रोमियों 9:16 - नुवो नेम (मेवड़ी नया नियम)

¹⁶ तो आ बात ने तो किंकी मरजीऊँ वेवे अन नेई कई मेनत करबाऊँ, पण आ तो परमेसर की दया की बात हे।

रोमियों 9:16 Iomraidhean Croise

मत्ती 11:27

“मारा परम बापू मने हारोई हूँप्यो हे, परमेसर के अलावा कुई बेटा ने कोयने जाणे हे, अन ने कुई बेटा के अलावा परमेसर ने जाणे हे, पण अबे वीं मनक परमेसर ने जाणे हे जाँने बेटो बतावे हे।

मत्ती 4:8

ईंका केड़े सेतान ईसू ने हाराऊँ ऊँचा मंगरा पे लेग्यो अन वाँने दनियाँ का हाराई राज अन मानता बताई।

लूका 10:21

वणी दाण ईसू पुवितर आत्माऊँ भरन खुसीऊँ राजी वेग्या अन क्यो, “ओ बापू, हरग अन धरती का परबू, मूँ थाँको धन्नेवाद करूँ हूँ के, थाँ अणा बाताँ ने अकलमन्दाऊँ अन हमजदाराऊँ हपान राकी अन बाळकाँ का ऊपरे परगट किदी। ओ परबू जी, काँके अस्यान थाँने बड़िया लागे हे।”

यहुन्ना 3:8

बायरो जटे छावे वटे चाले हे, अन थाँ वाँकाणी अवाज हुण सको हो, पण ने जाणो हो के, वो कटेऊँ आरियो हे अन कटने जारियो हे। ज्यो कुई पुवितर आत्माऊँ जनमे हे, वो भी अस्यानीस हे।”

रोमियों 9:11

जोड़ला बाळक का जनमऊँ पेल्याँ अन वाँका कुई भी भलो-बुरो करबाऊँ पेल्याँ, परमेसर रिबकाऊँ क्यो, “मोटो बेटो फोरा की सेवा करी।” ताँके परमेसर के चुणाव को मकसद पूरो वेवे के, परमेसर को चुणाव वाँ दुयाँ के करमा का जस्यान ने हो। पण परमेसर की बुलाहट का जस्यान हे।

गलातियों 2:2

अन मारो वटे जाणो परमेसर की पुवितर आत्मा के केबाऊँ व्यो, ज्यो हव हमच्यार को परच्यार मूँ ज्यो यहूदी ने हे वाँका में करूँ, वणी हमच्यार का बारा में छानेकूँ वाँने बता दिदो जीं मण्डली में मोटा हमज्या जाता हा, मूँ वटे ईं वाते ग्यो काँके परमेसर मने दरसण दिदो हो के, मने वटे जाणो छावे, ताँके अस्यो ने वे, ज्यो काम में पेला किदो अन ज्यो अबाणू कररियो, वो फोगट को ठेरे।

इपिसियों 2:8

काँके थाँ विस्वास का मस करपाऊँ बंचाया ग्या हो। अन ओ थाँके करमा को फळ कोयने पण ओ तो परमेसर को दान हे। ईं वाते अणीऊँ कुई मेपणो ने कर सके हे।

फिलिपियों 2:13

परमेसरइस हे ज्यो थाँका जीवन में काम कररिया हे ताँके थाँकामें वाँका मकसद ने पूरो करबा को मन अन तागत वेवे।

याकूब 1:18

वणी आपणी मरजीऊँ हाँच का बचनऊँ पेदा किदा हे जणीऊँ आपाँ वींकी बणई तकी दनियाँ में पेला फळ वेवा।