रोमियों 12:13 - नुवो नेम (मेवड़ी नया नियम)

¹³ परमेसर का मनकाँ की जरुरत में वाँकी मदत करो। मेमान की आवभगत करबा को मोको होदता रेवो।

रोमियों 12:13 Iomraidhean Croise

मत्ती 25:35

काँके मूँ भुको हो, अन थाँ मने खाबा को दिदो, मूँ तरियो हो अन थाँ मने पाणी पायो। मूँ बारवासी हो, अन थाँ मने घर में राक्यो।

थरप्या तका का काम 10:4

तो कुरनेल्युस दरपतो तको ध्यानऊँ हरग-दुत ने देकतो तको बोल्यो, “ओ परबू, कई हे?” हरग-दुत वींने क्यो, “परमेसर थारी परातना हूणी हे अन थाँरा किदा तका दान-पनऊँ परमेसर राजी वेग्या हे।

थरप्या तका का काम 4:35

वाँने लान थरप्या तका का पगाँ में मेल देता। अन जिंने जतरीक जरूत वेती, वीं हस्याबूऊँ एक-दूँजा ने बाँट देता हा।

रोमियों 12:8

जद्याँ किंने दूजाँ ने हिम्मत बडाबा को वरदान मल्यो हे तो वो हिम्मत बड़ावे। जद्याँ किंने दान देबा को वरदान मल्यो हे तो वो खुला मनऊँ दान देवे। जद्याँ किंने अगुवाई करबा को वरदान मल्यो हे तो वो मन लगान अगुवाई करे, अन जद्याँ किंने दया करबा को वरदान मल्यो हे तो वो राजी मनऊँ दया करे।

1 कुरिन्थियों 16:15

थाँ स्तिपनूस का घराणा का बारा में तो जाणो हो के, वीं अखाया में मसी पे विस्वास करबाबाळा पेला मनक हे। वणा परबू का भगताँ की सेवा करबा का वाते काम तोक्यो हे। ईं वाते ओ विस्वासी भायाँ मूँ थाँकाऊँ अरज करूँ हूँ,

2 कुरिन्थियों 9:1

परमेसर का पुवितर मनकाँ का वाते ज्यो दान खन्दायो जारियो हे, ईंका बारा में मूँ थाँने ओरी हेलो लिकबा का वाते जरूरी ने हमजूँ हूँ।

2 कुरिन्थियों 9:12

दानकी पुवितर सेवाऊँ बेस परमेसर का पुवितर मनकाँ किइस जरूत पुरी ने वेवे हे पण परमेसर ने धन्नेवाद देबा को भाव भी मनकाँ में आवे हे।

गलातियों 6:10

ईं वाते जटा तईं वे सके वटा तईं थाँ हाराई का हाते भलई करो अन खासतोरऊँ विस्वासी भई-बेना का हाते।

1 तिमुतियूस 3:2

एक मण्डली को परदान बना दोसवाळो वेणो छावे, वींके एकीस लुगई वे, खुद ने बंस में राकबावाळो, धीरज करबावाळो अन मरयादा में रेबावाळो, वो आपणाँ घर में अणजाण की भी आवभगत करे, वो हिकावाबाळा वेवे।

1 तिमुतियूस 5:10

अन जिंको हव काम करबा में नाम मान्यो तको वे, अन ज्या आपणाँ बाळकाँ ने हव तरिया पालण किदो वे, जणी अणजाण की भी सेवा किदी वे, परमेसर का लोगाँ की आपणाँ घर में आवभगत किदी वे, दकी मनकाँ की मदत किदी वे, अन जणी खुद हाराई भला काम करबा में आपणो मन लगायो वे।

तीतूस 1:8

पण वीं तो आवभगत करबावाळा अन ज्यो सई हे वणीऊँ परेम करबावाळा वे। खुद ने बंस में राकबावाळा, हुदा-हादा न्यायी, पुवितर अन नेमाँ में रेबावाळा वेवे।

तीतूस 3:14

आपणाँ मनकाँ ने दूजाँ की जरूत पुरी करबा का वाते, पूरा मनऊँ हव काम करबा में टेम बिताणो छावे, अन वाँने बेकार को जीवन ने जीवणो छावे।

फिलेमोन 1:7

काँके हे भई फिलेमोन थाँराऊँ परमेसर का पुवितर मनक घणा राजी वेग्या हे, ईं वाते थाँरा परेमऊँ मूँ घणो राजी व्यो अन मने हिम्मत मली।

इब्रानियों 13:16

अन भलई करणी अन एक-दूँजा की मदत करणी ने भुलणी, काँके परमेसर अस्या बलीदानाऊँ राजी वेवे हे।

इब्रानियों 13:2

अणहेन्दा की आवभगत करणी मती भुलो, काँके अस्यान करता तकाईस नरई लोगाँ अणजाण में हरग-दुताँ की आवभगत किदी हे।

इब्रानियों 6:10

काँके परमेसर अन्यायी ने हे, के थाँका काम अन वीं परेम ने भुल जावे, ज्यो थाँ वींका नाम का वाते बतायो हे के, थाँ पुवितर लोगाँ की सेवा-चाकरी किदी अन कररिया हो।

1 पतरस 4:9

बना बड़बड़ करिया, थाँ एक दूजाँ की आवभगत करिया करो।

1 यहुन्ना 3:17

अगर थाँकामूँ किंने कणी चीज की जरूत वेवे अन थाँकापाँ वाँ चीज वेता तकाँ भी थाँ वींकी मदत ने करो। तो आपाँ कस्यान के सका हाँ के, आपाँ में परमेसर को परेम हे।

3 यहुन्ना 1:5

हे मारा प्यारा भई, थूँ आपणाँ विस्वासी भायाँ का नफा का वाते घणो करो हे। पलई वीं थाँरा वाते अणजाण काँ ने वेवे।