रोमियों 9:1 - नुवो नेम (मेवड़ी नया नियम)

¹ मूँ मसी में हाँची बोलरियो हूँ। मूँ जूट ने बोलूँ अन मारो मन ज्यो पुवितर आत्माऊँ मारी गवई देवे हे

रोमियों 9:1 Iomraidhean Croise

रोमियों 1:9

परमेसर जिंकी सेवा मूँ मारा हरदाऊँ वाँका बेटा का हव हमच्यार को परच्यार करन करूँ हूँ, वो मारो गवा हे के, मूँ थाँने हमेस्यान आद करूँ हूँ।

रोमियों 2:15

वीं आपणाँ कामऊँ यो बतावे हे के, नेम वाँके काळजा की कोर पे लिक्या तका हे। अन वाँकी अंतर-आत्मा ईं बात की गवई देवे हे। अन वाँका बच्यार वाँने कदी अपरादी बतावे हे अन कदी निरदोस बतावे हे।

रोमियों 8:16

आ पुवितर आत्मा खुद आपणी आत्मा का हाते मलन गवई देवे हे के, आपाँ परमेसर की ओलाद हा।

रोमियों 9:2

के, मने घणो दुक हे अन मारा मन में घणी पिड़ा हे।

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

2 कुरिन्थियों 1:23

गवई का रूप में परमेसरऊँ अरज करतो तका अन मारा जीवन का होगन खान कूँ हूँ के, मूँ पाछो कुरिन्तुस में ईं वाते ने आयो हो काँके मूँ थाँने दकऊँ बंचाणा छातो हो।

2 कुरिन्थियों 11:10

यद्याँ मसी को हाँच मारा में हे तो अखाया परदेस में कुई भी मने ईं बात में मेपणो करबाऊँ ने रोक सकी।

2 कुरिन्थियों 11:31

आपणाँ परबू ईसू मसी का बापू परमेसर की हमेस्यान मेमा वेती रेवे, वीं जाणे के, मूँ जूट ने बोलूँ हूँ।

2 कुरिन्थियों 12:19

अबाणू तईं थाँ योईस होचरया हो के, माँ नरई दनाँऊँ खुद कोईस पकस लेरिया हाँ। पण माँ तो परमेसर का हामे मसी का दास वेन थाँने क्यो। हो मारा लाड़ला भायाँ, माँ ज्यो कई भी थाँने केरिया हाँ, वो थाँने आत्मिक रूपऊँ जोरावर बणाबा का वाते केरिया हाँ।

गलातियों 1:20

अन जीं बाताँ मूँ थाँने लिकरियो, देको, वीं परमेसर का होगन खान केवूँ हूँ के, ईं बाताँ जूटी कोयने।

फिलिपियों 1:8

ईंमें परमेसर मारा गुवा हे के, मूँ ईसू मसी का लगावऊँ थाँ हाराई का वाते वाट नाळरियो हूँ।

1 थिस्सुलुनिक्यों 2:5

थाँ ईं बात ने हव तरियाऊँ जाणो हो के, माँ कदी फोगट की बड़ाई की बाताँ ने किदी अन नेई लोब-लाळच का वाते कस्यो बानो बणायो। ईं बात का परमेसर भी गवा हे।

1 तिमुतियूस 1:5

मारी अणी हिक देबा का पाच्छे योईस मकसद हे के, हाराई विस्वासी परेमऊँ भर जावे, ज्यो हव मनऊँ, हुदी अंतर-आत्माऊँ अन बना छळ-कपट का विस्वासऊँ पेदा वेवे हे।

1 तिमुतियूस 2:7

अन ईं गवई ने जी यहूदी ने हे वणामें हुणाबा का वाते मूँ एक हिक देबावाळा अन ईसू को थरप्यो तको चेलो बणायो ग्यो हूँ, ताँके विस्वास का सन्देस अन हाँच को हेलो पाड़ सकूँ। मूँ जूटो कोयने हूँ, मूँ हाँच बोलरियो हूँ।

1 तिमुतियूस 5:21

मूँ थने परमेसर, मसी ईसू अन पुवितर हरग-दुत की मोजुदगी में केवूँ हूँ के, थूँ खुला मनऊँ अणा आदेस ने मानज्ये अन ज्यो कई भी थूँ करे, वींने बना पकसपात के करज्ये।