रोमियों 15:19 - नुवो नेम (मेवड़ी नया नियम)

¹⁹ तागत का हेन्याण अन अचम्बा का काम अन परमेसर की आत्मा की तागतऊँ मारी जरिये पूरो किदो। अस्यान में यरूसलेम नगरऊँ लेन इल्‍लुरिकुम परदेस का च्यारूँमेर मसी का हव हमच्यार का परच्यार को काम पूरो किदो।

रोमियों 15:19 Iomraidhean Croise

मत्ती 12:28

पण यद्याँ मूँ परमेसर की आत्मा की मदतऊँ हुगली आत्मा नवाड़ू हूँ, तो परमेसर को राज थाँका नके आ पूग्यो हे।

यहुन्ना 4:48

ईसू वीं अदिकारी ने क्यो, “जद्याँ तईं थाँ हेन्याण अन अचम्बा का कामाँ ने ने देको तद्याँ तईं थाँ विस्वास ने करो।”

थरप्या तका का काम 1:8

पण, जद्याँ पुवितर आत्मा थाँका पे आई, तो थाँ सगतिऊँ भर जावो अन आकाई यरूसलेम, यहूदियाँ अन सामरियाऊँ लगान धरती का खुणा-खुणा तईं मारा गवा बेणो।”

थरप्या तका का काम 13:14

वटने वे आपणी जातरा करता तका पिरगाऊँ पिसदिया का अन्ताक्या में आ पूगा। पछे सबत के दन यहूदी परातना घर में जान बेटग्या।

थरप्या तका का काम 13:51

पछे पोलुस अन बरनबास वाँका विरोद में आपणाँ पगाँ को धूळो जाटकन इकुनियम पराग्या।

थरप्या तका का काम 14:10

अन पोलुस जोरऊँ हाको करन क्यो, “आपणाँ पगाँ पे ऊबो वे” वो ओ हुणताई फदकन ऊबो व्यो अन चालबा-फरबा लागग्यो।

थरप्या तका का काम 14:20

पण जदी चेला वींके च्यारूँमेर आन ऊबा वेग्या, तो वो ऊबो वेन नगर में ग्यो अन दूजे दन बरनबास के हाते दिरबे नगर में परोग्यो।

थरप्या तका का काम 14:25

पछे पिरगा देस में हव हमच्यार हुणान अन्तळिया देस में पूग्या।

थरप्या तका का काम 14:6

तो वीं हंगळी बाताँ ने जाणन वटूँ लुकानिया का लुस्त्रा अन दिरबे अन अड़े-भड़े का नगर में भागग्या

थरप्या तका का काम 15:12

तद्याँ हंगळा सबा का लोग छाना-माना वेग्या अन पोलुस अन बरनबास की बाताँ हुणबा लागा, के परमेसर वाकाँऊँ जो यहूदी ने हे वाँका में कस्यान हेन्याण अन अचम्बा का काम कर दिकाया।

थरप्या तका का काम 16:18

वा नरई दनाँ तईं अस्यानीस करती री, जद्याँ पोलुस घणो परेसान व्यो, अन पाछो फरन वीं हुगली आत्माऊँ क्यो “मूँ थने ईसू मसी का नामऊँ आग्या दूँ हूँ के, अणी मूँ निकळजा” अन वा वणीस दाण वींमूँ बारणे निकळगी।

थरप्या तका का काम 17:10

यासोन अन विस्वासी भायाँ, पोलुस अन सिलास ने रातूँ-रात वटूँ बिरिया नगर खन्दा दिदा, अन वीं वटे जान यहूदियाँ का परातना घर में ग्या।

थरप्या तका का काम 17:15

पोलुस ने मेलबा ग्या वीं वाँके हाते एतेंस नगर तईं ग्या अन ओ हमच्यार लेन आया के सिलास अन तिमुतियुस ने फटाकऊँ मारा नके खन्दावे।

थरप्या तका का काम 18:1

ईंका केड़े पोलुस एतेंसऊँ कुरिन्तुस ग्यो।

थरप्या तका का काम 18:19

वणी इपिसुस नगर में जान वणा दुई ने वटेईस छोड़्या अन यहूदियाँ का परातना घर में जान यहूदियाँऊँ बात-बच्यार करबा लागो।

थरप्या तका का काम 19:1

जद्याँ अपुलोस कुरिन्तुस नगर में हो, तो पोलुस मईने का इलाकाऊँ वेतो तको इपिसुस में आयो। वटे वणी थोड़ाक चेला ने देक्याँ

