रोमियों 16:21 - नुवो नेम (मेवड़ी नया नियम)

²¹ मारो हण्डाळ्याँ तिमुतियुस अन लुकियुस, यासोन, सोसिपत्रुस अन हण्डाळ्याँ यहूदी भायाँ का आड़ीऊँ थाँने नमस्कार।

रोमियों 16:21 Iomraidhean Croise

थरप्या तका का काम 13:1

अन्ताक्या का विस्वास्याँ की मण्डली में परमेसर का आड़ीऊँ बोलबावाळा अन हिकाबावाळा हा, बरनबास अन समोन जो नीगर केवावे हे, अन कुरेन को लुकियुस, देस का चोता हिस्सा को राजपाल हेरोदेस की लारे पळ्या-बड़्या मनाएन अन साउल जस्या नरई हिकाबावाळा हा।

थरप्या तका का काम 17:14

तद्याँ तरत विस्वासी लोगाँ पोलुस ने वटूँ समन्द का नके खन्दा दिदो पण सिलास अन तिमुतियुस बिरिया मेंईस रेग्या।

थरप्या तका का काम 17:5

पण यहूदियाँ थोड़ाक फोगट्या मनकाँ ने आपणाँ आड़ी मला लिदा, अन भेळा वेन नगर में धामा-चोकड़ी मचाबा लाग्या अन वाँने हंगळा के हामे लाबा वाँते यासोन का घर पे हमलो कर दिदो।

थरप्या तका का काम 18:5

जद्याँ सिलास अन तिमुतियुस मकिदुनियाऊँ आया, तो पोलुस आको दन बचन हुणाबा की धुन में हो अन यहूदियाँ ने गवई देतो हो के “ईसू ही मसी हे।”

थरप्या तका का काम 19:22

ईं वाते वणी आपणी मदत करबावाळा मूँ, तिमुतियुस अन अरास्तुस ने मकिदुनिया खन्दाया अन खुद थोड़ाक दन आसिया में रियो।

थरप्या तका का काम 20:4

बिरिया के पुरूस को छोरा सोपतरुस अन थिस्सुलुनिक्यों मेंऊँ अरिस्तखुस अन सिकन्दुस, अन दिरबे को गयुस अन आसिया का तुखिकुस अन तुरकियुस अन तिमुतियुस वींका हाते ग्या हा।

रोमियों 16:11

यहूदी हण्डाळ्याँ हिरोदियान ने मारो नमस्कार। नरकिस्सुस का परवार का वणा मनकाँ ने नमस्कार जीं परबू में हे।

रोमियों 16:7

मारा हण्डाळ्याँ यहूदी अन्द्रनीकुस अन युनिया ने जीं मारी हाते जेल में हा वाँने मारो नमस्कार। वीं खन्दाया तका चेला मेंऊँ जीं नामी हे अन ज्यो माराऊँ पेल्याँईं मसी में आग्या हा।

रोमियों 9:3

काँके, अस्यान वे सकतो के, मूँ यो छातो के, मूँ मारा यहूदी भई-बेन अन मारा देस का मनकाँ का वाते खुद पे हराप लेन ले मसीऊँ अलग वे जातो।

2 कुरिन्थियों 1:1

यो कागद मूँ पोलुस ज्यो परबू ईसू मसी की मरजीऊँ खन्दायो तको चेलो हूँ अन भई तिमुतियुस कुरिन्तुस नगर की मण्डली ने अन अखाया का हाराई परमेसर का मनकाँ ने लिकरिया हाँ।

2 कुरिन्थियों 1:19

काँके थाँका बचमें में अन सिलवानुस, तिमुतियुस परमेसर का बेटा ईसू मसी को ज्यो परच्यार किदो हो, वो हाँ अन ने में कोयने किदो हो पण वो ईसू मसी में हाँ मेंईस हो।

फिलिपियों 1:1

ईसू मसी का दास पोलुस अन तिमुतियुस, फिलिपी नगर का हाराई मसी का गट-जोड़ में रेबावाळा परमेसर का पुवितर मनकाँ, मण्डली की देकरेक कराबावाळा अन काम में मदत करबावाळा ने ओ कागद लिकरिया हा।

कुलुसियों 1:1

मूँ पोलुस ज्यो परमेसर की मरजीऊँ ईसू मसी को थरप्यो तको चेलो हूँ अन आपणाँ भई तिमुतियुस,

1 थिस्सुलुनिक्यों 1:1

मूँ पोलुस, सिलवानुस अन तिमुतियुस का हाते ओ कागद थिस्सुलुनिक्यों नगर की मण्डळ्या ने लिकरियो हूँ, जीं बापू परमेसर अन परबू ईसू मसी में हे, थाँका पे दया अन सान्ती बणी तकी रेवे।

1 थिस्सुलुनिक्यों 3:2

अन तिमुती ने ज्यो मसी का हव हमच्यार में मारो विस्वासी भई अन परमेसर को दास हे वींने थाँका नके खन्दावाँ जणीऊँ वो थाँने पाका करे अन विस्वास का बारा में हमजावे अन थाँकी हिम्मत बड़ावे।

1 थिस्सुलुनिक्यों 3:6

तिमुती थाँका नकेऊँ पाछो आन ज्यो मने थाँका विस्वास अन परेम को हमच्यार हुणायो अन ओ भी बतायो के, थाँ हमेस्यान माँने परेम का हाते आद करो हो अन जस्यान मारो मन थाँने देकबा ने करे हे वस्यानीस थाँको मन भी करे हे।

2 थिस्सुलुनिक्यों 1:1

मूँ पोलुस, सिलवानुस अन तिमुतियुस का हाते यो कागद थिस्सुलुनिक्यों नगर की मण्डली का नाम लिकरियो हूँ, ज्या बापू परमेसर अन परबू ईसू मसी में हे।

1 तिमुतियूस 1:2

मूँ यो कागद तिमुतियुस ने लिकूँ हूँ, ज्यो विस्वास में मारो हाँचो बेटो हे। थने बापू परमेसर अन आपणाँ परबू ईसू मसीऊँ आसिरवाद, दया अन सान्ती मलती रेवे।

1 तिमुतियूस 6:11

पण थूँ, ज्यो परमेसर ने मानबावाळो हे, अणा हारी बाताँऊँ छेटी रेज्ये, पण धारमिकता, भगती, विस्वास, परेम, धीरज अन दया में बण्यो तको रेज्ये।

1 तिमुतियूस 6:20

हे तिमुतियुस, परमेसर ज्यो कई थने हूँप्यो हे वींने हमाळन राक। दनियादारी की बात अन फोगटपणाऊँ खुद ने छेटी राक जिंने थोड़ाक मनक गलतीऊँ “ग्यान” केवे हे,

2 तिमुतियूस 1:2

मूँ परबू में, मारा लाड़ला बेटा तिमुतियुस थने, ओ कागद लिकरियो हूँ। बापू परमेसर अन आपणाँ परबू ईसू मसी में थने करपा, दया अन सान्ती मले।

इब्रानियों 13:23

मूँ छावूँ हूँ के, थाँने यो पतो पड़ जावे के, आपणो भई तिमुतियुस छुटग्यो हे, अन यद्याँ वो वेगो आग्यो तो, मूँ वींका हाते थाँकाऊँ मलूँ।