रोमियों 14:18 - नुवो नेम (मेवड़ी नया नियम)

¹⁸ ज्यो मसी की ईं तरियाऊँ सेवा करे हे, वणीऊँ परमेसर राजी रेवे हे अन मनक वींको मान करे हे।

रोमियों 14:18 Iomraidhean Croise

मरकुस 13:34

ओ अस्यानीस हे, जस्यान कुई मनक कस्यी यातरा पे जातो तको आपणाँ नोकराँ ने आपणो घर हूँप जावे, अन हारा ने न्यारो-न्यारो काम हूँप दे अन चोकीदार ने ओ हुकम दे के, वो जागतो रेवे।

यहुन्ना 12:26

यद्याँ कुई मारी सेवा करणो छावे, तो वींने मारे पाच्छे चालणोइस पेड़ी, जणीऊँ जटे मूँ हूँ, वटे वो भी वेवे। यद्याँ कुई मारी सेवा-चाकरी करी, तो मारा बापू परमेसर भी वाँको आदर-मान करी।

थरप्या तका का काम 10:35

कस्यी भी जात कन कणी भी देस को जो भी मनक परबूऊँ दरपतो रेवे अन हुदा काम करे तो, परबू वींने आपणो मान लेवे।

रोमियों 12:11

मेनत करबावाळा बणो आळसी ने, आपणी आत्मा में जोस भरो अन परबू की सेवा करता रेवो।

रोमियों 14:4

किंका दूजाँ के दास को न्याव करबावाळा थाँ कूण वेवो हो? वीं सफल वेई के, ने वेई ईं बात को न्याव करबावाळो वाँका खुद को मालिक हे। अन वीं सफल वेई, काँके परबू वाँने सफल बणाबा की तागत राके हे।

रोमियों 16:18

काँके अस्या मनक आपणाँ परबू मसी की ने पण आपणाँ पेट की सेवा करे हे। अन ईं आपणी मिटी-मिटी अन चापलूसी बाताँऊँ भोळा-भाळा मनकाँ ने भरम में नाक देवे हे।

रोमियों 6:22

पण अबे थाँने पापऊँ छुटकारो मलग्यो ग्यो हे अन परमेसर का दास बणा दिदा ग्या हो, तो ज्या खेती थाँ करिया हो, वाँ थाँने परमेसर का आड़ी खरईपणा में लेजाई। जिंको आकरी फळ अनंत जीवन हे।

1 कुरिन्थियों 7:22

काँके ज्याँने परबू का दास का रूप में बलाया हे, वीं तो परबू का आजाद मनक हे। अणीस तरियाँ जिंने आजाद मनक का रूप में बलाया ग्या हे वीं मसी का दास हे।

2 कुरिन्थियों 4:2

आपाँ वणा काम ने जणीऊँ हरम आवे हे, वाँने कोयने कराँ हाँ। अन ने आपाँ कपट राका हाँ अन नेई आपाँ परमेसर का बचन में गाल-गसोळ करा हाँ। पण आपाँ तो हाँच ने खुला रूपऊँ लोगाँ का हामे बतावा हाँ अन परबू का हामे खुद खरा बणा हाँ।

2 कुरिन्थियों 5:11

अणीऊँ माँ जाणा हाँ के, परबू की दरपणी कई हे, ईं वाते माँ लोगाँ ने हमजारिया हाँ के, वीं हाँच ने माने। परमेसर आपणाँ हाल-चाल जाणे हे अन मने पूरो विस्वास हे के, थाँ भी माकाँ बारा में हारोई जाणो हो।

2 कुरिन्थियों 5:9

ईं वाते आपणाँ हरदा की आस आ हे के, पलई हाते रेवा पलई न्यारा रेवा, पण परबू ने भाता रेवा।

2 कुरिन्थियों 6:4

पण माँ तो परमेसर का हव दास का जस्यान खुद ने साबत करा हाँ, धीरज का हाते हारोई सेण करता तका दुक में, अबकी टेम में, परेसानी में,

2 कुरिन्थियों 8:21

काँके ज्यो बाताँ परबू की देकणी मेंईस ने पण मनकाँ की देकणी में भी सई हे, माँ वणा बाताँ की चन्ता कररिया हा।

फिलिपियों 4:18

थाँ ज्यो खन्दायो हो वो मने मल्यो हे, वो मारा वाते नरोई हे। अबे ज्यो कई छारियो हे वो मारा नके हे। थाँ ज्यो खन्दायो हो इपापरदितुस मने दिदो हे। ईं चिजाँ परमेसर ने हव लागबा वाळी बली का जस्यान हे अन अणाने वीं माने हे अन अणीऊँ वीं राजी हे।

फिलिपियों 4:8

आकरी में हो भायाँ, ज्यो ज्यो बाताँ हाँची हे अन ज्यो ज्यो बाताँ आदर करबा जस्यी हे अन ज्यो ज्यो बाताँ सई हे अन ज्यो ज्यो बाताँ ऊजळी हे अन ज्यो ज्यो बाताँ हुवावणी हे अन ज्यो ज्यो बाताँ हव गुण, बड़ई अन बड़िया हे वाँपे ध्यान लगाया करो।

कुलुसियों 3:24

आद राको के, परबू आपणाँ लोगाँ का वाते ज्यो ईनाम ते कर मेल्यो हे, वो थाँने देई, काँके थाँको हाँचो मालिक मसी हे।

1 तिमुतियूस 2:3

अस्यान परातना करणी हव हे अन आपणाँ ने बंचाबावाळा परमेसर ने भावे हे।

1 तिमुतियूस 5:4

पण यद्याँ कणी विदवा का छोरा-छोरी कन पोता-पोती वेवे तो, वाँने हाराऊँ पेली छावे के, वीं आपणाँ घराणा का हाते भगती-भाव को वेवार राके, अन आपणाँ बई-बापू, दादा-दादी की सेवा करन आपणो हक पूरो करे, काँके अस्यान करबाऊँ परमेसर राजी वेवे हे।

1 पतरस 2:12

जीं यहूदी ने हे वीं मनक थाँने बुरा केवे हे, पण ईंका केड़े भी वाँका बचमें थाँको वेवार अन चालचलन हव वेणो छावे, जणीऊँ जणा बाताँ में वीं थाँने दोसी जाणन बदनाम करे हे, वीं थाँका भला काम ने देकन वाँकी वजेऊँ जीं दन परबू आई, वीं दन वीं परमेसर की मेमा कर सकी।

1 पतरस 2:20

पण यद्याँ थाँने बुरा काम करबा का वजेऊँ कुट्या जावे अन थाँ दुक भोगो हो, तो ईंमें बड़ई की कस्यी बात हे? पण यद्याँ थाँने थाँका हव काम की वजेऊँ हताया जावे हे तो थाँ परमेसर का हामे बड़ई के जोगो हो।

1 पतरस 2:5

थाँ भी जीवता भाटा का जस्यान हो थाँने आत्मिक मन्दर का रूप बणाया जारिया हे, जणीऊँ थाँ पुवितर याजक का जस्यान बणन अस्यान का आत्मिक बलीदान चड़ावो, जो ईसू मसी के वजेऊँ परमेसर के चड़ाबा का जोगा वेवे।

1 पतरस 3:16

थाँ थाँका मन ने पुवितर राकज्यो, जणीऊँ ईसू मसी में जो थाँका हव वेवार का बारा में ज्यो भी मनक बेजत करबावाळा हे, वीं हरमा मरे।