रोमियों 2:14 - नुवो नेम (मेवड़ी नया नियम)

¹⁴ पछे जीं यहूदी ने हे, ज्याँका नके नेम ने हे, तद्याँ भी वीं आपणाँ वेवारऊँ नेमा की बाताँ पे चाले हे, तो नेम वाँका नके ने वेबा पे भी वाँका वाते वीं खुदई नेम वेई।

रोमियों 2:14 Iomraidhean Croise

थरप्या तका का काम 10:35

कस्यी भी जात कन कणी भी देस को जो भी मनक परबूऊँ दरपतो रेवे अन हुदा काम करे तो, परबू वींने आपणो मान लेवे।

थरप्या तका का काम 14:16

वणी बित्या तका टेम में दनियाँ का लोगाँ ने आपणाँ-आपणाँ गेला पे चालबा दिदा।

थरप्या तका का काम 17:30

ईं वाते परमेसर वीं दाण का मनकाँ की, परमेसर ने ने जाणबा अण-हमज पे ध्यान ने दिदो, पण अबे हरेक जगाँ लोगाँ ने मन फराबा की आग्या देवे हे।

रोमियों 1:32

वीं परमेसर का नेम जाणे हे के, ज्यो मनक अस्यान को जीवन जीवे हे वीं मोत का दण्ड के जोगा हे, पण पछे भी वीं खुद अस्या काम करे हे अन दूजाँ ज्यो अस्या काम करे हे वाँने भी सई बतावे हे।

रोमियों 2:12

ईं वाते जीं बना नेमाने जाणन पाप करे, वीं बना नेमा के नास वेई, अन जीं नेमा ने जाणन पाप करे, वाँको दण्ड नेमा के जस्यान वेई।

रोमियों 2:15

वीं आपणाँ कामऊँ यो बतावे हे के, नेम वाँके काळजा की कोर पे लिक्या तका हे। अन वाँकी अंतर-आत्मा ईं बात की गवई देवे हे। अन वाँका बच्यार वाँने कदी अपरादी बतावे हे अन कदी निरदोस बतावे हे।

रोमियों 2:27

थूँ जिंका नके नेम लिक्या तका हे अन थाँरो खतनो भी व्यो हे। अतरो व्या केड़े भी थूँ ज्यो नेमा ने तोड़े हे। ईं वजेऊँ वो मनक जिंको देह का हस्याबूँ खतनो ने व्यो हे अन ज्यो नेमा को पालण करे हे, वो थने गुनेगार ठेराई।

1 कुरिन्थियों 11:14

कई थाँ खुद ने जाणो हो के, यद्याँ कुई मनक आपणाँ बाल मोटा वेबा दे, तो आ वींका वाते हरम की बात हे।

1 कुरिन्थियों 9:21

ज्यो यहूदी ने हा वाँने ईसू में बंचाबा का वाते मूँ वाँके जस्यान बण्यो वो भी नेमा का विरोद में, ईंको यो मतलब ने की मूँ परमेसर का नेमाने ने मानूँ हूँ, पण मूँ तो मसी का नेमा के जस्यान जीवूँ हूँ।

इपिसियों 2:12

वीं टेम थाँ मसी ने जाणता ने हा। थाँ पराया हा मतलब परमेसर का चुण्या तका इजराएली कोयने हा। परमेसर का दिदा तका वादा के करार का भागीदार ने हा अन ईं दनियाँ में बना आस अन बना परमेसर को जीवन जीरिया हा।

इपिसियों 2:3

पेल्याँ आपाँ हारई भी वाँके जस्यान आपणाँ डील की हुगली मनसा के जस्यान दन बिताता हा, डील अन मन की मरजी पुरी करता हा अन दूजाँ लोगाँ के जस्यान परमेसर का दण्ड के जोगा हा।

फिलिपियों 4:8

आकरी में हो भायाँ, ज्यो ज्यो बाताँ हाँची हे अन ज्यो ज्यो बाताँ आदर करबा जस्यी हे अन ज्यो ज्यो बाताँ सई हे अन ज्यो ज्यो बाताँ ऊजळी हे अन ज्यो ज्यो बाताँ हुवावणी हे अन ज्यो ज्यो बाताँ हव गुण, बड़ई अन बड़िया हे वाँपे ध्यान लगाया करो।