रोमियों 8:18 - नुवो नेम (मेवड़ी नया नियम)

¹⁸ मूँ होचूँ हूँ के, ईं टेम ज्यो दुक आपाँ भोगरिया हा, वो वीं मेमा का आगे कईस ने हे, ज्याँ आगे आपणाँ पे आबावाळी हे।

रोमियों 8:18 Iomraidhean Croise

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

रोमियों 8:19

काँके ओ जग घणी आसऊँ वीं टेम को वाट नाळरियो हे, जद्याँ परमेसर आपणी ओलाद परगट करी।

कुलुसियों 3:4

थाँको जीवन मसी हे। जद्याँ वो मेमा का हाते परगट वेई, तद्याँ थाँ भी वींका मेमा में हाते परगट वेवो।

2 थिस्सुलुनिक्यों 2:14

अन ईं बंचबा का वाते जणी हव हमच्यार की, में थाँने हिक दिदी ही, वणी का आड़ीऊँ परमेसर थाँने बलाया हे, ताँके थाँ भी आपणाँ परबू ईसू मसी की मेमा में भेळा वेवो।

तीतूस 2:13

अन आपीं वणी धन्न दन की आसऊँ वाट नाळता रेवा, जदी आपणाँ परमेसर अन आपाँने छुटकारो देबावाळा ईसू मसी की मेमा परगट वेई।

इब्रानियों 11:35

विस्वासऊँ लुगायाँ आपणाँ मरिया तका ने ईंका केड़े जीवता देक्या। नरई मनकाँ ने हताया ग्या, पण वीं छुटबाऊँ नटग्या ताँके वीं मरिया केड़े पाच्छा जीवता वेन ओरी बड़िया जीवन ने मेसूस करे।

1 पतरस 1:13

ईं वाते थाँ थाँका मन ने बंस में राको अन खुद ने भी बंस में राको अन वीं वरदान की आस लगई तकी राको, ज्यो थाँने ईसू मसी परगट वेई, वीं दाण दिदो जाई।

1 पतरस 4:13

पण राजी वेवो के, थाँने मसी का जस्यान दुक जेलबा को मोको मल्यो हे। जणीऊँ जद्याँ ईसू मसी की मेमा परगट वेई तद्याँ थाँ भी राजी अन खुसी रे सको।

1 पतरस 5:1

अबे मूँ वाँने जो थाँका मयने परदान मान्याँ जावे हे, वाँकाऊँ परातना करूँ हूँ, मूँ खुद एक दानो परदान हूँ अन जो दुक मसी जेल्यो हो वींको मूँ गवा हूँ अन आबावाळी मेमा को मूँ भागी हूँ।

1 यहुन्ना 3:2

हो मारा प्यारा भायाँ, अबे आपाँ परमेसर का बेटा-बेटी हाँ, पण आबावाळी टेम में आपाँ कई वेवा, ईंका बारा में आपाँने ग्यान ने दिदो ग्यो हे, पण छावे ज्यो भी वे, आपाँ ओ जाणा हाँ के, जद्याँ मसी पाच्छा परगट वेई, तद्याँ आपाँ वींके जस्यान वे जावाँ, काँके जस्यान वो हे, वस्यानीस आपाँ वींने देकाँ।