रोमियों 8:14 - नुवो नेम (मेवड़ी नया नियम)

¹⁴ ज्यो परमेसर की आत्मा का जस्यान चाले हे, वीं परमेसर की ओलाद हे।

रोमियों 8:14 Iomraidhean Croise

मत्ती 5:9

धन्ने हे वीं, जीं मेल-मिलाप को काम करे हे, काँके वीं परमेसर का छोरा-छोरी केवाई।

यहुन्ना 1:12

पण जणा भी वींने मान्यो अन वींपे विस्वास किदो, वाँने वणी परमेसर की ओलाद वेबा को हक दिदो।

रोमियों 8:19

काँके ओ जग घणी आसऊँ वीं टेम को वाट नाळरियो हे, जद्याँ परमेसर आपणी ओलाद परगट करी।

रोमियों 8:5

काँके ज्यो आपणी देह जस्यान जीवन जीणो छावे हे, वाँको मन देह की मरजी में लागी तकी रेवे हे। पण ज्यो आत्मा का जस्यान जीवन जीणो छावे हे, वाँको मन जस्यान आत्मा छावे वस्यी बाताँ में लागी रेवे हे।

रोमियों 8:9

पण यद्याँ हाँची में थाँकामें परमेसर की आत्मा वास करे हे तो थाँ देह की मरजी का जस्यान ने जीवो, पण आत्मा का जस्यान जीवो। यद्याँ किंमें ईसू मसी की आत्मा ने हे तो वो मसी को ने हे।

रोमियों 9:26

अन, “जणी जगाँ में वाँका वाते क्यो हो, ‘थाँ मारा मनक ने हो।’ वटेईस वीं जीवता परमेसर की ओलाद केवाई।”

रोमियों 9:8

ईंको मतलब ओ हे के, परमेसर अबराम का पिड़ीऊँ देह का रूप में जनम्याँ मनकाँ ने आपणाँ मनक ने माने हे, पण परमेसर वाँने अबराम का बंस का माने, जीं परमेसर का वादा का जस्यान जनम्याँ हे।

2 कुरिन्थियों 6:18

मूँ थाँको बापू वेऊँ, अन थाँ मारा छोरा-छोरी वेवो। आ बात परम सगतीमान परबू केवे हे।”

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

गलातियों 4:5

ताँके जीं मूसा का नेमाँ का क्या में हे वाँने मोल लेन नेमाऊँ छुड़ावे, जणीऊँ आपाँ परमेसर का गोद लिदा तका छोरा-छोरी वेबा को हक मले।

गलातियों 4:6

अन थाँ ज्यो परमेसर का बेटा-बेटी हो, ईं वाते परमेसर ने आपणाँ पूत की आत्माने थाँका हरदा में खन्दई, वाईस आत्मा “हो बापू, हो पीता” केन परमेसर ने हेलो पाड़े हे।

गलातियों 5:16

पण मूँ केवूँ हूँ, पवितर आत्मा का हस्याबूऊँ चालो, तो थाँ पाप करबावाळी देह की मरजी ने कदी पुरी ने करो।

गलातियों 5:18

अन यद्याँ थाँ पुवितर आत्माऊँ का हस्याबूऊँ चालो तो मूसा का नेमा का गुलाम ने रेवो।

इपिसियों 1:5

वाँकाणी परेम का हाते पेल्याँऊँ ओ ते किदो के, आपाँ ईसू मसीऊँ वाँकी गोद लिदी तकी ओलाद बणा। याईस वाँकी मरजी अन खुसी की बात ही।

इपिसियों 5:9

काँके उजाळा को फळ हाराई तरियाँ की भलई, ज्यो परमेसर छावे वो करणो अन हाँच हे।

1 यहुन्ना 3:1

अतरोक होचन देको के, बापू परमेसर आपाऊँ कतरो परेम किदो हे, जणीऊँ आपाँ वाँका बेटा-बेटी केवाया हाँ अन हाँची में हा भी। ईं वजेऊँ आ दनियाँ आपाँने ने जाणे हे, काँके वीं परमेसर ने भी कोयने जाणे हे।

1 यहुन्ना 3:24

अन ज्यो भी मनक परमेसर को आदेस माने हे वींका में परमेसर को वास रेवे हे अन वो मनक परमेसर में बण्यो तको रेवे हे। अन पुवितर आत्मा की वजेऊँ ज्या आपाँने दिदी गी, वणीऊँ ओ जाण सका हाँ के, आपणाँ मयने परमेसर को रेवास हे।

परकासितवाक्य 21:7

जो जे पाई वोईस अणा हारी चिजाँ को मालिक वेई। मूँ वींको परमेसर वेऊँ अन वो मारो बेटो वेई।