रोमियों 12:12 - नुवो नेम (मेवड़ी नया नियम)

¹² आपणी आस में राजी रो, दुक में हिम्मत राको। हमेस्यान परातना करता रेवो।

रोमियों 12:12 Iomraidhean Croise

मत्ती 5:12

तद्याँ थाँ राजी वेज्यो अन आणन्द मनाज्यो, काँके हरग में थाँने ईंको फळ मली। यो वस्यानीस हे जस्यान थाँकाऊँ पेल्याँ परमेसर का आड़ीऊँ बोलबावाळा लोगाँ ने हताया हा।

लूका 10:20

पण, ईं वातेईस राजी मती वेवो के, हुगली आत्मा थाँका बंस में हे, पण अणीऊँ खुस वेवो के, थाँको नाम हरग में लिक्यो ग्यो हे।”

लूका 21:19

विस्वास में गाटा रेवा की वजेऊँ थाँ अनंत जीवन पाँ लेवो।

लूका 8:15

पण हव जगाँ वाया तका बीज वी मनक का जस्यान हे, जी बचन हुणे वी आपणाँ हव अन हाँचा मन में हमाळी राके अन हमेस्यान वींके जस्यानीस चालन वी हव फळ लावे हे।

थरप्या तका का काम 1:14

ईं हाराई रोज एक मन वेन परातना करबा वाते भेळा वेता हा। आका हाते थोड़ीक लुगायाँ, ईसू की बई मरियम अन ईसू का भई भी हा।

थरप्या तका का काम 12:5

तो पतरस ने जेळ में राक्यो हो, पण मण्डली का मनक हाँचा मनऊँ वींका वाते परमेसरऊँ परातना करता रिया हा।

थरप्या तका का काम 2:42

वाँकाणी थरप्या तका चेला का उपदेस, सत्संग, परबू ने आद करता तका रोटी तोड़णी अन परातना में आपणो जीव लगा दिदो हो।

थरप्या तका का काम 6:4

पण, माँ तो हाराई टेम परातना अन बचन हुणबा का काम में जीव लगा देवाँ।”

रोमियों 15:13

आस देबावाळो परमेसर थाँका मना ने सान्ती अन खुसीऊँ भर देवे जस्यान वींमें थाँको विस्वास हे, जणीऊँ पुवितर आत्मा की तागतऊँ थाँ आसऊँ भरपूर वे जावो।

रोमियों 15:4

हरेक बात ज्या सास्तर में लिकी गी, वाँ आपाँने हिक देबा का वाते हे। जणीऊँ ज्यो धिज्यो अन हिम्मत सास्तरऊँ मले हे, वणीऊँ आपाँने आस मले।

रोमियों 2:7

थोड़ाक मनक ज्यो धीरजऊँ हमेस्यान भला काम करता आरिया हे अन मेमा, मान अन अनंत जीवन की खोज में हे वाँने परमेसर अनंत जीवन देई।

रोमियों 8:25

पण जिंने आपाँ कोयने देकाँ हा, वींकी आस करा हा, तो धीरज राकन वींकी वाट भी नाळा हा।

1 कुरिन्थियों 13:13

पण अबे विस्वास, आस, अन परेम ईं तीनई टळे कोयने अन अणा हारईऊँ मोटो परेम हे।

2 कुरिन्थियों 12:8

अन अणी रोग का दुक की वजेऊँ में तीन दाण परबूऊँ अरज किदी अन परबू ने क्यो के, ईं काँटा ने बारणे काड़ दो।

फिलिपियों 3:1

अबे मारा भायाँ, परबू में गट-जोड़ऊँ थाँ खुस रेवो। वणाईस बाताँ ने आकोदाण लिकबा में मने तो कई परेसानी ने हे, काँके ईं थाँकी रुकाळी करी।

फिलिपियों 4:4

परबू का गट-जोड़ में हरदाण राजी रेवो, मूँ पाछो कूँ हूँ, राजी रेवो।

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।

कुलुसियों 4:12

इपफरास, ज्यो थाँका मेईलोईस हे अन मसी ईसू को दास हे, वो थाँने आद कररियो हे अन हरदाण थाँका वाते आका मनऊँ परातना करे हे। जणीऊँ थाँ हमजदारी अन पूरा भरोसा का हाते परमेसर की मरजी में अटल रेवो।

कुलुसियों 4:2

थाँ हेंचेत रेन परमेसर को धन्नेवाद करता रेवो अन परातना करता रेवो।

1 थिस्सुलुनिक्यों 1:3

बापू परमेसर का हामे थाँका विस्वास का काम ने, परेम का वाते घणी मेनत ने अन परबू ईसू मसी का पाच्छा आबा की थाँकी पाकी आस ने हमेस्यान आद करा हाँ।

1 थिस्सुलुनिक्यों 5:8

पण आपीं जतरा दन का हाँ, आपाँने विस्वास अन परेम को हत्यार पेरन अन बंचबा को टोपो लेन हेंचेत रेणो छावे।

