूँ, काँके नरई जूटा परमेसर का आड़ीऊँ बोलबा ईं दनियाँ में हे।

परकासितवाक्य 2:14

कई भी वे मने थाँरा विरोद में थोड़ीक बात केणी हे। थाँरी मण्डली में अस्यान का थोड़ाक मनक हे ज्यो बिलाम की हिक पे चाले हे। काँके बिलाम बालाक ने हिकायो हो के, वो इजराएली मनकाँ ने मूरत पे चड़ायो तको चड़ावो खाबा अन कुकरम करबा का वाते उकसावे।

परकासितवाक्य 2:6

पण थाँरा में एक बात हे थूँ नीकुलइया का जस्यान जूट का कामऊँ नपरत करे हे, जणीऊँ मूँ भी नपरत करूँ हूँ।