रोमियों 3:28 - नुवो नेम (मेवड़ी नया नियम)

²⁸ ईं वाते अबे आपाँ ईं नतीजा पे पोछ्याँ हा के, कुई भी मनक नेमा का कामाँ के जस्यान चालन ने, पण विस्वासऊँ धरमी बण सके हे।

रोमियों 3:28 Iomraidhean Croise

यहुन्ना 5:24

“मूँ थाँने सई-सई केवूँ हूँ, ज्यो मारा बचनाँ ने हुणन मारा खन्दाबावाळा को विस्वास करे हे, वो अनंत जीवन पावे हे। अन वाँने दण्ड ने दिदो जाई, पण वीं मोतऊँ छेटी वेन जीवन में परवेस करग्या हे।

यहुन्ना 6:40

काँके याईस मारा बाप की मरजी हे के, ज्यो कुई बेटा ने देके, अन वींपे विस्वास करे, वीं अनंत जीवन पावे। अन मूँ खुद वाँने अन्त का दन में पाछो जीवाई देऊँ।”

रोमियों 3:26

ताँके वो अणी टेम में आपणी धारमिकताने परगट करे, जणीऊँ वो खुद धरमी अन ईसू में विस्वास करबावाळा ने धरमी ठेराबावाळो बणे।

रोमियों 4:5

पण यद्याँ कुई मनक करम ने करे अन बेस वीं परमेसर पे विस्वास करे ज्यो पापी मनकाँ ने धरमी बणावे हे, तद्याँ वणी मनक को विस्वासईस वींका धरमीपणा का वाते मान्यो जावे हे।

रोमियों 5:1

ईं वाते आपाँ आपणाँ विस्वास की वजेऊँ धरमी वेग्या हा, अणीऊँ अबे आपणो परबू ईसू मसी का जरियऊँ परमेसरऊँ मेल-मिलाप हे।

रोमियों 8:3

काँके ज्यो काम नेम मनकाँ का पापी हाव-भाव का मस कमजोर वेन ने कर सक्या, वो काम परमेसर किदो, मतलब ओ के, परमेसर आपणाँ बेटा ने आपणी जस्यान पाप की देह में आपणाँ पाप का वाते बली वेबा का वाते खन्दायो। जणीऊँ वो पापी देह में पाप ने दण्ड दिदो।

1 कुरिन्थियों 6:11

अन थाँकामूँ करता तो अस्याईस हा, पण थाँ परबू ईसू मसी का नामऊँ अन आपणाँ परमेसर की आत्माऊँ धोया ग्या हो अन पुवितर वेन परमेसर का हामे सई ठेरिया हो।

गलातियों 2:16

पछे भी आपाँ यो जाणा हे के, कुई मनक मूसा का नेमाऊँ ने पण ईसू मसी पे विस्वास करबाऊँ धरमी बणे हे। आपाँ ईं वाते ईसू मसी पे विस्वास किदो के आपाँ मूसा का नेमाऊँ ने पण ईसू मसी का विस्वासऊँ धरमी बणन रेवा, काँके मूसा का नेमाऊँ कुई मनक धरमी बणन ने रे सके हे।

गलातियों 3:24

ईं वाते मसी के आबा तईं मूसा का नेम आपणाँ मारसाब हा, जणीऊँ आपाँ विस्वासऊँ धरमी बण सका।

गलातियों 3:8

सास्तर में ओ पेल्याई बतायो ग्यो हे के, परमेसर पे विस्वास करबाऊँ ज्यो यहूदी ने वीं भी धरमी ठेरी, ईं वाते परमेसर पेल्याँई अबराम ने ओ हव हमच्यार हुणा दिदो के, “थाँराऊँ हाराई मनक आसीस पई।”

फिलिपियों 3:9

अन मूँ वाँका हाते गट-जोड़ऊँ जी सकूँ। मूँ मूसा का नेमा को पालण करबाऊँ परमेसर का हामे सई ने हूँ, पण ईसू मसी पे विस्वास करबाऊँ परमेसर का हामे सई हूँ। अबे परमेसर केवे हे मूँ वाँका हामे सई हूँ, काँके मूँ विस्वास करूँ हूँ।

तीतूस 3:7

वीं करपाऊँईस आपाँ परमेसर का हामे सई ठेरा हा, जणीऊँ कदी ने खतम वेबावाळा जीवन का वारिस वेवा, जिंकी आपाँ आस राका हाँ।

याकूब 2:18

पण कुई के सके के, “थाँरा नके विस्वास हे अन मारा नके करम हे।” अबे थूँ मने थाँरो विस्वास बना करम के बता अन मूँ थने मारो विस्वास मारा करम का जरिये बताऊँ।

याकूब 2:20

अरे ए मुरक, थूँ ओ जाणणो छावे के करम बना विस्वास बेकार हे?

याकूब 2:24

तो थाँ देक लो के, मनक खाली विस्वासईस कोयने, पण करमाऊँ भी धरमी बणे हे।