रोमियों 5:1 - नुवो नेम (मेवड़ी नया नियम)

¹ ईं वाते आपाँ आपणाँ विस्वास की वजेऊँ धरमी वेग्या हा, अणीऊँ अबे आपणो परबू ईसू मसी का जरियऊँ परमेसरऊँ मेल-मिलाप हे।

रोमियों 5:1 Iomraidhean Croise

लूका 19:38

“धन्ने हे वो राजा, जो परबू का नामऊँ आवे हे। हरग में सान्ती अन आकास में मेमा वेवे।”

लूका 19:42

अन क्यो, “कतरो, भलो वेतो के, थूँ अणा दनाँ की हव बाताँ ने ओळकतो जीं थाँरा वाते सान्ती लाती, पण, अबे भी वी थारी आक्याँऊँ ओजल हे।

लूका 2:14

“हरग में परमेसर की बड़ई अन धरती पे वाँ मनकाँ ने सान्ती मले, ज्याऊँ वो राजी हे।”

यहुन्ना 14:27

“मूँ थाँने सान्ती देन जारियो हूँ, आपणी खुद की सान्ती थाँने देवूँ हूँ। दनियाँ देवे हे वस्यान मूँ थाँने ने देवूँ हूँ। थाँको मन दकी ने वेवे अन ने थाँ दरपे।

यहुन्ना 16:33

में थाकाँऊँ ईं बाताँ ईं वाते किदी के, थाँने माराऊँ सान्ती मले, दनियाँ में तो थाँने दुक मल्यो हे पण हिम्मत राको, में दनियाँ ने जीत लिदी हे।”

यहुन्ना 20:31

पण, ईं वाते लिक्या ग्या हे के, थाँ विस्वास करो के, ईसूइस परमेसर को पूत मसी हे अन विस्वास करन वाँका नामऊँ जीवन पावो।

यहुन्ना 5:24

“मूँ थाँने सई-सई केवूँ हूँ, ज्यो मारा बचनाँ ने हुणन मारा खन्दाबावाळा को विस्वास करे हे, वो अनंत जीवन पावे हे। अन वाँने दण्ड ने दिदो जाई, पण वीं मोतऊँ छेटी वेन जीवन में परवेस करग्या हे।

थरप्या तका का काम 10:36

थाँ ईं सन्देस ने जाणो हो, जो इजराएली लोगाँ का वाते खन्दायो ग्यो हे, जो हाराई को परबू ईसू मसीऊँ सान्ती मले हे, वीं हव हमच्यार की घोसणा हे।

रोमियों 1:17

काँके हव हमच्यार बतावे हे के, परमेसर मनकाँ ने कस्यान आपणाँ वाते सई करे हे। ओ सरुवातऊँ लेन आकरी तईं विस्वास पे टक्यो तको रेवे हे। जस्यान के पुवितर सास्तर में लिक्यो तको हे के, “विस्वासऊँ धरमी मनक जीवतो रेई।”

रोमियों 10:10

काँके आपणाँ मन का विस्वासऊँ मनक धरमी बणायो जावे हे अन खुद का मुण्डाऊँ वींका विस्वास ने मानबाऊँ, वो बंचायो जावे हे।

रोमियों 10:15

अन हुणाबावाळा ने खन्दावाँ, तो वीं कस्यान हुणा सकी? जस्यान के सास्तर में लिक्यो हे, “हव हमच्यार हुणाबावाळा का पग करता हुवावणा हे।”

रोमियों 14:17

काँके परमेसर का राज में बेस खाणो-पिणो ने हे, पण वो तो धारमिकता, सान्ती अन पुवितर आत्माऊँ मल्यो तको आणन्द हे।

रोमियों 15:13

आस देबावाळो परमेसर थाँका मना ने सान्ती अन खुसीऊँ भर देवे जस्यान वींमें थाँको विस्वास हे, जणीऊँ पुवितर आत्मा की तागतऊँ थाँ आसऊँ भरपूर वे जावो।

रोमियों 15:33

सान्ती का परमेसर थाँ हाराई का हाते रेवे। आमीन।

रोमियों 3:22

हाराई विस्वास्याँ का वाते ईसू मसी में विस्वास का हाते बना भेद-भाव करिया परमेसर का आड़ीऊँ मलबावाळी धारमिकता परगट किदी गी हे।

रोमियों 3:30

काँके एकीस परमेसर हे, ज्यो यहूदी ने विस्वासऊँ अन ज्यो यहूदी ने हे वाँने भी वणीस विस्वासऊँ धरमी ठेराई।

