रोमियों 13:12 - नुवो नेम (मेवड़ी नया नियम)

¹² रात वेबावाळी हे अन दन उगबावाळो हे। ईं वाते आवो, अंदारा का काम करणा छोड़ दा अन लड़बा का वाते उजिता का हत्यार लीला।

रोमियों 13:12 Iomraidhean Croise

रोमियों 13:14

पण परबू ईसू मसी का हाव-भाव ने धारण करलो, अन आपणाँ पापी वेवार ने अन मन की मरजी ने काबू में राको।

1 कुरिन्थियों 10:11

पण ईं हारी बाताँ, ज्यो वाँका पे अस्यान घटी के वाँका वाते एक हिक वीं अन आपणे चेतावणी का वाते लिकी गी काँके दनियाँ की अन्त टेम नके हे।

1 कुरिन्थियों 7:29

हो भायाँ, मूँ ओ केरियो हूँ के, टेम कम हे, ईं वाते जिंके लुगायाँ हे, वीं अस्यान रेवे के, वाँके लुगायाँ ने हे

2 कुरिन्थियों 10:4

काँके जणी ओजाराँऊँ माँ लड़ा हाँ वीं दनियाँ का ओजार ने हे, पण वणा ओजार में आत्मिक गड ने हड़ाबावाळी परमेसर की तागत हे।

2 कुरिन्थियों 6:7

अन हाँच का हमच्यारऊँ अन परमेसर की तागतऊँ माँ माकाँ हाताँ में परमेसर का हामे सई ठेराबावाळी ढाल लेन,

इपिसियों 4:22

थाँके पाला जीवन को चालचलन ज्यो धोको देबावाळी मरजीऊँ बगड़ग्यो हे, वींने छोड़बा का वाते थाँने हिकायो ग्यो हो।

इपिसियों 5:11

वणा अन्दारा का कामाँ में भेळा मती वो, पण वणा कामाँ ने चोड़े करो।

इपिसियों 5:8

काँके थाँ तो पेल्याँ अन्दारो हा, पण अबे परबू का गट-जोड़ में थाँ उजाळो हो, ईं वाते उजाळो का मनकाँ का जस्यान चालो।

इब्रानियों 10:25

अन थाँ भेळा वेणो मती छोड़ज्यो। जस्यान के नरई मनकाँने तो भेळो ने वेबा की आदत पड़गी हे। पण आपाँने तो एक दूजाँ ने हमजाणा हे। जस्यान के, थाँ जाणो हो अन देको भी हो के, वो परबू को दन नके आरियो, जणीऊँ थाँने तो ओरुँ भी ईंने करणो छावे।

इब्रानियों 12:1

ईं वाते जद्याँ गवा की एक मोटी भीड़ आपणाँ च्यारूँमेर हे, तो आवो, आड़ी देबावाळी हारी चिजाँ ने अन उलजाबा पाप ने छेटी करा अन ज्या दोड़ आपाँने दोड़णी हे, वींने सेण करता तका दोड़ता रा।

याकूब 1:21

ईं वाते हाराई असुद कामाँऊँ अन च्यारूँमेर की बुरईऊँ छेटी रेज्यो। पण धिज्यो राकबावाळा वेन परमेसर का बचन जीं थाँका मन में हे वाँने मानज्यो, ताँके वीं थाँकी आत्मा ने छुटकारो दे सके।

याकूब 5:8

वस्यानीस थाँ भी धीरज राको अन आपणाँ मना ने पाको करलो, काँके परबू वेगा आबावाळा हे।

1 पतरस 2:1

ईं वाते थाँ छळ, ढोग, वेर भाव, कपट, दूजाँ पे दोस लगाणो अस्यी बुरईऊँ बंचन रेज्यो।

1 पतरस 4:7

वाँ टेम नके हे, जद्याँ हारोई नास वे जाई। ईं वाते थाँ हमजदार बणो अन खुद ने बंस में राको, जणीऊँ थाँने परातना करबा में मदत मले।

2 पतरस 3:11

जद्याँ ईं हारी चिजाँ नास वेबावाळी हे तो थाँ होचो थाँने कस्यान को जीवन जीवणो छावे? थाँने पुवितर जीवन जीवणो छावे, काँके पुवितर जीवन परमेसर ने हव लागे हे।

2 पतरस 3:9

परबू आपणाँ वादा ने पूरा करबा में देर ने लगावे, जस्यान नरई मनक होचे हे। पण परमेसर आपणाँ वाते धीरज राके हे, काँके वो किंने भी नास करणो ने छावे हे। पण वो छावे हे के, हाराई मनक आपणाँ मन ने पापऊँ अलग करन मन फेरे।

1 यहुन्ना 2:18

हो मारा प्यारा बाळकाँ, जस्यान थाँ जाणो हो के, आकरी टेम आगी हे अन मसी को दसमण भी आबावाळो हे। ईं वाते वींकी जस्यान नरई मसी का दसमण बणग्या हे, ईं वजेऊँ आपाँ जाण सका हाँ के, आकरी टेम नके हे।

परकासितवाक्य 1:3

वीं मनक धन्न हे जीं परमेसर का ईं दरसावा की किताब का संदेसा ने भणे अन हुणे अन ईंका मयने जो बाताँ लिकी तकी हे, वाँके जस्यान चाले हे। काँके वाँ टेम नके हे, जद्याँ ईं बाताँ पुरी वेई।

परकासितवाक्य 22:10

वणी हरग-दुत पाछो मने क्यो, “ईं किताब में जीं आगेवाण्याँ दिदी गी हे, वाँने हपान मती राक, काँके अणा बाताँ के वेबा को टेम नकेईस हे।