रोमियों 9:23 - नुवो नेम (मेवड़ी नया नियम)

²³ जणीऊँ ज्याँने वणी आपणी मेमा देबा वाते त्यार कर मेल्या हा अन वींकी दया का जोगा हा, वाँपे वो आपणी मेमा को धन परगट कर सके।

रोमियों 9:23 Iomraidhean Croise

लूका 1:17

वो एलिया के जस्यान की आत्मा अन तागत में वेन परबू का आगे-आगे चाली। मनकाँ को मन वाँके छोरा-छोरी का आड़ी फेर देई, अन परमेसर की आग्या ने ने मानबावाळा ने धारमिकता की अकल का आड़ी लेजाई। अन मनकाँ ने परबू का वाते त्यार करी।”

थरप्या तका का काम 9:15

पण, परबू वींने क्यो, “थूँ जा। काँके ईं मनक ने हारी जात्या, राजा अन इजराएल का लोगाँ में मारो नाम फेलाबा वाते चुण्यो हे।

रोमियों 2:4

कई थूँ वींकी दया अन वींकी सेण समता अन धिरजपणा ने बेकार हमजे हे? अन कई थूँ ओ ने जाणे हे के, परमेसर की दया थने पापऊँ मन फेरवा का आड़ी ले जावे हे।

रोमियों 8:29

जिंने वणा पेल्याईं चुण्या, वाँने वणी आपणो बेटा का जस्या बणाबा का वाते ते किदो, जणीऊँ नरई भायाँ मेंऊँ वो पेली पतो का बणे।

रोमियों 8:30

ज्याँने वणी पेल्याँईं चुण मेल्या हा, वाँने वणी बलाया अन ज्याँने वणी बलाया वाँने धरमी भी ठेराया हे, अन ज्याँने वणी धरमी ठेराया, वाँने वणी मेमा भी दिदी हे।

इपिसियों 1:18

अन थाँका मन की आक्याँ खुल जावे ताँके थाँने पतो चाल जावे के वा आस कई हे, जिंका वाते थाँने वणा बलाया हे। अन जणी हक ने वो आपणाँ हारई पुवितर लोगाँ ने देई, वो कतरो मोटो अन अनमोल हे।

इपिसियों 2:10

काँके आपीं वींका बणाया ग्या हा अन ईसू मसी का गट-जोड़ऊँ वणा भला कामाँ वाते बणाया ग्या हाँ ज्याँने परमेसर पेल्याई आपणे करबा का वाते त्यार किदा।

इपिसियों 2:7

अणा अस्यान किदो ताँके वो आबावाळा जुग में दया का हाते ईसू मसीऊँ ओ दिकाई के खुद की करपा ज्यो आपाँने दिकई ही वा कतरीक हेली हे।

इपिसियों 3:16

परमेसर आपणी आत्माऊँ आपणाँ मेमा भरिया धनऊँ थाँकी अंतर-आत्मा जोरावर वेबा का वाते थाँने तागत देवे।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।

1 थिस्सुलुनिक्यों 5:9

काँके परमेसर आपाँने वींका गुस्सो ने भुगतबा का वाते ने, पण परबू ईसू मसीऊँ बंचाबा का वाते चुण्या हे।

2 तिमुतियूस 2:21

ज्यो खुद ने आ हारी बुरी बाताँऊँ छेटी राकी, तो वो खास काम में काम आई, काँके वणी आपणाँ खुदाखुद ने आपणाँ मालिक परमेसर का वाते दे दिदो हे, जणीऊँ वो हरेक भला काम का वाते त्यार किदो तको वेई।