थरप्या तका का काम 20:20

अन जी जी बाताँ थाँके भलई की ही वणीने में हंगळा के हामे अन हरेक का घरे जा-जान हिकाबाऊँ कदी ने हपई।

थरप्या तका का काम 20:6

अन माँ बना हाज्या की रोटी का तेवाराँ का दनाँ केड़े फिल्‍लिपीऊँ जाँज में बेन पाँच दन में त्रोआस ग्या अन हात दन तईं वटे रिया।

रोमियों 15:13

आस देबावाळो परमेसर थाँका मना ने सान्ती अन खुसीऊँ भर देवे जस्यान वींमें थाँको विस्वास हे, जणीऊँ पुवितर आत्मा की तागतऊँ थाँ आसऊँ भरपूर वे जावो।

रोमियों 15:16

काँके जी यहूदी ने हे, वाँ मनकाँ का वाते ईसू मसी को दास वेन, मूँ परमेसरऊँ मल्या तका हव हमच्यार को परच्यार करबा का वाते मूँ एक याजक की जस्यान काम करूँ हूँ, जणीऊँ वीं मनक भी परमेसर के चड़बा जोगी भेंट बण सके अन पुवितर आत्मा के जरिये परमेसर का वाते पुरी तरियाँ पुवितर बणे।

रोमियों 15:24

मने आस हे के, स्पेन जाती दाण मूँ थाँकाऊँ मलूँ। थाँका हाते थोड़ाक दन रकबा को आणन्द लेबा केड़े मने भरोसो हे के, आगे की जातरा का वाते मने थाँकी मदत मली।

1 कुरिन्थियों 2:4

अन मारा बचन अन मारा परच्यार में ग्यान की लोब वाळी बाताँ ने ही, पण वणामें परमेसर की आत्मा की तागत को सबूत हो,

2 कुरिन्थियों 12:12

कणी खन्दाया तका का मयने ज्यो बाताँ वेवे हे वस्यानीस में हेला धीरज का हाते हेन्याण अन चमत्कार करणो, अचम्बा का काम अन जोरावर काम करन थाँने बताया हे।

गलातियों 3:5

परमेसर जणा थाँने आत्मा दिदी हे अन थाँका बचमें अचम्बा का काम करे हे, कई वीं यो ईं वाते करे हे के, थाँ मूसा का नेमा को पालण करो हो कन ज्यो हव हमच्यार थाँ हुण्यो अन विस्वास किदो वींके मस करे हे?

कुलुसियों 1:25

परमेसर मने आपणाँ बचनाँ को पूरो को पूरो परच्यार करबा की जिमेदारी हूँपी हे, ईं वाते वणा मने थाँकी भलई का वाते मण्डली को सेवक बणायो हे।

1 थिस्सुलुनिक्यों 1:5

ओ हव हमच्यार बेस बोली कोईस ने हे, पण तागत अन पुवितर आत्मा का हाते अन ईंकी हाँच की खरई का हाते थाँका नके पूग्यो हे। थाँ तो जाणोइस हो के, माँ थाँकी भलई का वाते थाँका हाते कस्यान रिया हा।

2 तिमुतियूस 4:17

पण परमेसर मारा हाते ऊबारियो अन मने तागत दिदी, जणीऊँ तो मूँ ज्यो यहूदी ने हा, वणा हाराई में हव हमच्यार हुणा सक्यो अन मूँ मोत का दण्डऊँ बंचायो ग्यो।

इब्रानियों 2:4

अन परमेसर भी मोटा-मोटा निसाण अन चमत्कारऊँ अन जोरावर कामाँऊँ अन आपणी मनसाऊँ दिदा तका पुवितर आत्मा का वरदानऊँ, वणा ईंने साबत भी किदो हे।

1 पतरस 1:12

वाँने यो भी दरसावो व्यो के, जीं बाताँ का बारा में वीं बताता तका सेवा किदी ही, वणीऊँ वीं खुद की सेवा ने कररिया हे, पण थाँकी सेवा कररिया हा। वीं बाताँ थाँने हरगऊँ खन्दई तकी पुवितर आत्मा के वजेऊँ हव हमच्यार ने हुणाबावाळा का जरिये पेल्याँई बता दिदी गी ही। ईं बाताँ ने जाणबा का वाते तो हरग-दुत भी तरसे हे।