रोमियों 7:5 - नुवो नेम (मेवड़ी नया नियम)

⁵ काँके जद्याँ आपाँ मनकाँ का हाव-भाव का जस्यान जीरिया हा, तो आपणी पापऊँ भरी मरजी ज्या नेमाऊँ अई ही, वाँ आपणाँ अंगा में काम करबा लागगी। जणीऊँ आपणो अंत मोत वेवे,

रोमियों 7:5 Iomraidhean Croise

मत्ती 15:19

काँके मनऊँ खराब बच्यार, हत्या, पराई लगाई का हाते हूँगला काम, कुकरम, चोरी, जूटी गवई अन परमेसर की बुरई निकळे हे।

यहुन्ना 3:6

मनक देहऊँ देह ने जनम देवे हे पण वाँ पुवितर आत्माइस हे ज्या आत्मिक रूप में जनमे देवे हे।

रोमियों 1:26

ईं वजेऊँ परमेसर वाँने वाँके हरमऊँ भरी बुरी मरजी में छोड़ दिदा। अन अटा तईं के, वणा की लुगायाँ भी आपणाँ धणी का हाते कुदरती वेवार छोड़न अकुदरती वेवार राकबा लागगी।

रोमियों 3:20

काँके नेमा का कामाँऊँ कुई भी मनक परमेसर का हामे धरमी ने बण सके हे। काँके नेमाऊँ तो पाप की ओळकाण वेवे हे।

रोमियों 4:15

मनक नेमा को पालण ने करे तो परमेसर को गुस्सो भड़के हे, पण जटे नेम ईं ने हे वटे नेमा ने तोड़बा की गूंजाइसई कोयने हे?

रोमियों 5:20

नेम ईं वाते आया हा के, पाप बड़ सके। पण जटे पाप बड़्यो, वटे परमेसर की करपा वणीऊँ ओरू भी हेली बड़ी।

रोमियों 6:13

थाँका देह का अंग ने अधरम का सादन वेबा वाते पाप का हाताँ में मती दिज्यो, पण मरिया तका मेंऊँ जी उटबावाळा के जस्यान परमेसर का हाताँ में दिज्यो। अन थाँकी देह का अंगा ने धारमिकता का सादन वेबा वाते परमेसर ने हूँप दो।

रोमियों 6:19

थाँ थाँके देह की कमजोरी का मस हाराई बाताँ ने हमज ने सको हो, ईं वाते मूँ थाँने ईं बाताँ बोलचाल की भासा में हमजारियो हूँ। पेल्याँ थाँ थाँकी देह का अंग ने असुद अन अधरम बड़ाबा का वाते एक दास का रूप काम लेता हा। पण अबे थाँ वस्यानीस थाँका देह का अंग ने दास वेबा का वाते धारमिकता का हात में हूँप दो, ज्याँ थाँने खरईपणा में ले जावे हे।

रोमियों 6:21

जणा बाताँऊँ थाँने आज हरम आवे हे वींको थाँने कई फळ मल्यो? काँके वींको आकरी फळ मोत हे।

रोमियों 6:23

काँके पाप को मोल तो मोत हे पण आपणाँ परबू ईसू मसी में परमेसर को वरदान अनंत जीवन हे।

रोमियों 7:23

पण मूँ मारी देह में एक दूजाँ नेमा ने काम करता देकूँ हूँ जीं मारा मन का नेमाऊँ लड़े हे अन मने पाप का नेमा में बन्दी बणा लेवे हे। ईं नेम मारी देह में काम करे हे।

1 कुरिन्थियों 15:56

पाप एक डंक का जस्यान हे जणीऊँ आपाँ मरा हाँ अन आपणाँ नके नेम हे, जणीऊँ आपाँ जाणा हाँ के, आपीं पाप किदो हे।

2 कुरिन्थियों 10:3

हाँची में माँ भी तो ईं दनियाँ मेंईस रेवा हाँ, पण ईं दनियाँ का मनकाँ का जस्यान ने लड़ा हाँ।

गलातियों 3:10

पण ज्यो मनक मूसा का कामाँ का जस्यान चाली वीं हाराई मनक पाप का गुलाम रेई। काँके सास्तर में लिक्यो हे के, “ज्यो कुई मूसा का नेमा की किताब में लिकी तकी हारी बाताँ ने कोयने मानी, वींने हराप लागी।”

गलातियों 5:24

अन जीं मनक ईसू मसी का हे, वणा आपणाँ देह की बुरी मरजी अन कामाँ ने हूळी पे चढा दिदा हे।

इपिसियों 2:11

ईं वाते आद करो के थाँ जनमऊँ यहूदी ने हो। डील में मनकाँ का हाताऊँ खतनो किदा तका यहूदी मनक आपणाँ खतना पे मेपणो करे हे अन थाँने बना खतना का केवे हे।

इपिसियों 2:3

पेल्याँ आपाँ हारई भी वाँके जस्यान आपणाँ डील की हुगली मनसा के जस्यान दन बिताता हा, डील अन मन की मरजी पुरी करता हा अन दूजाँ लोगाँ के जस्यान परमेसर का दण्ड के जोगा हा।

कुलुसियों 3:5

ईं वाते थाँ कुकरम, हूँगला पणो, बुरी वासना, हुगली मरजी, लोब-लाळच ज्यो मूरत पुजा का जस्यान को हे, अस्यान का दनियादारी का गुण ने आपणाँ मेंऊँ मार दो।

तीतूस 3:3

काँके मसी ने मानबाऊँ पेल्याँ आपाँ भी बना ग्यान का, केणो ने मानबावाळा, भटक्या तका अन हरेक तरियाँ की मो-माया का गुलाम हाँ। आपणो जीवन बुरई अन मेपणाऊँ भरियो हे। अन आपाँ एक-दूजाऊँ दसमणी राकता हाँ।

याकूब 1:15

अन वाँ बुरी मरजी वींके मयने बड़न पाप करावे हे, जणीऊँ वो पाप मोत ने जनम देवे हे।

याकूब 4:1

थाँकामें लड़ई-जगड़ो काँ वेवे हे? ईंको मस थाँका मयने थाँकी भोग-विलास की मरजी हे ज्या थाँका मयने लड़ई-जगड़ो करीरी हे।

1 यहुन्ना 3:4

ज्यो भी मनक पाप करे हे, वो परमेसर का आदेस तोड़ हे, काँके परमेसर का आदेस ने तोड़णाइस पाप हे।