रोमियों 13:2 - नुवो नेम (मेवड़ी नया नियम)

² तो ज्यो भी अदिकारियाँ को विरोद करे हे, वो परमेसर की आग्या को विरोद करे हे। अन ज्यो परमेसर की आग्या को विरोद करे हे, वाँने सजा मली।

रोमियों 13:2 Iomraidhean Croise

मत्ती 23:13

“ओ कपटी, मूसा का नेमा ने हिकाबावाळा अन फरीसियाँ, थाँने धिकार हे! थाँ मनकाँ का वाते हरग का राज को बारणो बन्द करो हो, ने तो थाँ खुद परवेस करो हो अन ने वींमें परवेस करबावाळा ने परवेस करबा देवो हो।

मरकुस 12:40

वाँ लुगई जिंको धणी सान्त वेग्यो, वाँको धन कोसबो छावे हे। वीं दिकाबा का वाते मोटी परातना करे। वाँ मनकाँ ने घणी मोटी सजा मेली।”

लूका 20:47

वाँ लुगई जिंको धणी सान्त वेग्यो, वाँको धन कोसबो छावे हे। वीं दिकाबा का वाते मोटी परातना करे। वाँ मनकाँ ने घणी कल्ड़ी सजा मेली।”

रोमियों 13:1

हाराई मनकाँ ने अदिकारियाँ का रेटे रेणो छावे। काँके परमेसर की मरजी का बना कुई राज ने कर सके, अन अदिकारियाँ ने परमेसरइस बणावे हे।

रोमियों 13:3

देको राज करबावाळा खरई करबावाळा ने, पण बुरा काम करबावाळा दरपाबा का वाते हे। अन यद्याँ थाँ अदिकारियाऊँ दरपणा ने छावो हो, तो हव काम करो। तो थाँने वाँकाऊँ बड़ई मली।

रोमियों 13:5

ईं वजेऊँ थाँने अदिकारियाँ की आग्या मानणी जरूरी हे। सजा की दरपऊँईस ने पण थाँका अंतर-आत्मा की वजेऊँ भी ओ जरूरी हे।

रोमियों 9:19

तो वे सके, थाँकामूँ कुई मने के सके के, तो पछे परमेसर माकाँ पे दोस काँ लगावे हे? कूण हे ज्यो परमेसर की मरजी को विरोद कर सके हे?

तीतूस 3:1

थूँ मनकाँ ने आद अवाड़ के, राज करबावाळा अन अदिकारी को क्यो माने। अन हरेक तरियाँ का भला काम करबा का वाते त्यार रेवो।

याकूब 3:1

हो मारा भायाँ, थाँका मेंऊँ हेला मण्डली में हिकाबावाळा मती बणज्यो, काँके थाँ जाणो हो के, माँ हिकाबावाळा को न्याव ओरुँ भी कल्ड़ो किदो जाई।

1 पतरस 2:13

परबू वाते मनकाँ मेंऊँ बणाया ग्या, हाराई अदिकारियाँ का बंस में रेवो। राजा का बंस में ईं वाते रेवो, काँके वो हाराई पे परदान हे।