रोमियों 5:9 - नुवो नेम (मेवड़ी नया नियम)

⁹ काँके अबे आपाँ वाँका लुईऊँ धरमी वेग्या हा, तो पछे मसी जरियऊँ परमेसर का गुस्साऊँ काँ ने बंचाया जावा?

रोमियों 5:9 Iomraidhean Croise

यहुन्ना 5:24

“मूँ थाँने सई-सई केवूँ हूँ, ज्यो मारा बचनाँ ने हुणन मारा खन्दाबावाळा को विस्वास करे हे, वो अनंत जीवन पावे हे। अन वाँने दण्ड ने दिदो जाई, पण वीं मोतऊँ छेटी वेन जीवन में परवेस करग्या हे।

रोमियों 1:18

परमेसर की रीस हरगऊँ वणा मनकाँ का हरेक पाप अन बुरई का हामे परगट वेवे हे, जीं हाँच ने बुरईऊँ दबान राके हे।

रोमियों 5:1

ईं वाते आपाँ आपणाँ विस्वास की वजेऊँ धरमी वेग्या हा, अणीऊँ अबे आपणो परबू ईसू मसी का जरियऊँ परमेसरऊँ मेल-मिलाप हे।

रोमियों 5:10

काँके जद्याँ आपाँ परमेसर का दसमण हा। तो परमेसर आपणाँ बेटा की मोतऊँ आपणो मेल-मिलाप खुदऊँ किदो। अन जद्याँ अबे आपणाँ मेल-मिलाप वेग्यो हे तो वाँका जीवनऊँ आपाँ काँ ने बंचाया जावा?

रोमियों 8:1

तो अबे ज्यो ईसू मसी में बण्या तका हे, वाँका वाते कई दण्ड ने हे।

रोमियों 8:30

ज्याँने वणी पेल्याँईं चुण मेल्या हा, वाँने वणी बलाया अन ज्याँने वणी बलाया वाँने धरमी भी ठेराया हे, अन ज्याँने वणी धरमी ठेराया, वाँने वणी मेमा भी दिदी हे।

इपिसियों 2:13

पण थाँ ज्यो पेल्याँ परमेसरऊँ छेटी हा, अबे ईसू मसी का गट-जोड़ में, मसी की मोतऊँ भड़े लाया ग्या हो।

इपिसियों 2:3

पेल्याँ आपाँ हारई भी वाँके जस्यान आपणाँ डील की हुगली मनसा के जस्यान दन बिताता हा, डील अन मन की मरजी पुरी करता हा अन दूजाँ लोगाँ के जस्यान परमेसर का दण्ड के जोगा हा।

1 थिस्सुलुनिक्यों 1:10

अन परमेसर का बेटा ईसू मसी के हरगऊँ पाच्छा आबा की वाट नाळता रेवो, जिंने वणा मरिया तका मेंऊँ पाच्छा जीवतो किदो हो, अन वींइस आपाँने परमेसर की आबावाळी रीसऊँ बंचावे हे।

इब्रानियों 9:14

आ बात हाँची हे तो मसी को लुई कतरो जोरावर वेई? जणी अनंत आत्माऊँ खुद ने निरदोस बली का रूप में हमेस्या वाते परमेसर के चड़ा दिदो। वींके अस्यान करबाऊँ अन वींके लुईऊँ आपाँने मोत का आड़ीऊँ लेन जाबावाळा करमाऊँ आपणाँ मन सुद कर करी, ताँके आपाँ जीवता परमेसर की सेवा कर सका।

इब्रानियों 9:22

मूसा का नेमा का जस्यान हारी चिजाँ ने लुई छाटकन सुद किदी जावे हे अन बना लुई वेवाड़्याँ मापी ने मले हे।

1 यहुन्ना 1:7

अन यद्याँ आपाँ केवा के, आपाँ वींके हाते उजिता में हा अन वींके जस्यानीस उजिता में चाला हा, तो आपाँ एक विस्वासी का जस्यान एक-दूजाऊँ मलन रेवा हा अन परमेसर का बेटा ईसू मसी को खून आपणाँ हाराई पाप ने धो देवे हे।