रोमियों 2:25 - नुवो नेम (मेवड़ी नया नियम)

²⁵ यद्याँ थूँ नेमा पे चाले, तो थने खतनाऊँ नफो हे, पण यद्याँ थूँ नेमाने तोडे़, तो थूँ खतनावाळो वेन भी बना खतनावाळा के जस्यान मान्यो जाई।

रोमियों 2:25 Iomraidhean Croise

थरप्या तका का काम 7:51

“इस्तीपनुस बोलतो ग्यो ओ अडीग लोगाँ, थाँको मन परमेसरऊँ कतरो छेटी हे, थें तो परमेसर का संदेसा ने मानोईस कोयने। थाँ आपणाँ बड़ाबा जस्यानीस हमेस्यान पुवितर आत्मा को विरोद किदो।

रोमियों 2:13

काँके परमेसर की देकणी में नेमा ने हूणबावाळा धरमी ने हे, पण नेमा के जस्यान चालबावाळाइस धरमी ठेरिया जाई।

रोमियों 2:23

थूँ ज्यो नेमा का बारा में मेपणो करे हे, कई नेमाने ने तोड़न, थूँ परमेसर को अपमान काँ करे हे?

रोमियों 2:26

यद्याँ किंको खतनो ने व्यो हे अन वो नेमा पे चाले हे, तो कई परमेसर वीं बना खतनावाळा ने हाँचो खतना किदा तका में ने घणी?

रोमियों 2:27

थूँ जिंका नके नेम लिक्या तका हे अन थाँरो खतनो भी व्यो हे। अतरो व्या केड़े भी थूँ ज्यो नेमा ने तोड़े हे। ईं वजेऊँ वो मनक जिंको देह का हस्याबूँ खतनो ने व्यो हे अन ज्यो नेमा को पालण करे हे, वो थने गुनेगार ठेराई।

रोमियों 2:28

ज्यो बारणे का रूपऊँ यहूदी हे, वीं हाँची में यहूदी ने हे। देह को खतनो हाँचो खतनो ने हे।

1 कुरिन्थियों 7:19

खतनो तो कई ने हे, अन नेई खतनो ने वेणो कई हे, बेस परमेसर की आग्या ने मानणीस हारोई हे।

गलातियों 6:13

काँके वीं ज्याको खतनो वेग्यो हे वीं खुद तो मूसा का नेमा को पालण ने करे हे, पछे भी वीं छावे हे के, थाँ भी खतनो करावो, ताँके थाँके अणी देह का रिवाज मानबा पे वीं मेपणो कर सके।

गलातियों 6:15

काँके ने खतना करबा को नफो हे अन ने खतनो ने कराबा को नफो हे, नफो हे तो बेस नुवी रचना को हे।