रोमियों 15:3 - नुवो नेम (मेवड़ी नया नियम)

³ अटा तईं के मसी भी खुद ने राजी ने किदो हो। पण जस्यान मसी का बारा में सास्तर केवे हे के, “जणा थाँरो अपमान किदो हो, वो अपमान मारा पे आ पड़्यो हे।”

रोमियों 15:3 Iomraidhean Croise

मत्ती 10:25

चेला ने गरू का बराबर वेवा में अन हाळी ने मालिक का बराबर वेवा मेंईस संतोक करणो छावे। यद्याँ वीं घर का मालिक ने बालजेबूल केवे, तो वाँका घर का लोगाँ ने ओरी हेलो बुरो काँ ने केई?

मत्ती 26:39

पछे थोड़ाक आगे जान वे धरती पे उन्दो पड़न परातना किदी, “ओ मारा बाप, यद्याँ वे सके तो या दुक को प्यालो माराऊँ छेटी वे जावे, तो भी मूँ छावूँ जस्यान ने, पण जस्यान थूँ छावे वस्यानीस वेवे।”

मत्ती 26:42

पछे वाँकाणी दूजी दाण जान आ परातना किदी, “हो मारा बाप, यद्याँ ओ दुक को प्यालो मारे पिया बगर ने छेटी वे, तो थाँका मरजी पुरी वेवे।”

मत्ती 27:44

ईं तरिया चोर भी ज्यो वाँका हाते हूळ्याँ पे चड़ाया ग्या हा, वींकी नन्दया कररिया हाँ।

यहुन्ना 15:10

यद्याँ थाँ मारी आग्या मानो, तो मारा परेम में बण्या रेवो जस्यान के, मूँ आपणाँ बाप की आग्या मानी हे अन वाँका परेम में बण्या रेवूँ हूँ।

यहुन्ना 15:24

यद्याँ मूँ वाँका में वीं काम ने करतो, जिंमें किदो, तो वीं पापी ने बणता। पण अबे वाँकाणी वणा कामाँ ने देक्या हे, तद्याँ भी वीं माराऊँ अन मारा बापूऊँ दसमणी किदी।

यहुन्ना 4:34

ईसू वाँने क्यो, “मारो खाणो ओ हे के, मूँ मने खन्दाबावाळा की मरजी पे चालूँ अन वींको काम पूरो करूँ, ज्यो वणी मने हुप्यो हे।

यहुन्ना 5:30

“मूँ आपणाँ खुद का हकऊँ कई भी ने कर सकूँ हूँ, ज्यो परमेसरऊँ हूणूँ हूँ, वींके जस्यानीस न्याव करूँ हूँ। अन मारो न्याव हाँचो हे, काँके मूँ मारी मरजी ने कोयने, पण मारा खन्दाबावाळा की मरजी ने पुरी करूँ हूँ।

यहुन्ना 6:38

काँके मूँ आपणी मरजी ने, पण वींकी मरजी ने पुरी करबा ने आयो हूँ, जणी मने हरगऊँ खन्दायो हे।

यहुन्ना 8:29

जणी मने खन्दायो हे, वो मारे नके हे। वणी मने कदी एकलो ने छोड़्यो, काँके मूँ हमेस्यान वोईस करूँ हूँ, ज्यो वींने भावे हे।”

2 कुरिन्थियों 8:9

काँके थाँ आपणाँ परबू ईसू मसी की दया ने तो जाणोइस हो अन थाँ ओ भी जाणो हो के, वीं अमीर वेता तका भी थाँका वाते गरीब बणग्या। जणीऊँ वाँकी गरीबीऊँ थाँ अमीर वे जावो।

फिलिपियों 2:5

थाँको होच-बच्यार ईसू मसी के जस्यान वेणो छावे।

फिलिपियों 2:8

खुद ने नरम करन मोत वेबा तईं आग्या को पालण करतो रियो। अन अटा तईं के हूळी की मोत भी सेण कर लिदी।