रोमियों 2:1 - नुवो नेम (मेवड़ी नया नियम)

¹ ईं वाते हे न्याव करबावाळा पलई थूँ कुई भी वे, थाँरा नके कई आळको ने हे, काँके जणी काम का वाते थूँ किंने दूजाँ ने दोसी माने हे, वणीऊँस थूँ आपणाँ खुद ने भी दोसी केवाड़े हे, काँके जणा कामाँ को थूँ न्याव करे हे वाँने थूँ खुद भी करे हे।

रोमियों 2:1 Iomraidhean Croise

लूका 12:14

ईसू वींने क्यो, “अरे भला मनक, मने थाँको न्याव कन बटवारो करबावाळो कणी बणायो हे?”

लूका 19:22

वणी वींने क्यो, ‘ए बुरा दास, मूँ थाराईस मुण्डाऊँ थने दोसी मानूँ हूँ। थूँ मने जाणतो हो के, मूँ गाटो मनक हूँ। जटे मूँ ने मेलू, वटूँ मूँ लेवूँ हूँ अन जटे ने वावूँ, वटूँ काटे हूँ।’

लूका 6:37

दोस ने लगावो, तो थाँका ऊपरे भी दोस ने लगायो जाई। किंने दोसी मती ठेरावो, तो थाँ भी दोसी ने ठेराया जावो। माप करो, थाँने भी मापी दिदी जाई।

रोमियों 14:22

अणा बाताँ का बारा में थाँरा विस्वास ने परमेसर अन खुद का बचमें राक। वीं धन्न हे ज्यो जणा बाताँ ने हव हमजे हे, वींमें वीं खुद दोसी ने ठेरी।

रोमियों 2:2

अन आपाँ जाणा हा के, ज्यो मनक अस्या काम करे हे वाँको परमेसर आपणाँ हाँच का हस्याबूँ न्याव करी।

रोमियों 2:3

पण थूँ ज्यो ईं हाराई काम करबावाळा को न्याव करे हे अन थूँ खुदई ईं काम करे हे, तो थूँ कई होचे के, थूँ परमेसर का न्यावऊँ बंच जाई?

रोमियों 3:9

तो पछे कई व्यो। कई आपाँ ज्यो यहूदी हा, ज्यो यहूदी ने हे, वणाऊँ हव हा, कदी हव ने हा। काँके आपाँ यहूदी अन जीं यहूदी ने हा, वाँ दुया पे पेल्याई ओ दोस लगा चुक्या हा के, वीं हाराई पाप का वंस में हे।

रोमियों 9:20

हे मनक, थूँ कूण वेवे हे ज्यो परमेसर ने पलटन जवाब देवे? कई कुई हात की बणी तकी चीज वींके बणाबावाळा ने पूँछ सके हे, के, “थें मने अस्यान काँ बणाई?”

1 कुरिन्थियों 4:5

ईं वाते जद्याँ तईं परबू ने आवे वणीऊँ पेल्याँ किंको भी न्याव मती करो। वीं तो अदंकार में हपी तकी बाताँ ने भी उजिता में दिकाई अन मना की बाताँ भी हामे लाई अन वणी दाण परमेसर का आड़ीऊँ हरेक की बड़ई वेई।

1 कुरिन्थियों 7:16

काँके हे लुगई, थूँ कई जाणे हे के, थूँ आपणाँ बना विस्वासी धणी ने बंचाई? अन हे मनक, थूँ कई आपणी बना विस्वासी लुगई ने बंचाई?

याकूब 2:20

अरे ए मुरक, थूँ ओ जाणणो छावे के करम बना विस्वास बेकार हे?

याकूब 4:11

हो भायाँ, थाँ एक दूजाँ ने बदनाम मत करो। अन ज्यो कुई आपणाँ भई ने बदनाम करे हे अन दोस लगावे हे। अस्यान करन वो नेमा का विरोद में बोले हे अन नेमा ने दोसी ठेरावे हे। अस्यान करबाऊँ थाँ नेमाने मानबावाळा ने, पण वींका न्याव करबावाळा बण जावो हो।