रोमियों 2:13 - नुवो नेम (मेवड़ी नया नियम)

¹³ काँके परमेसर की देकणी में नेमा ने हूणबावाळा धरमी ने हे, पण नेमा के जस्यान चालबावाळाइस धरमी ठेरिया जाई।

रोमियों 2:13 Iomraidhean Croise

लूका 18:14

मूँ थाँकाऊँ हाँची केवूँ हूँ के, परमेसर की नजराँ में वो फरीसी ने पण लगान लेबावाळो धरमी ठेरायो ग्यो अन घरे ग्यो, काँके ज्यो कूण आपणाँ खुद ने मोटो मानी, वो फोरो किदो जाई अन जी आपणाँ खुद ने फोरो मानी, वो मोटो बणायो जाई।”

लूका 8:21

पण ईसू वींने जवाब दिदो के, “मारी बई अन मारा भई तो ईं हे, ज्यो परमेसर की बात ने हुणे हे अन माने हे।”

यहुन्ना 13:17

अबे थाँ यो हाँच जाणग्यो हो अन यद्याँ थाँ अस्यान करो तो परमेसर थाँने आसीस देई।

रोमियों 10:5

नेमाऊँ आबावाळी धारमिकता का बारा में मूसे लिक्यो हे के, “ज्यो नेमा पे चाली, वो वींकी वजेऊँ जीवतो रेई।”

रोमियों 2:25

यद्याँ थूँ नेमा पे चाले, तो थने खतनाऊँ नफो हे, पण यद्याँ थूँ नेमाने तोडे़, तो थूँ खतनावाळो वेन भी बना खतनावाळा के जस्यान मान्यो जाई।

रोमियों 3:20

काँके नेमा का कामाँऊँ कुई भी मनक परमेसर का हामे धरमी ने बण सके हे। काँके नेमाऊँ तो पाप की ओळकाण वेवे हे।

रोमियों 3:23

काँके हाराई पाप किदो हे अन हाराई परमेसर की मेमाऊँ छेटी हे।

रोमियों 3:30

काँके एकीस परमेसर हे, ज्यो यहूदी ने विस्वासऊँ अन ज्यो यहूदी ने हे वाँने भी वणीस विस्वासऊँ धरमी ठेराई।

1 कुरिन्थियों 4:4

काँके मारो मन साप हे, पण अणीऊँ ओ पको ने वेवे हे के, मूँ हाँची में निरदोस हूँ। वीं परबू तो एकीस हे ज्यो मारो न्याव करे हे।

गलातियों 2:16

पछे भी आपाँ यो जाणा हे के, कुई मनक मूसा का नेमाऊँ ने पण ईसू मसी पे विस्वास करबाऊँ धरमी बणे हे। आपाँ ईं वाते ईसू मसी पे विस्वास किदो के आपाँ मूसा का नेमाऊँ ने पण ईसू मसी का विस्वासऊँ धरमी बणन रेवा, काँके मूसा का नेमाऊँ कुई मनक धरमी बणन ने रे सके हे।

गलातियों 5:4

जीं मूसा का नेमा को पालण करन धरमी बणणा छारिया हे, वीं मसीऊँ छेटी वेग्या हे अन परमेसर की दयाऊँ बारणे हे।

याकूब 1:27

पण परमेसर का हामे खरी अन पुवितर भगती तो आ हे के, अनात अन विदवा के वाँके दुक सक में देक-रेक करे अन खुद पे दनियादारी को कळंक ने लागबा देवे।

1 यहुन्ना 2:29

अन जद्याँ थाँ ओ जाणो हो के, ईसू मसी धरमी हे, तद्याँ थाँ यो भी जाण लो के, ज्यो मनक धरम का काम करे हे, वींइस परमेसर का बेटा-बेटी हे।

1 यहुन्ना 3:7

हो मारा प्यारा बाळकाँ, थाँ किंकई छळ-कपट में मती आज्यो, काँके ज्यो मनक धरम का काम करे हे, वोईस मसी का जस्यान धरमी हे।