रोमियों 4:5

पण यद्याँ कुई मनक करम ने करे अन बेस वीं परमेसर पे विस्वास करे ज्यो पापी मनकाँ ने धरमी बणावे हे, तद्याँ वणी मनक को विस्वासईस वींका धरमीपणा का वाते मान्यो जावे हे।

रोमियों 5:11

अतरोकीस ने पण अबे आपणो परबू ईसू मसी का मस परमेसरऊँ मेल-मिलाप व्यो हे अन भगती करन गुमान करा हा।

रोमियों 5:18

जस्यान एक पाप की वजेऊँ हाराई मनकाँ पे दण्ड आयो, वस्यानीस एक धरम का काम की वजेऊँ हाराई ने अनंत जीवन देबावाळी धारमिकता मले हे।

रोमियों 6:23

काँके पाप को मोल तो मोत हे पण आपणाँ परबू ईसू मसी में परमेसर को वरदान अनंत जीवन हे।

रोमियों 9:30

तो पछे आपाँ कई केवाँ? माँ ईं नतीजा पे आया हा के, ज्यो यहूदी ने हा, वीं मनक धारमिकता की खोज में ने हा, वणा धारमिकता पा लिदी हे। वीं ज्यो विस्वास की वजेऊँ खरा ठेराया ग्या।

गलातियों 2:16

पछे भी आपाँ यो जाणा हे के, कुई मनक मूसा का नेमाऊँ ने पण ईसू मसी पे विस्वास करबाऊँ धरमी बणे हे। आपाँ ईं वाते ईसू मसी पे विस्वास किदो के आपाँ मूसा का नेमाऊँ ने पण ईसू मसी का विस्वासऊँ धरमी बणन रेवा, काँके मूसा का नेमाऊँ कुई मनक धरमी बणन ने रे सके हे।

गलातियों 3:25

पण अबे जद्याँ विस्वास आग्यो हे तो अबे आपाँ मूसा का नेमा का केबा ने रिया।

गलातियों 5:22

पण आत्मा का फळ परेम, आणन्द, मेल-मिलाप, करपा, भलई, दया, धीरज,

इपिसियों 2:7

अणा अस्यान किदो ताँके वो आबावाळा जुग में दया का हाते ईसू मसीऊँ ओ दिकाई के खुद की करपा ज्यो आपाँने दिकई ही वा कतरीक हेली हे।

फिलिपियों 3:9

अन मूँ वाँका हाते गट-जोड़ऊँ जी सकूँ। मूँ मूसा का नेमा को पालण करबाऊँ परमेसर का हामे सई ने हूँ, पण ईसू मसी पे विस्वास करबाऊँ परमेसर का हामे सई हूँ। अबे परमेसर केवे हे मूँ वाँका हामे सई हूँ, काँके मूँ विस्वास करूँ हूँ।

कुलुसियों 1:20

परमेसर हूळी पे मसी का बलीदान का लुईऊँ हारी चिजाँ ने मलान आपणाँ नके पाच्छी ले आबा को ते कर दिदो। पलई वीं धरती वे कन परमेसर का राज की।

कुलुसियों 3:15

अन मसीऊँ मली तकी सान्ती ने थाँका हरदा में राज करबा दो। परमेसर थाँने एक हाते एकीस देह में अणीस सान्ती में रेवा का वाते बलाया हे। अन हरदाण परमेसर को धन्नेवाद करता रेवो।

1 थिस्सुलुनिक्यों 5:23

सान्ती देबावाळा परमेसर खुद थाँने हव तरियाँ पुवितर करी अन थाँ थाँकी आत्मा, जीव अन देह ने आपणाँ परबू ईसू मसी का पाच्छा आबा का दन तईं पुरी तरियाऊँ निरदोस बणन हाँजाहाँतरा रेवो।

2 थिस्सुलुनिक्यों 3:16

परबू थाँका हाराई का हाते रेवे अन परबू ज्यो खुद ईं सान्ती हरेक टेम अन हरेक तरियाऊँ देता रेवे हे थाँने हमेस्यान सान्ती देवे।

इब्रानियों 13:20

जणी गारा का वणी मान गवाळ्याँ आपणाँ परबू ईसू ने वीं अनंतकाल का करार करबावाळा लुईऊँ मरिया तका मेंऊँ पाच्छा जीवता कर दिदा, वीं सान्तीदाता परमेसर, थाँ हाराने हव चिजाँ में धपा दे, जणीऊँ थाँ वाँकी मनसा ने पुरी कर सको। अन ज्यो कई वींने भावे हे, वींने ईसू मसीऊँ आपाँ में पूरो करे। परमेसर की मेमा हमेस्यान वेती रेवे। आमीन।