2 थिस्सुलुनिक्यों 1:4

ईं वाते माँ खुद ईं परमेसर की मण्डली में थाँका पे मेपणो करा हा, काँके जतरा भी दुक अन कळेस हाँ, वाँने थाँ जेल्या, ईं हारी बाताँऊँ थाँके धीरज अन विस्वास का बारा में पतो चाले हे।

2 थिस्सुलुनिक्यों 3:5

परबू थाँका मन ने परमेसर का परेम ने हमजबा अन मसी की धिरजपणा की सगती का आड़ी बड़ावे।

1 तिमुतियूस 6:11

पण थूँ, ज्यो परमेसर ने मानबावाळो हे, अणा हारी बाताँऊँ छेटी रेज्ये, पण धारमिकता, भगती, विस्वास, परेम, धीरज अन दया में बण्यो तको रेज्ये।

2 तिमुतियूस 3:10

पण थूँ मारी हिक, वेवार, अन जीवन का वाते मारा मकसद ने माने हे, थूँ मारो विस्वास, मारो धीरज, मारो परेम, मारी सेण करबा की तागत, मारा पे व्या जुलम, अन मारा दुक में मारे हाते रियो हे। अन्ताक्या, इकुनियम अन लुस्त्रा में ज्यो कई व्यो हो अन कई-कई दक-भरिया जुलम ने सेण किदा हाँ, वाँमें भी थूँ मारे हाते हो। पण परबू मने वणा हाराईऊँ बंचायो हो।

तीतूस 2:13

अन आपीं वणी धन्न दन की आसऊँ वाट नाळता रेवा, जदी आपणाँ परमेसर अन आपाँने छुटकारो देबावाळा ईसू मसी की मेमा परगट वेई।

तीतूस 3:7

वीं करपाऊँईस आपाँ परमेसर का हामे सई ठेरा हा, जणीऊँ कदी ने खतम वेबावाळा जीवन का वारिस वेवा, जिंकी आपाँ आस राका हाँ।

इब्रानियों 10:32

थाँ वणा दनाँ ने आद करो, जद्याँ थाँने दकऊँ छुटकारो मल्यो हो, वीं टेम थाँ दुक जेलता तका अन घणा हताव में विस्वास में मजबूत बण्या रिया हो।

इब्रानियों 10:36

अन थाँने बरदास करणो छावे, ताँके थाँ परमेसर की मरजी ने पुरी करन मोटो फळ पा सको, जिंको परमेसर वादो किदो हो।

इब्रानियों 12:1

ईं वाते जद्याँ गवा की एक मोटी भीड़ आपणाँ च्यारूँमेर हे, तो आवो, आड़ी देबावाळी हारी चिजाँ ने अन उलजाबा पाप ने छेटी करा अन ज्या दोड़ आपाँने दोड़णी हे, वींने सेण करता तका दोड़ता रा।

इब्रानियों 3:6

पण परमेसर का घराणा में मसी तो एक बेटा का रूप में विस्वास करबा के जोगो हे, अन यद्याँ आपाँ हिम्मत राका अन वीं आस पे विस्वास बण्यो तको राका हा, तो आपींइस वींको घराणो हा।

इब्रानियों 5:7

ईसू अणी धरती का जीवन में ज्यो वींने बंचा सकतो हो, वणीऊँ जोरऊँ हाको करतो तको अन रोते तके अरज अन परातना किदी ही अन नमरता अन भगती का मस वींकी हुण लिदी गी ही।

इब्रानियों 6:12

माँ यो ने छावाँ हाँ के, थाँ आळसी बण जावो, पण वाँके जस्यान चालो, जीं विस्वास अन धिज्या का हाते वणा चिजाँ ने पारिया हे, ज्याँको परमेसर वादो किदो हो।

इब्रानियों 6:15

अणी तरियाँ धीरज का हाते वाट नाळन अबराम वो पायो, जिंको परमेसर वादो किदो हो।

याकूब 5:7

ईं वाते हो भायाँ, जद्याँ तईं परबू पाच्छा ने आवे थाँ धीरज राको। जस्यान एक करसाण आपणे वाते मायनो राकबावाळी खेत की हाक पाकबा की आस करतो तको चोमासा की पेली बरकाऊँ लेन हियाळा का मावटा तईं धीरज राके।

1 पतरस 4:13

पण राजी वेवो के, थाँने मसी का जस्यान दुक जेलबा को मोको मल्यो हे। जणीऊँ जद्याँ ईसू मसी की मेमा परगट वेई तद्याँ थाँ भी राजी अन खुसी रे सको।

1 पतरस 4:7

वाँ टेम नके हे, जद्याँ हारोई नास वे जाई। ईं वाते थाँ हमजदार बणो अन खुद ने बंस में राको, जणीऊँ थाँने परातना करबा में मदत मले।

2 पतरस 1:6

अन हमज में खुद ने काबू में राकबा में अन खुद ने काबू में राकबा में धीरज ने अन धीरज में परमेसर की भगती ने,

परकासितवाक्य 13:10

जिंने जेळ में जाणो हे वो जाई, ज्यो भी तरवारऊँ मारी, पाको हे वो भी तरवारऊँस मारियो जाई। खरा अन धिज्यो राकबावाळा मनकाँ को ओईस विस्वास हे।