रोमियों 13:6 - नुवो नेम (मेवड़ी नया नियम)

⁶ ईं वातेईस थाँ कर भी देवो हो, काँके अदिकार राकबावाळा परमेसर का दास वेवे हे ज्यो आपणाँ काम ने पूरो करबा में लाग्या रेवे हे।

रोमियों 13:6 Iomraidhean Croise

लूका 23:2

अन मनक यो केन वींपे दोस लगाबा लागा के, “माँ ईंने लोग-बागाँ ने भटकातो तको पकड़्यो हे। यो राजा केसर ने हाँसल जमा करबा का वाते नटे हे अन यो आपणाँ खुद ने राजा मसी केवे हे।”

रोमियों 12:8

जद्याँ किंने दूजाँ ने हिम्मत बडाबा को वरदान मल्यो हे तो वो हिम्मत बड़ावे। जद्याँ किंने दान देबा को वरदान मल्यो हे तो वो खुला मनऊँ दान देवे। जद्याँ किंने अगुवाई करबा को वरदान मल्यो हे तो वो मन लगान अगुवाई करे, अन जद्याँ किंने दया करबा को वरदान मल्यो हे तो वो राजी मनऊँ दया करे।

रोमियों 13:5

ईं वजेऊँ थाँने अदिकारियाँ की आग्या मानणी जरूरी हे। सजा की दरपऊँईस ने पण थाँका अंतर-आत्मा की वजेऊँ भी ओ जरूरी हे।

रोमियों 13:7

किंकी भी उदारी हे तो वींने चुका दो, अन ज्यो कर थाँने देणो हे वो दिदो। किंको जद्याँ हाँसल निकळे, तो वींने दिदो। जणीऊँ दरपणो छावे, वणीऊँ दरप। जिंको आदर करणा छावे, वींको आदर कर।