रोमियों 16:19 - नुवो नेम (मेवड़ी नया नियम)

¹⁹ थाँकी आग्या मानबा को बखाण च्यारूँमेर वेरियो हे। ईं वाते मूँ थाँकाऊँ राजी हूँ। पण मूँ छावूँ हूँ के, थाँ भलई का वाते अकलवाळा बण्या तका रेवो अन बुरईऊँ अणजाण रेवो।

रोमियों 16:19 Iomraidhean Croise

मत्ती 10:16

“देको हूँस्यार रेज्यो, मूँ थाँने अदिकार का हाते अस्यान बारणे खन्दारियो हूँ जस्यान गारा ने वरगड़ा का बचमें खन्दाया जावे ईं वाते हाँप का जस्यान हेंचेत रो अन परेवड़ा का जस्यान भोळा बणो।

लूका 10:3

थाँ जावो अन आद राको, मूँ थाँने गारा के जस्यान करन वरगड़ा का बचमें खन्दारियो हूँ।

रोमियों 1:8

हाराऊँ पेली मूँ थाँका हाराई वाते ईसू मसी में परमेसर को धन्नेवाद दूँ हूँ, काँके हारी दनियाँ थाँका विस्वास का बारा में हुणरी हे।

1 कुरिन्थियों 14:20

हो विस्वासी भायाँ थाँ थाँकी होच-हमज में बाळक मती बणो। बुरो करबा का वाते तो बाळक बण्या तका रेवो पण होच-हमज में हमजदार बणो।

इपिसियों 5:17

ईं मस बना अकल का मती बणो, पण ध्यानऊँ हमजो के, परबू की मरजी कई हे।

फिलिपियों 1:9

अन मूँ आ अरज करूँ हूँ के, थाँ परेम, हाँचा ग्यान अन हाराई तरियाँ की हमज का हाते ओरुँ भी वदता जावो,

फिलिपियों 2:15

ताँके थाँ ईं टेड़ी अन नसंगी हुगली पीड़ी का बचमें परमेसर का खरा, स्यवकार अन बना दोस का छोरा-छोरी वे जावो। थाँ अस्यी दनियाँ में तारा के जस्यान चमको,

कुलुसियों 3:16

मसी का बचना ने आपणाँ हरदा में नराऊँ-नरा वसबा दो अन हाराई ग्यानऊँ एक दूजाँ ने हिकावो अन हेंचेत करता रेवो। थाँका हरदाऊँ परमेसर को धन्नेवाद करता तका भजन, बड़ई का गीत अन आत्मिक गीत गाता रेवो।