रोमियों 8:37 - नुवो नेम (मेवड़ी नया नियम)

³⁷ अणा हारी बाताँ में माँकाऊँ परेम करबावाळा की वजेऊँ माँ जीतबावाळाऊँ भी बड़कर हा।

रोमियों 8:37 Iomraidhean Croise

यहुन्ना 16:33

में थाकाँऊँ ईं बाताँ ईं वाते किदी के, थाँने माराऊँ सान्ती मले, दनियाँ में तो थाँने दुक मल्यो हे पण हिम्मत राको, में दनियाँ ने जीत लिदी हे।”

रोमियों 8:35

कूण हे ज्यो आपाँने मसी का परेमऊँ अलग करी? कई दक, कई तकलिपाँ, कई हताव, कई काळ, कई गरीबी, कई मोत की दरप टेम कन कटारी?

1 कुरिन्थियों 15:54

अन जद्याँ आ नास वेबावाळी देह बना नास की जोळी ने पेर लेई अन आ मरबावाळी देह ने मरबावाळी देह की जोळी पेर लेई जदी सास्तर में लिक्यो तको ओ बचन पूरो वेई के, “जीत मोत ने निगळगी हे”,

1 कुरिन्थियों 15:57

पण परमेसर को धन्नेवाद वे के, वणा आपाँने परबू ईसू मसीऊँ मोत पे जीत देवाड़ी हे।

2 कुरिन्थियों 12:19

अबाणू तईं थाँ योईस होचरया हो के, माँ नरई दनाँऊँ खुद कोईस पकस लेरिया हाँ। पण माँ तो परमेसर का हामे मसी का दास वेन थाँने क्यो। हो मारा लाड़ला भायाँ, माँ ज्यो कई भी थाँने केरिया हाँ, वो थाँने आत्मिक रूपऊँ जोरावर बणाबा का वाते केरिया हाँ।

2 कुरिन्थियों 12:9

पण वणा मने क्यो थाँरा वाते मारी दया घणी हे काँके कमजोरी मेंईस मारी तागत हेलो काम करे हे। ईं वाते मूँ मारी कमजोरी में राजी वेन मेपणो करूँ, जणीऊँ मसी की तागत मारा पे आवे।

2 कुरिन्थियों 2:14

परमेसर को धन्नेवाद वे ज्यो आपाँने मसी की वजेऊँ जीतावे हे अन खुद का ग्यान की हव बाना ने आपणाँऊँ हारी जगाँ फेलावे हे।

गलातियों 2:20

मूँ अबे जीवतो कोयने हूँ, पण मूँ ईसू मसी में जीवतो हूँ अन मूँ अणी देह में जीवतो हूँ तो बेस ईसू पे विस्वास करबा का मस जीवतो हूँ, ज्यो परमेसर को बेटो हो अन वणी माराऊँ अतरो परेम किदो के, आपणाँ खुद ने मारा वाते दे दिदो।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

2 थिस्सुलुनिक्यों 2:16

आपणाँ परबू ईसू मसी खुदई अन आपणाँ बापू परमेसर ज्यो आपाँने परेम, जुग-जुग की सान्ती अन हव आस दिदी हे,

1 यहुन्ना 4:10

हाँचो परेम ओ ने हे के, आपाँ परमेसरऊँ परेम किदो, पण वो ओ हे के, परमेसर आपाऊँ परेम किदो अन आपणाँ पाप धोवा का वाते आपणाँ बेटा ने बलीदान वेवा का वाते खन्दा दिदो।

1 यहुन्ना 4:19

आपाँ ईं वाते परेम करा हाँ, काँके परमेसर पेल्याँ आपणाँऊँ परेम किदो हे।

1 यहुन्ना 4:4

हो मारा प्यारा बाळकाँ, थाँ परमेसर का हो। ईं वाते थाँ जूटा परमेसर की आड़ीऊँ बोलबावाळाऊँ जितग्या हो। काँके थाँका मयने वो परमेसर वास करे हे वीं ईं दनियाँ में रेबावाळा सेतानऊँ जोरावर हे।

यहूदा 1:24

परमेसर थाँने पापऊँ बंचान आपणाँ हामे निरदोस साबत करन अन राजी करन आपणी मेमा करबा का वाते ऊबो कर सके हे।

परकासितवाक्य 12:11

वणाऊँ उन्याँ का लुईऊँ अन खुद की गवई की वजेऊँ वींने हरा दिदो हो, वणी आपणो जीव को भी होच ने किदो अन मोत ने जेल लिदी।

परकासितवाक्य 17:14

वीं उन्याँऊँ लड़ी, पण वो उन्यो आपणाँ बलाया तका, चुण्या तका अन आपणाँ गेले चालबावाळा मनकाँ ने हाते लेन वींने हरा देई, काँके वो उन्यो राजावो को भी राजा अन परबू को भी परबू हे।”

परकासितवाक्य 21:7

जो जे पाई वोईस अणा हारी चिजाँ को मालिक वेई। मूँ वींको परमेसर वेऊँ अन वो मारो बेटो वेई।

परकासितवाक्य 3:9

हुणो, थाँका अटे थोड़ाक अस्या मनक हे ज्यो सेतान की मण्डली का हे वीं खुद ने यहूदी बतावे जद्याँ के वीं हाँची में कोयने। वीं जूटा हे, मूँ वाँके हाते अस्यान को वेवार करूँ, जणीऊँ वीं थाँरा नके आन थाँरा पगा में धोक खाई अन ओ जाण जाई के, मूँ थाँकाऊँ परेम करूँ हूँ।