रोमियों 12:19 - नुवो नेम (मेवड़ी नया नियम)

¹⁹ मारा लाड़ला, कणीऊँ खुद बदलो मती लो, पण ईंने परमेसर का गुस्सा ने मोको दो, काँके सास्तर में लिक्यो हे के, “परबू क्यो, बदलो लेणो मारो काम हे, ईंको फळ मूँ देऊँ।”

रोमियों 12:19 Iomraidhean Croise

मत्ती 5:39

पण मूँ थाँकाऊँ यो केवूँ हूँ के, कणी बुरई करबावाळा का हाते बुरई मती करो, पण ज्यो कुई थाँका जीमणो गाल्डा पे रेपट मारे, तो वाँकी आड़ी दूज्यो गालड़ो भी कर देज्यो।

रोमियों 12:14

थाँने हताबावाळा ने आसिरवाद दो। वाँने हराप मती दो, पण आसिरवाद दो।

रोमियों 12:17

बुरई को बदलो बुरईऊँ किंने भी मती देवो। ज्यो हाराई के नजरा ने हव लागे, बेस वोईस करो।

रोमियों 13:4

ज्यो अदिकारी हे, वीं थाँके भलो करबा का वाते परमेसर को दास हे। पण यद्याँ थाँ बुरो करो हो तो वणाऊँ दरपो, काँके वणा यूँई तरवार ने लिदी हे। वीं परमेसर का दास हे, ज्यो बुरई करबावाळा पे वींका न्याव ने लावे हे।

इपिसियों 4:27

सेतान ने मोको मती दो के, वो थाँने पाप में नाक दे।

1 थिस्सुलुनिक्यों 4:6

ईं बात में कुई भी आपणाँ भई नेईस ने ठगे अन ने कुई किंको नफो लेणो छावे। काँके परबू आ हारी बाताँ को बदलो लेबा में हे, अणा बाताँ का बारा में माँ थाँने पेल्याँई बता दिदो अन चेताया भी हाँ।

2 तिमुतियूस 4:14

धातु को काम करबावाळे सिकन्दर मने घणो दुक दिदो हे। परबू वींकी करणी के जस्यान वींने फळ देवे।

इब्रानियों 10:30

आपाँ वींने जाणा हाँ, जणी अस्यान क्यो हे के, “बदलो लेणो मारो काम हे अन मूँईस बदलो लेऊँ।” अन ईंका केड़े यो भी क्यो, “परबू आपणाँ लोगाँ को न्याव करी।”