रोमियों 6:6 - नुवो नेम (मेवड़ी नया नियम)

⁶ काँके आपाँ ओ जाणा हा के, आपाँ आपणो पुराणो जीवन ईसू का हाते हूळी पे चढा दिदो हो, ताँके पापऊँ भरी आपणी देह नास वे जावे। अन आपाँ आगे पाप का दास ने बण्या रे सका।

रोमियों 6:6 Iomraidhean Croise

रोमियों 6:12

ईं वाते थाँकी नास वेबावाळी देह पे पाप की मरजी ने पुरी करबा का वाते पाप को जोर मती चालबा दो। जणीऊँ थाँ पाप की मरजी में कदी ने चालो।

रोमियों 6:22

पण अबे थाँने पापऊँ छुटकारो मलग्यो ग्यो हे अन परमेसर का दास बणा दिदा ग्या हो, तो ज्या खेती थाँ करिया हो, वाँ थाँने परमेसर का आड़ी खरईपणा में लेजाई। जिंको आकरी फळ अनंत जीवन हे।

रोमियों 7:14

काँके आपाँ जाणा हा, नेम आत्मिक हे, पण मूँ हाड़क्या माँस को मनक हूँ ज्यो पाप की गुलामी करबा का वाते वक्यो तको हे।

रोमियों 8:13

काँके यद्याँ थाँ देह जस्यान जीवो, तो मरो, पण यद्याँ थाँ आत्मा का जस्यान देह की मरजी ने मार देवो, तो थाँ जीवता जीवो।

2 कुरिन्थियों 5:14

मसी को परेम माँने बंस में राके हे, काँके माँ हमजग्या हा के, जद्याँ मसी हाराई का वाते मरग्या, तो वीं हाराई भी जूना जीवन का वाते मरग्या हे।

गलातियों 2:20

मूँ अबे जीवतो कोयने हूँ, पण मूँ ईसू मसी में जीवतो हूँ अन मूँ अणी देह में जीवतो हूँ तो बेस ईसू पे विस्वास करबा का मस जीवतो हूँ, ज्यो परमेसर को बेटो हो अन वणी माराऊँ अतरो परेम किदो के, आपणाँ खुद ने मारा वाते दे दिदो।

गलातियों 5:24

अन जीं मनक ईसू मसी का हे, वणा आपणाँ देह की बुरी मरजी अन कामाँ ने हूळी पे चढा दिदा हे।

गलातियों 6:14

मने परबू ईसू मसी की हूळी ने छोड़न ओरी दूजी कणी बात में मेपणो ने वेवे हे। काँके मूँ दनियाँ का नजर में अन दनियाँ मारा नजर में हूळी पे चड़ई तकी हे।

इपिसियों 4:22

थाँके पाला जीवन को चालचलन ज्यो धोको देबावाळी मरजीऊँ बगड़ग्यो हे, वींने छोड़बा का वाते थाँने हिकायो ग्यो हो।

कुलुसियों 3:5

ईं वाते थाँ कुकरम, हूँगला पणो, बुरी वासना, हुगली मरजी, लोब-लाळच ज्यो मूरत पुजा का जस्यान को हे, अस्यान का दनियादारी का गुण ने आपणाँ मेंऊँ मार दो।

तीतूस 3:3

काँके मसी ने मानबाऊँ पेल्याँ आपाँ भी बना ग्यान का, केणो ने मानबावाळा, भटक्या तका अन हरेक तरियाँ की मो-माया का गुलाम हाँ। आपणो जीवन बुरई अन मेपणाऊँ भरियो हे। अन आपाँ एक-दूजाऊँ दसमणी राकता हाँ।