रोमियों 8:16 - नुवो नेम (मेवड़ी नया नियम)

¹⁶ आ पुवितर आत्मा खुद आपणी आत्मा का हाते मलन गवई देवे हे के, आपाँ परमेसर की ओलाद हा।

रोमियों 8:16 Iomraidhean Croise

मत्ती 5:9

धन्ने हे वीं, जीं मेल-मिलाप को काम करे हे, काँके वीं परमेसर का छोरा-छोरी केवाई।

लूका 20:36

वी पाच्छा कदी भी ने मरी, काँके वी हरग-दुताँ का जस्यान वेगा अन वीं पाच्छा जीबावाळा की ओलाद वेबाऊँ परमेसर की ओलाद भी ठेरी।

यहुन्ना 1:12

पण जणा भी वींने मान्यो अन वींपे विस्वास किदो, वाँने वणी परमेसर की ओलाद वेबा को हक दिदो।

थरप्या तका का काम 5:32

ईं बात का माँ गवायाँ हाँ अन वस्यानीस वा पुवितर आत्मा भी हे, जो पुवितर आत्मा परमेसर वाँने दिदी हे, जो कुई वींकी बात माने हे।”

रोमियों 8:14

ज्यो परमेसर की आत्मा का जस्यान चाले हे, वीं परमेसर की ओलाद हे।

रोमियों 8:19

काँके ओ जग घणी आसऊँ वीं टेम को वाट नाळरियो हे, जद्याँ परमेसर आपणी ओलाद परगट करी।

रोमियों 8:23

अन आ दनियाईस ने पण आपाँ भी ज्याँने आत्मा को पेलो फळ मल्यो हो, आपाँ भी दकऊँ तड़परिया हा। काँके आपाँ ईं बात की वाट नाळरिया हे के, वो आपाँने आपणी ओलाद का जस्यान मान ले अन आपणो देहऊँ छुटकारो वे जावे।

रोमियों 8:26

अस्यानीस पुवितर आत्मा आपणी कमजोरी में आपणी मदत करे हे, काँके आपाँ कोयने जाणा हा के, आपाँने परातना कणी रितीऊँ करणी हे। पण आत्मा खुद टेका करन आपणाँ वाते परातना करे हे, जिंने बोलन बतायो जाणो होरो कोयने हे।

रोमियों 9:26

अन, “जणी जगाँ में वाँका वाते क्यो हो, ‘थाँ मारा मनक ने हो।’ वटेईस वीं जीवता परमेसर की ओलाद केवाई।”

रोमियों 9:8

ईंको मतलब ओ हे के, परमेसर अबराम का पिड़ीऊँ देह का रूप में जनम्याँ मनकाँ ने आपणाँ मनक ने माने हे, पण परमेसर वाँने अबराम का बंस का माने, जीं परमेसर का वादा का जस्यान जनम्याँ हे।

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

2 कुरिन्थियों 1:22

वींइस आपाँ पे छाप भी लगई हे अन आपणाँ मयने गारन्टी का रूप में पुवितर आत्मा दिदी हे, वीं आपणो वादो पूरो करी।

2 कुरिन्थियों 5:5

अन जणा आपाँने ईं बात का वाते त्यार किदा हे, वीं परमेसर हे, वणाईस आपाँने गारन्टी का रूप में आत्मा दिदी हे।

2 कुरिन्थियों 6:18

मूँ थाँको बापू वेऊँ, अन थाँ मारा छोरा-छोरी वेवो। आ बात परम सगतीमान परबू केवे हे।”

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

गलातियों 4:6

अन थाँ ज्यो परमेसर का बेटा-बेटी हो, ईं वाते परमेसर ने आपणाँ पूत की आत्माने थाँका हरदा में खन्दई, वाईस आत्मा “हो बापू, हो पीता” केन परमेसर ने हेलो पाड़े हे।

इपिसियों 1:13

थाँ लोगाँ भी हाँचा बचन हुण्या, ज्यो थाँके मुगती देबावाळो हव हमच्यार हो। ईंने हुणन थाँ मसी पे विस्वास किदो, तद्याँ परमेसर थाँका पे आपणी पुवितर आत्मा की छाप लगई, जिंको वादो परमेसर कर मेल्यो हो।

इपिसियों 4:30

परमेसर की पुवितर आत्माने दकी मती करो, काँके छुड़ाबा के दन का वाते वा खुद छाप थाँका पे लागी हे।

1 यहुन्ना 3:1

अतरोक होचन देको के, बापू परमेसर आपाऊँ कतरो परेम किदो हे, जणीऊँ आपाँ वाँका बेटा-बेटी केवाया हाँ अन हाँची में हा भी। ईं वजेऊँ आ दनियाँ आपाँने ने जाणे हे, काँके वीं परमेसर ने भी कोयने जाणे हे।

1 यहुन्ना 3:10

थाँ कस्यान जाण सको के, कूण परमेसर को बेटा हे? कूण सेतान को बेटा हे? हरेक वीं मनक ज्यो धरम का काम ने करे अन आपणाँ विस्वासी भईऊँ परेम ने करे वीं परमेसर का आड़ीऊँ कोयने हे।

1 यहुन्ना 3:2

हो मारा प्यारा भायाँ, अबे आपाँ परमेसर का बेटा-बेटी हाँ, पण आबावाळी टेम में आपाँ कई वेवा, ईंका बारा में आपाँने ग्यान ने दिदो ग्यो हे, पण छावे ज्यो भी वे, आपाँ ओ जाणा हाँ के, जद्याँ मसी पाच्छा परगट वेई, तद्याँ आपाँ वींके जस्यान वे जावाँ, काँके जस्यान वो हे, वस्यानीस आपाँ वींने देकाँ।

1 यहुन्ना 4:13

आपाँने पूरो विस्वास भी हे के, वो आपणाँ में वास करे हे अन आपाँ भी वींके हाते चाला हाँ, काँके वणी आपाँने खुद की आत्मा दिदी हे।

1 यहुन्ना 5:10

अन ज्यो भी मनक परमेसर का बेटा पे विस्वास करे हे, वो खुदई वींकी गवई देवे हे। जद्याँ कुई परमेसर क्यो, वणा बाताँ पे विस्वास ने करे, वो परमेसर ने जूटो ठेरावे हे। काँके परमेसर आपणाँ बेटा का वाते गवई दिदी हे।

परकासितवाक्य 21:7

जो जे पाई वोईस अणा हारी चिजाँ को मालिक वेई। मूँ वींको परमेसर वेऊँ अन वो मारो बेटो वेई।