रोमियों 15:18 - नुवो नेम (मेवड़ी नया नियम)

¹⁸ काँके मूँ बेस वणा बाताँ ने करबा की हिम्मत करूँ हूँ ज्याँने मसी जी यहूदी ने हे, वाँ मनकाँ ने परमेसर ने मानबा का वाते मारा बचना, मारा करम,

रोमियों 15:18 Iomraidhean Croise

मत्ती 25:16

तद्याँ, जिंने पाँच नोळ्या मली हा, वणी तरत जान वोपार में किदो अन पाँच नोळ्या ओरी कमई।

मरकुस 16:20

वींका चेला बारणे जान हारी जगाँ परच्यार किदो, वाँकी लारे परबू काम कररिया हा। वाँका अचम्बावाळा काम की वजेऊँ ज्यो वे परच्यार कररिया हा, वीं सिद वेता ग्या।

थरप्या तका का काम 14:27

जदी वणा वटे जान वटा की विस्वास्याँ की मण्डली का मनकाँ ने भेळा किदा, अन जो काम परमेसर वाँका हाते किदो हो वींने बतायो, अन केबा लागा के जो यहूदी ने हे, वाँका वाते भी विस्वास करबा ने परमेसर गेलो खोल नाक्या हे।

थरप्या तका का काम 15:12

तद्याँ हंगळा सबा का लोग छाना-माना वेग्या अन पोलुस अन बरनबास की बाताँ हुणबा लागा, के परमेसर वाकाँऊँ जो यहूदी ने हे वाँका में कस्यान हेन्याण अन अचम्बा का काम कर दिकाया।

थरप्या तका का काम 15:4

जद्याँ वीं यरूसलेम पराग्या, तो वटा की मण्डली का थरप्या तका अन बड़ाबा वाकाँऊँ घणा आणन्दऊँ मल्या अन वीं मनकाँ ने बतावा लागा के, परमेसर माकाँ लारे कस्या-कस्या काम किदा।

थरप्या तका का काम 21:19

पोलुस वाँकाऊँ नमस्कार किदो अन जो यहूदी ने हा वाँका बचमें परमेसर वींकाऊँ कराया तका हंगळा कामाँ ने एक-एक करन के हुणाया।

थरप्या तका का काम 26:20

पण पेल्याँ दमिसक का, पछे यरूसलेम का अन यहूदियाँ का हंगळा देसा में रेबावाळा अन जो यहूदी ने हा, वाँने हमजातो रियो, के आपणाँ मन ने फेरो अन परमेसर का आड़ी आवो अन मन फरावा जोगो काम करो।

रोमियों 16:26

पण जिंने हमेस्यान बण्या रेबावाळा परमेसर की आग्याऊँ परमेसर की आड़ीऊँ बोलबावाळा का लेकाँ का जरिये ज्यो यहूदी ने हे, वाँ हाराई मनकाँ में परगट करन बता दिदो ग्यो हे जणीऊँ वीं विस्वास करन आग्या माने।

रोमियों 6:17

पण परमेसर को धन्नेवाद वे के, थाँ ज्यो पाप का दास वेबा पे भी थाँ वणी हिक ने मानी, ज्या थाँने हूँपी गी ही।

2 कुरिन्थियों 11:31

आपणाँ परबू ईसू मसी का बापू परमेसर की हमेस्यान मेमा वेती रेवे, वीं जाणे के, मूँ जूट ने बोलूँ हूँ।

2 कुरिन्थियों 12:6

जद्याँ मूँ मेपणो करबा की होचूँ भी हूँतो भी मूँ बेण्डो ने हूँ, काँके मूँ हाँच बोल सकूँ हूँ। पण थाँने ईं बातऊँ बंचाणा छावूँ हूँ जणीऊँ कुई मने अस्यान करतो देके कन हुणे हे तो वो अणीऊँ बड़न मने ने हमजे।

2 कुरिन्थियों 3:5

ईंको ओ अरत ने हे के, माँ माँकी तागतऊँ होच-हमजन अस्यान करा हाँ। माँ माँकी तागतऊँ कई ने कर सका हाँ पण माने तागत तो परमेसरइस देवे हे।

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

गलातियों 2:8

काँके जणा पतरसऊँ यहूदी मनकाँ में परच्यार को काम मोटा रूपऊँ करवायो, वस्यानीस वणा माराऊँ भी ज्यो यहूदी ने हे वणा लोगाँ में काम करवायो।

कुलुसियों 3:17

परमपिता परमेसर को धन्नेवाद करता तका ज्यो कई थाँ केवो कन करो हारोई परबू ईसू का नामऊँ करिया करो।

2 थिस्सुलुनिक्यों 2:17

वो थाँने हरेक हव काम वाते अन बचना में पाका करी अन थाँका हरदा में सान्ती देई।

इब्रानियों 11:8

विस्वास करबा की वजेऊँ अबराम ने जद्याँ बलायो ग्यो हो तो वो आग्या मानन अस्यी जगाँ का आड़ी चाल पड़्यो, जिंको वारिस बणबावाळो हो, जद्याँ के, वो जाणतो भी ने हो, तद्याँ भी वो वटे ग्यो हो।

इब्रानियों 5:9

अन एक दन पाको बणन वाँ हाराई का वाते ज्यो वींकी आग्या को पालण करे हे, वो वाँके अनंत छुटकारो को गेलो बणग्यो।

याकूब 1:22

बचन ने खाली हूणबावाळा ईंस ने पण वींपे चालबावाळा भी बणो। जद्याँ थाँ खाली हुणबा वाळाईस हो, तो थाँ खुद ने धोको देरिया हो।

1 यहुन्ना 3:18

हो प्यारा बाळकाँ, आपाँ खाली बाताँऊँ अन बोलीऊँ परेम ने किदो, पण ईंने आपाँ आपणाँ करमा अन हाँचऊँ कराँ हा।

यहूदा 1:9

जद्याँ के हरग-दुत मीकाईल ज्यो दुताँ को मुक्यो हो, वो मूसा की लास का वाते सेतानऊँ वाद-विवाद कररियो हो, तो भी वो वींके हामे सेतान ने कई बुरी बात बोलबा की हिम्मत ने किदी, पण अतरोक बोल्यो के, “परबू थने तापड़ी।” काँके वींका नके भी न्याव करबा को अदिकार ने हो।