रोमियों 3:27 - नुवो नेम (मेवड़ी नया नियम)

²⁷ तो पछे ईंमें मेपणा की कई बात ने री। वो तो खतम वेग्यो हे। यो कस्या नेमा का मस ने अन ने कस्या कामाँ का नेमा का मस, पण यो तो विस्वास का नेमा का मस वेवे हे।

रोमियों 3:27 Iomraidhean Croise

मरकुस 16:16

ज्यो कुई विस्वास करे अन बतिस्मो लेवे, वो बंचायो जाई अन ज्यो विस्वास ने करे, वो दोसी ठेरायो जाई।

यहुन्ना 3:36

ज्यो बेटा ऊपरे विस्वास करे हे, वो अनंत जीवन पावे हे, पण ज्यो बेटा की ने माने हे, वो जीवन ने कोयने पावे, पण वींपे परमेसर को कोप वेतो रेवे हे।”

रोमियों 10:5

नेमाऊँ आबावाळी धारमिकता का बारा में मूसे लिक्यो हे के, “ज्यो नेमा पे चाली, वो वींकी वजेऊँ जीवतो रेई।”

रोमियों 11:6

यद्याँ ओ परमेसर की करपा को नतीजो हे, तो ओ मनकाँ का करमा को नतीजो ने हे। ने तो करपा ने केवाती।

रोमियों 2:17

थूँ खुद ने यहूदी माने हे अन नेमा पे विस्वास करे हे अन परमेसर की वजेऊँ मेपणो करे हे,

रोमियों 2:23

थूँ ज्यो नेमा का बारा में मेपणो करे हे, कई नेमाने ने तोड़न, थूँ परमेसर को अपमान काँ करे हे?

रोमियों 3:19

आपाँ जाणा हे के, नेम ज्यो कई केवे हे, वाँने केवे हे ज्यो नेमा का बंस में हे। अणीऊँ हाराई का मुण्डा बन्द किदा जा सके अन हारी दनियाँ परमेसर का दण्ड के जोगी वे।

रोमियों 3:26

ताँके वो अणी टेम में आपणी धारमिकताने परगट करे, जणीऊँ वो खुद धरमी अन ईसू में विस्वास करबावाळा ने धरमी ठेराबावाळो बणे।

रोमियों 4:2

काँके यद्याँ अबराम ने वींका काम की वजेऊँ धरमी गण्यो जातो तो वींमें मेपणो करबा की बात ही, पण परमेसर का हामे कोयने।

रोमियों 7:21

ईं वाते मूँ ओ नेम पावूँ हूँ के, मूँ जद्याँ भी हव करणो छावूँ, तो मूँ मारा में बुरई पावूँ हूँ।

रोमियों 7:23

पण मूँ मारी देह में एक दूजाँ नेमा ने काम करता देकूँ हूँ जीं मारा मन का नेमाऊँ लड़े हे अन मने पाप का नेमा में बन्दी बणा लेवे हे। ईं नेम मारी देह में काम करे हे।

रोमियों 7:25

मूँ आपणाँ परबू ईसू मसीऊँ परमेसर को धन्नेवाद करूँ हूँ। काँके मूँ ईं हाड़क्या माँस की देह में पाप को दास हूँ, पण मूँ मारी अकलऊँ परमेसर का नेमा को दास हूँ।

रोमियों 8:2

काँके ईसू मसी में जीवन देबावाळा आत्मा का नेम मने पाप अन मोत का नेमाऊँ छुटकारो देवे हे।

रोमियों 9:11

जोड़ला बाळक का जनमऊँ पेल्याँ अन वाँका कुई भी भलो-बुरो करबाऊँ पेल्याँ, परमेसर रिबकाऊँ क्यो, “मोटो बेटो फोरा की सेवा करी।” ताँके परमेसर के चुणाव को मकसद पूरो वेवे के, परमेसर को चुणाव वाँ दुयाँ के करमा का जस्यान ने हो। पण परमेसर की बुलाहट का जस्यान हे।

रोमियों 9:31

पण इजराएल का मनक नेमा पे चालणा छाता हा, ज्यो वाँने धरमी ठेराती, पण वीं वाँने पा ने सक्या।

रोमियों 9:32

अस्यान काँ ने वे सक्यो? काँके वीं ईंने विस्वासऊँ ने पण आपणाँ करमाऊँ पाणा छारिया हा, वीं वणी भाटाऊँ ठोकर खा ग्या, ज्यो ठोकर खवाड़तो हो।

1 कुरिन्थियों 4:7

थाँने दूजाऊँ कणी खास बणाया हे? अन थाँका नके ज्यो कई हे वो कई थाँने परमेसर ने दिदो? तो अस्यान काँ मेपणो करे हे के, थाँ कदी कणीऊँ कई लिदोई कोयने?

गलातियों 2:16

पछे भी आपाँ यो जाणा हे के, कुई मनक मूसा का नेमाऊँ ने पण ईसू मसी पे विस्वास करबाऊँ धरमी बणे हे। आपाँ ईं वाते ईसू मसी पे विस्वास किदो के आपाँ मूसा का नेमाऊँ ने पण ईसू मसी का विस्वासऊँ धरमी बणन रेवा, काँके मूसा का नेमाऊँ कुई मनक धरमी बणन ने रे सके हे।

गलातियों 3:22

पण सास्तर हाराई मनकाँ ने पाप का हाताँ में हूँप दिदा हे, ताँके परमेसर वो वादो ज्यो ईसू मसी पे विस्वास करबा दिदो ग्यो, वो विस्वास करबावाळा का वाते पूरो वे जावे।