रोमियों 6:4 - नुवो नेम (मेवड़ी नया नियम)

⁴ तो वींकी मोत को बतिस्मो लेबाऊँ आपाँ भी वींके हातेईस गाड़्या ग्या हा, ताँके जस्यान परमेसर की मेमा की तागत का मस मसी ने मरिया तकाऊँ जिवाया हा वस्यानीस आपाँ भी एक नुवो जीवन जीवाँ।

रोमियों 6:4 Iomraidhean Croise

यहुन्ना 11:40

ईसू वींने क्यो, “कई में थने ने क्यो हो के, यद्याँ थूँ विस्वास करी, तो परमेसर की मेमा ने देकी?”

यहुन्ना 2:11

ईसू गलील का काना नगर में आपणो ओ पेलो परच्यो देन आपणी मेमा परगट किदी अन वाँका चेला वाँके ऊपरे विस्वास किदो।

थरप्या तका का काम 2:24

पण, परमेसर वींने मोत का दकऊँ छुड़ान पाछो जीवतो कर दिदो, काँके वाँका वाते ओ वे ने सके के, मोत वींने आपणाँ बस में राके।

थरप्या तका का काम 2:32

अणीस ईसू ने परमेसर पाछो जीवतो कर दिदो, ईं बात का माँ हारई गवा हाँ।

रोमियों 6:19

थाँ थाँके देह की कमजोरी का मस हाराई बाताँ ने हमज ने सको हो, ईं वाते मूँ थाँने ईं बाताँ बोलचाल की भासा में हमजारियो हूँ। पेल्याँ थाँ थाँकी देह का अंग ने असुद अन अधरम बड़ाबा का वाते एक दास का रूप काम लेता हा। पण अबे थाँ वस्यानीस थाँका देह का अंग ने दास वेबा का वाते धारमिकता का हात में हूँप दो, ज्याँ थाँने खरईपणा में ले जावे हे।

रोमियों 6:3

कई थाँ ने जाणो हो आपाँ, ज्यो ईसू मसी में बतिस्मो लिदो हे, वींकी मोत कोईस बतिस्मो लिदो हे।

रोमियों 6:8

अन यद्याँ आपाँ मसी का हाते मरग्या, तो आपणो विस्वास हे के, आपाँ वींके हाते जीवाँ भी।

रोमियों 6:9

आपाँ जाणा हा के, मसी जिंने मरिया तकाऊँ जिवायो ग्यो हो, वो पाछो कदी ने मरी हे। अन वींपे मोत को ज्योर कदी ने चाली।

रोमियों 7:6

पण अबे आपाँने नेमाऊँ छुटकारो मलग्यो हे। काँके जणा नेमा को आपणाँ पे हक हो, वींका वाते आपाँ मरग्या हा। ताँके पुराणा लिक्या तका नेमाऊँ ने, पण आत्मा की नुवी रितऊँ परमेसर की सेवा करा।

रोमियों 8:11

अन यद्याँ वाईस आत्मा जणी ईसू मसी ने मरिया तकाऊँ जीवतो किदो हे, थाँका मयने वास करे हे, तो वो जणी ईसू ने मरिया तकाऊँ जीवतो किदो हे, थाँकी नास वेबावाळी देह ने आपणी आत्माऊँ ज्या थाँका मयने वास करे हे, जीवाई।

1 कुरिन्थियों 6:14

अन परमेसर आपणी तागतऊँ परबू ईसू नेईस पाछो जीवता ने किदा पण वीं आपाँने भी पाच्छा जीवता करी।

2 कुरिन्थियों 13:4

ओ हाँच हे के, वींकी कमजोरी की वजेऊँ वींने हूळी पे चड़ायो ग्यो पण वो परमेसर की तागतऊँ जीरियो हे। ओ हाँच हे के, मसी का मयने माँ भी कमजोर हाँ पण थाँकी भलई की वाते परमेसर की तागतऊँ वींके हाते जीवाँ हाँ।

2 कुरिन्थियों 5:17

ईं वाते अबे ज्यो भी मसी में हे, वो परबू की नुवी रचना हे। पुराणी बाताँ परीगी हे अन अबे हारोई नुवो वेग्यो हे।

इपिसियों 4:17

मूँ ईं वाते ओ केवूँ हूँ अन परबू का नाम में थाँने हेंचेत करूँ हूँ के, ज्यो विस्वास ने करे हे वाँके जस्यान अबे कदी भी जीवन ने जीवो, जिंको बच्यार कई काम को ने हे।

इपिसियों 5:8

काँके थाँ तो पेल्याँ अन्दारो हा, पण अबे परबू का गट-जोड़ में थाँ उजाळो हो, ईं वाते उजाळो का मनकाँ का जस्यान चालो।

कुलुसियों 3:10

अन थाँ नुवा मनकपणा ने पेर लिदो हे, जणीऊँ थाँ आपणाँ बणाबावाळा परमेसर का जस्यान अन वाँके पाका ग्यान में हमेस्यान नुवा बणता जावो हो।

कुलुसियों 4:1

ओ मालिकाँ, आपणाँ-आपणाँ हाळयाँ का हाते सई वेवार राको अन हाराई ने एक हरिका राको, ओ हमजन के, हरग में थाँको भी एक मालिक हे।

1 पतरस 3:21

वो पाणी भी बतिस्मा का जस्यान हे, जणीऊँ अबे थाँ बंचाया जावो हो। अणी बतिस्मा को मतलब यो कोयने के, देह को मेल धोयो जावे, पण मन ने पुवितर करन खुद ने परमेसर का आड़ी फेरणो वेवे हे, काँके ईसू मसी मरिया तका मेंऊँ पाच्छा जीवता किदा ग्या हा।

1 यहुन्ना 2:6

ज्यो कुई भी मनक ओ केवे हे के, वो परमेसर में पाको हे, तद्याँ वींने ईसू मसी का जस्यान जीवन जीवणो छावे।