रोमियों 12:3 - नुवो नेम (मेवड़ी नया नियम)

³ ईं वाते वींकी दया की वजेऊँ ज्या मने मली हे। वींने ध्यान में लेन मूँ थाँने केवूँ हूँ जतरा थाँ हो वणी हेला खुद ने मती हमजो हे, पण विस्वास का जस्यान जतरी कबालियत परमेसर थाँने दिदी हे वतरोइस खुद ने हमजो।

रोमियों 12:3 Iomraidhean Croise

लूका 18:11

फरीसी ऊबो वेन आपणाँ मन में या परातना करबा लागो के, ‘ओ परमेसर, मूँ थाँको धन्नेवाद करूँ हूँ के, मूँ दूजाँ मनकाँ की जस्यान लोबी, दूजाँ को बुरो करबावाळो, दूजी लुगायाँ का हाते गलत वेवार करबावाळो ने हूँ अन नेई अणी लगान लेबावाळा के जस्यो हूँ।

यहुन्ना 3:34

काँके जिंने परमेसर खन्दायो हे, वो परमेसर की बाताँ केवे हे, काँके परमेसर वींने आपणी आत्माऊँ भरपूर किदो हे।

रोमियों 11:20

आ बात हाँची हे। पण वीं आपणाँ विस्वास ने करबा की वजेऊँ तोड़ी गी, पण थाँ थाँका विस्वास की वजेऊँ थाँकी जगाँ टक्या तका रेवो। तो ईंको मेपणो मती करो, पण दरपता रेवो।

रोमियों 11:25

हो मारा भायाँ, कटे अस्यान ने वे के, थाँ खुद ने घणा हूँस्यार हमजबा लागो, ईं वाते मूँ थाँने ईं छाने का हाँचऊँ अणजाण ने राकणा छावूँ हूँ, काँके इजराएल का मनक अस्यानीस गाटा बणा दिदा ग्या हे अन अस्यानीस तद्याँ तईं गाटा बण्या रेई जद्याँ तईं जी यहूदी ने हे वाँ मनकाँ मेंऊँ जीं चुण्या तका हे, वीं हाराई परमेसर का नके ने आ जावे।

रोमियों 12:16

आपस में एक मन राको। मेपणो मती करो, पण दन-दक्या का हाते संगत करिया करो। अन खुद यो मती होचो के, खाली माँईस अकलवान हा।

1 कुरिन्थियों 15:10

अन आज मूँ ज्यो कई भी हूँ परमेसर की दयाऊँ हूँ अन वींकी दया मारा वाते बेकार ने गी। काँके में दूजाऊँ हेली मेनत किदी हे, पण परमेसर की दया मारा पे हे जणीऊँ मूँ अस्यान कर सक्यो हूँ।

1 कुरिन्थियों 3:10

परमेसर की वीं दया के जस्यान, ज्यो मने दिदी गी हे, में एक हूँस्यार कारीगर के जस्यान नीम नाकी, पण वींपे सणई करबावाळो तो कुई ओरी हे। पण हरेक मनक ने ध्यान राकणो हे के, वीं कस्यान काम कररिया हे।

1 कुरिन्थियों 7:17

परबू जिंने जस्यो वरदान दिदो हे अन जिंने जस्या रूप में चुण्यो हे, वींने वस्यानीस रेणो छावे। हारी मण्डळ्याँ में मूँ ओईस आदेस दूँ हूँ।

2 कुरिन्थियों 10:13

माँ माकाँ हक की मेर ने उलांगन मेपणो ने कराँ हाँ। वीं हक का वाते ज्यो काम की मेर परमेसर मने दिदी हे वीं मेर में माँको काम भी थाँ बंच में हे।

2 कुरिन्थियों 12:13

थाँ कस्यी बात में दूजी मण्डळ्याऊँ न्यारा हो? बेस अणीऊँ के, में मारो बोज थाँका ऊपरे ने नाक्यो हो। मने ईं काम का वाते थाँ माप करो।

2 कुरिन्थियों 12:7

मूँ ईं दरसण की वजेऊँ मोटो ने वे जऊँ, ईं वाते मारी देह में एक रोग दिदो ग्यो हे ज्यो सेतान को एक दूत हे अन ओ मने दुक देतो रेवे हे जणीऊँ मूँ घणो मेपणो ने कर सकूँ हूँ।

गलातियों 6:3

काँके यद्याँ किंके नके कई भी ने वेवे तोबी वो अपणे खुद ने मोटो हमजे, तो वो अपणा खुद ने खाड़ा में नाकरियो हे।

इपिसियों 3:2

परमेसर करपा करन थाँकी भलई का वाते ज्यो काम मने हुप्यो हो, वींका बारा में थाँ हुण्योईस वेई।

