रोमियों 2:15 - नुवो नेम (मेवड़ी नया नियम)

¹⁵ वीं आपणाँ कामऊँ यो बतावे हे के, नेम वाँके काळजा की कोर पे लिक्या तका हे। अन वाँकी अंतर-आत्मा ईं बात की गवई देवे हे। अन वाँका बच्यार वाँने कदी अपरादी बतावे हे अन कदी निरदोस बतावे हे।

रोमियों 2:15 Iomraidhean Croise

यहुन्ना 8:9

तद्याँ या बात हुणन हाराई मनक एक-एक करन पराग्या अन हाराऊँ पेल्याँ भूण्डा मनक ग्या अन आकरी में वटे लुगई अन ईसूइस बच्या।

थरप्या तका का काम 23:1

पोलुस मोटी सबा में ताकते तके देक्यो अन क्यो, “हो मारा भायाँ, जो जीवन में आज तईं परमेसर का हामे जिव्यो हे, वींका वाते मारो मन एकदम साप हे।”

थरप्या तका का काम 24:16

ईं वाते मूँ भी परमेसर अन लोगाँ के हामे हमेस्यान आपणी अंतर आत्माने पुवितर राकबा के वाते कोसीस करतो रेऊँ हूँ।

रोमियों 2:14

पछे जीं यहूदी ने हे, ज्याँका नके नेम ने हे, तद्याँ भी वीं आपणाँ वेवारऊँ नेमा की बाताँ पे चाले हे, तो नेम वाँका नके ने वेबा पे भी वाँका वाते वीं खुदई नेम वेई।

रोमियों 2:27

थूँ जिंका नके नेम लिक्या तका हे अन थाँरो खतनो भी व्यो हे। अतरो व्या केड़े भी थूँ ज्यो नेमा ने तोड़े हे। ईं वजेऊँ वो मनक जिंको देह का हस्याबूँ खतनो ने व्यो हे अन ज्यो नेमा को पालण करे हे, वो थने गुनेगार ठेराई।

रोमियों 9:1

मूँ मसी में हाँची बोलरियो हूँ। मूँ जूट ने बोलूँ अन मारो मन ज्यो पुवितर आत्माऊँ मारी गवई देवे हे

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

2 कुरिन्थियों 5:11

अणीऊँ माँ जाणा हाँ के, परबू की दरपणी कई हे, ईं वाते माँ लोगाँ ने हमजारिया हाँ के, वीं हाँच ने माने। परमेसर आपणाँ हाल-चाल जाणे हे अन मने पूरो विस्वास हे के, थाँ भी माकाँ बारा में हारोई जाणो हो।

1 तिमुतियूस 4:2

अन या हिक जूटा मनकाँ का कपट की वजेऊँ फेली, ज्याको मन मरियो तको हे।

तीतूस 1:15

पुवितर मनकाँ का वाते हारोई पुवितर हे, पण हूँगला अन बना विस्वासवाळा का वाते कईस सुद ने हे, काँके वाँको मन अन वाँकी आत्मा दुई खराब हे।