रोमियों 8:29 - नुवो नेम (मेवड़ी नया नियम)

²⁹ जिंने वणा पेल्याईं चुण्या, वाँने वणी आपणो बेटा का जस्या बणाबा का वाते ते किदो, जणीऊँ नरई भायाँ मेंऊँ वो पेली पतो का बणे।

रोमियों 8:29 Iomraidhean Croise

मत्ती 12:50

काँके ज्यो कुई मारा हरग का बाप की मरजी पे चाले, वो मारो भई, मारी बेन अन मारी बई हे।”

मत्ती 25:40

“तद्याँ राजा वाँने केई, ‘मूँ थाँकाऊँ हाँची केवूँ हूँ के, थाँ ज्यो मारा ईं फोराऊँ फोरा भायाँ मेंऊँ किंका एक का लारे भी किदो, तो वो माराईस हाते किदो हे।’

मत्ती 28:10

तद्याँ ईसू वाँने क्यो, “दरपो मती। मारा भायाँ ने जान केवो के, वीं गलील परा जावे, वीं मने वटेईस देकी।”

मत्ती 7:23

तद्याँ मूँ वाँने खोलन केऊँ के, ‘में थाँने कदी भी ने ओळक्या, हो कुकरम करबावाळा, मारा नकेऊँ परा जावो।’

यहुन्ना 17:16

जस्यान मूँ दनियाँ को ने हूँ, वस्यानीस वीं भी दनियाँ का ने हे।

यहुन्ना 17:19

मूँ वाँका वाते खुद ने पुवितर करन थाँरी सेवा करबा का वाते देवूँ हूँ। जणीऊँ वीं भी हाँचऊँ पुवितर वेन थाँरी सेवा का वाते खुद ने दिदे।

यहुन्ना 17:26

में थाँको मेमावान नाम ने वाँने बतायो अन बतातो रेऊँ, जणीऊँ ज्यो परेम थाँने माराऊँ हो वाँका में भी रेवे, अन मूँ वाँका में रेवूँ।”

यहुन्ना 20:17

ईसू वींने क्यो, “मारे हात मती लगा, काँके मूँ अबाणू बाप का नके ने ग्यो हूँ। पण, मारा भायाँ का नके जान वाँने के दे के, ‘मूँ मारा बाप अन थाँका बाप अन मारा परमेसर अन थाँका परमेसर का नके ऊपरे जारियो हूँ।’ ”

रोमियों 11:2

परमेसर आपणाँ इजराएली मनकाँने ने नकारिया हे, ज्याँने वीं पेल्याँई जाणता हा। कई थाँ ने जाणो हो के, एलिया का बारा में सास्तर कई केवे हे, जद्याँ एलियो इजराएल का मनकाँ का विरोद में अरज कररियो हो?

रोमियों 13:14

पण परबू ईसू मसी का हाव-भाव ने धारण करलो, अन आपणाँ पापी वेवार ने अन मन की मरजी ने काबू में राको।

रोमियों 9:23

जणीऊँ ज्याँने वणी आपणी मेमा देबा वाते त्यार कर मेल्या हा अन वींकी दया का जोगा हा, वाँपे वो आपणी मेमा को धन परगट कर सके।

1 कुरिन्थियों 15:49

अन जस्यान आपाँ गारावाळा मनक को रूप धारण करा हाँ, वस्यानीस आपाँ हरगवाळा मनक को रूप भी धारण कराँ।

1 कुरिन्थियों 2:7

पण आपाँ परमेसर का वीं भेद का ग्यान ने बतावा हा ज्यो मनकाँऊँ छाने हो, जिंने परमेसर सरुवातऊँ आपणाँ हाराई की मेमा का वाते ठेरायो हे।