इपिसियों 3:4

जणीऊँ थाँ, भणन हमज सको हो के, मूँ वीं मसी का राज ने कतरोक हव जाण हूँ।

इपिसियों 4:16

मसी का केवा में हरेक टेको देबावाळा जोड़ऊँ डील का हाराई अंग जोड़्या जावे अन एक वेजावे हे। ईं वाते जद्याँ हरेक अंग आपणो आपणो काम करे तद्याँ आको डील वदतो जावे हे अन वो परेम में भी वदे हे।

फिलिपियों 2:13

परमेसरइस हे ज्यो थाँका जीवन में काम कररिया हे ताँके थाँकामें वाँका मकसद ने पूरो करबा को मन अन तागत वेवे।

कुलुसियों 1:29

ईं वाते मारा में काम करबावाळी मसी की तागतऊँ मूँ अस्यान का काम करबा का वाते घणी मेनत कररियो हूँ।

कुलुसियों 2:13

मसी पे विस्वास करबा के पेल्याँ आपीं आपणाँ पापाँ की वजेऊँ आत्मा में मरिया तका अन बना खतना का हा। पण अबे परमेसर आपाँने ईसू मसी का हाते पाच्छा जिवाया अन आपणाँ हाराई पापाँ ने माप किदा हे।

1 तिमुतियूस 1:14

अन परबू मारा पे नरी दया किदी, हातेई हाते वो परेम अन विस्वास ज्यो ईसू मसी में हो, वो मने मल्यो।

1 तिमुतियूस 2:15

पण लुगायाँ बाळक जणन बंचगी, अन वाँने छावे के, वीं धीरज का हाते विस्वास, परेम अन खरईपणा में गाटी रेवे।

1 तिमुतियूस 2:9

वस्यानीस मूँ लुगायाऊँ केवूँ हूँ के, हरम लाज अन धीरज का हाते हुदा-हादा गाबाऊँ खुद ने सजावे ने के फेंसी चोटी बणान होना अन मोती अन मेंगा गाबाऊँ सजावो,

तीतूस 2:12

या करपा आपाँने हिकावे हे के, आपीं बना भगती अन दनियादारी की मरजीऊँ फरन अणी दनियाँ में खुद पे काबू राकबावाळा, धरमी अन भगती-भावऊँ जीवन जीवा।

तीतूस 2:2

भूण्डा मनकाँ ने हिक दे, ताँके वीं धीरज राकबावाळा, हमजदार अन खुद पे काबू राकबावाळा वेवे अन वीं विस्वास, परेम अन सेवा में पाका रेवे।

तीतूस 2:4

जणीऊँ वीं मोट्यार लुगायाँ ने आपणाँ बाळक अन धणीऊँ परेम करणो हिकाबावाळी वे जावे।

तीतूस 2:6

अस्यानीस थूँ मोट्यार छोरा ने हमजा के, वे खुद पे काबू राकबावाळा बण्या तका रेवे।

याकूब 4:6

पण परमेसर आपापे घणी दया किदी हे, ईं वाते सास्तर में लिक्यो तको हे के, “परमेसर मेपणा करबावाळा का विरोद में हे अन हुदा-हादा मनकाँ पे दया करे हे।”

1 पतरस 1:13

ईं वाते थाँ थाँका मन ने बंस में राको अन खुद ने भी बंस में राको अन वीं वरदान की आस लगई तकी राको, ज्यो थाँने ईसू मसी परगट वेई, वीं दाण दिदो जाई।

1 पतरस 4:11

जद्याँ कुई उपदेस हुणावे तो वींने अस्यान हूणाणो छावे जस्यान के, वो परमेसरऊँ मल्या तका बचन ने हुणारियो वेवे। यद्याँ कुई सेवा करे, तो वो वीं तागतऊँ ज्या परमेसर वींने दिदी हे वींके जस्यान सेवा करे, जणीऊँ हारी बाताँ में ईसू मसी की वजेऊँ परमेसर की मेमा वेवे। मेमा अन तागत हमेस्या वींकीइस हे। आमीन।

1 पतरस 4:7

वाँ टेम नके हे, जद्याँ हारोई नास वे जाई। ईं वाते थाँ हमजदार बणो अन खुद ने बंस में राको, जणीऊँ थाँने परातना करबा में मदत मले।

1 पतरस 5:5

हो मोठ्याराँ, अणीस तरियाँ थाँ भी परदानाँ का बंस में रेवो, थाँ हाराई का हाराई सेवा करबा वाते दया का हाते त्यार रेवो, काँके “परमेसर मेपणो करबावाळा का खिलाप में हे, पण जो मनक खुद ने फोरो बणावे हे वींके ऊपरे परमेसर दया करे हे।”

1 पतरस 5:8

थाँ हूँस्यार रेवो अन जागता रेज्यो, काँके थाँको दसमण सेतान दहाड़ करबावाळो नार की जस्यान ईं भाळ में हे के, वो थाँने फाड़न खावे।

3 यहुन्ना 1:9

में एक कागद मण्डली ने भी लिक्यो भी हो, पण दियुत्रिफेस ज्यो नेतो बणणो छावे हे, वो माँ ज्यो कई केवा हाँ, वींने ने माने।