1 कुरिन्थियों 8:3

पण यद्याँ कुई परमेसरऊँ परेम करे हे तो वींने परमेसर जाणे हे।

2 कुरिन्थियों 3:18

जद्याँ आपाँ उगाड़ा मुण्डाऊँ काँस का जस्यान परबू की चमक को चलको पाड़ा हाँ, तो आपाँ भी वींके जस्यान वेबा लागा हाँ अन वाँ चमक आपाँ में ओरू भी हेलीऊँ हेली वेबा लागे हे अन आ चमक भी परबू का आड़ीऊँइस आवे हे, मतलब आत्माऊँ।

इपिसियों 1:11

परमेसर ज्यो कई करी आपणी मन की मरजी अन ते किदी तकी बात के जस्यान करी अन परमेसर आपाँने खुद का मकसद के जस्यानीस वाँके खुद की परजा बणबा का वाते ईसू मसी का हाते गट-जोड़ करन चुण्या हा, जिंने वणा पेल्याई ते कर मेल्यो हो।

इपिसियों 4:24

अन थाँ नुवा चालचलन ने पेरलो, ज्यो परमेसर का गुण का जस्यान रच्यो ग्यो हे अन ज्यो हाँची में पुवितर अन परमेसर का हामे सई हे।

फिलिपियों 3:21

वो आपणी वीं ताकतऊँ हारई चिजाँ ने आपणाँ वंस में राके हे, वणीस ताकतऊँ आपणाँ कमजोर डील ने बदलन वाँकी मेमा का डील का जस्यान बणा देई।

कुलुसियों 3:10

अन थाँ नुवा मनकपणा ने पेर लिदो हे, जणीऊँ थाँ आपणाँ बणाबावाळा परमेसर का जस्यान अन वाँके पाका ग्यान में हमेस्यान नुवा बणता जावो हो।

2 तिमुतियूस 1:9

वणा आपाँने परमेसर का मनक वेबा वाते बंचाया अन बलाया हे, ओ सोभाग्य आपणाँ पे आपणाँ कामाँ का जस्यान ने मल्यो हे, पण ओ तो वाँकी दया अन वाँका मकसद वाते आपाँ पे ने मल्यो हे, ज्यो ईसू मसी में सरुवातऊँ आपणाँ वाते हो।

2 तिमुतियूस 2:19

पण परमेसर की पाकी नीम हाले कोयने, जिंपे आ छाप लागरी हे के, “परबू आपणाँ मनकाँ ने जाणे हे,” अन, “ज्यो कुई परबू को नाम लेवे हे, वींने बुरा कामऊँ बच्यो तको रेणो छावे।”

1 पतरस 1:2

बापू परमेसर थाँने आपणाँ पेल्या का ग्यानऊँ पेल्याई चुण लिदा हे, अन वाँकी पुवितर आत्मा थाँने पुवितर बणाया हे, अणीऊँ थाँ ईसू मसी की आग्या को पालण करो अन वींका खुनऊँ सुद वेवो। थाँका पे परमेसर की करपा अन सान्ती वेती रेवे।

1 पतरस 1:20

वींने ईं धरती की रचना वेबाऊँ पेल्याँई चुण लिदो ग्यो हो, पण थाँ लोगाँ का वाते आकरी दनाँ में वींने परगट किदो ग्यो।

1 यहुन्ना 3:2

हो मारा प्यारा भायाँ, अबे आपाँ परमेसर का बेटा-बेटी हाँ, पण आबावाळी टेम में आपाँ कई वेवा, ईंका बारा में आपाँने ग्यान ने दिदो ग्यो हे, पण छावे ज्यो भी वे, आपाँ ओ जाणा हाँ के, जद्याँ मसी पाच्छा परगट वेई, तद्याँ आपाँ वींके जस्यान वे जावाँ, काँके जस्यान वो हे, वस्यानीस आपाँ वींने देकाँ।

परकासितवाक्य 13:8

जणा मनकाँ को नाम वीं उन्याँ की जीवन की किताब में ने लिक्यो तको हो, वीं हाराई वी डरावणा जनावर के धोक लागी। अन यो उन्यो ज्यो ईं दनियाँ की सरुआतऊँ बली वेबा का वाते ते किदो ग्यो हो।