रोमियों 12:10 - नुवो नेम (मेवड़ी नया नियम)

¹⁰ एक दूजाँ का हाते हाँचो परेम राको। एक दूजाँ ने खुदऊँ हेलो मान दो।

रोमियों 12:10 Iomraidhean Croise

मत्ती 20:26

पण थाँका बचमें अस्यो ने वेई। पण ज्यो कुई थाँकामूँ मोटो वेणो छावे, वो थाँको नोकर-चाकर वणे।

लूका 14:10

ईं वाते कुई थाँने नुतो देवे तो थाँ हाराऊँ रेटे जान बेटज्यो ताँके ज्यो थाँने नुतो देवे वो आन थाँने केई, ‘भई उटो वे अन ऊपरे बेट’ अणीऊँ वटे हाराई मेमाना में थाँको मान बड़ी।

यहुन्ना 15:17

ईं वाते में थाँने आग्या दिदी हे के, थाँ एक-दूजाऊँ परेम राको।”

यहुन्ना 17:21

हो बापू, मारी या अरज हे के, वीं हाराई एक वेवे, जस्यान मूँ थाँकामें हूँ अन थाँ मारा में हो, वस्यानीस वीं भी आपाँ में एक वेवे, जणीऊँ दनियाँ विस्वास करे के, थाँ मने खन्दायो हे।

थरप्या तका का काम 4:32

हारई विस्वास करबावाळा एक मन अन हरदा का हाँ। अटा तईं के, वे आपणी धन-दोलत ने आपणी ने केता हा, पण हारी चिजाँ वाँका भेळा में ही।

रोमियों 13:7

किंकी भी उदारी हे तो वींने चुका दो, अन ज्यो कर थाँने देणो हे वो दिदो। किंको जद्याँ हाँसल निकळे, तो वींने दिदो। जणीऊँ दरपणो छावे, वणीऊँ दरप। जिंको आदर करणा छावे, वींको आदर कर।

गलातियों 5:13

पण हो भायाँ, थाँने तो परमेसर आजाद वेवा के वाते बलाया हे, पण अणी आजादी ने थाँ आपणाँ सरीर का कामाँ ने पूरा करबा का वाते काम में मती लावो, पण परेम-भावऊँ एक दूजाँ की सेवा करो।

गलातियों 5:22

पण आत्मा का फळ परेम, आणन्द, मेल-मिलाप, करपा, भलई, दया, धीरज,

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

फिलिपियों 2:3

खुद का हवारतऊँ कई मती करो अन जूटो मेपणो मती करो, पण नरमाईऊँ खुदऊँ हेला एक-दूँजा ने हव हमजो।

कुलुसियों 1:4

काँके माँ मसी ईसू पे थाँको विस्वास अन हंगळा विस्वासी लोगाऊँ थाँका परेम का बारा में हुण्यो हे।

1 थिस्सुलुनिक्यों 4:9

भईचारा का परेम का बारा में मने लिकबा की कई जरूत ने हे, काँके ईंका बारा में थाँ खुद परमेसरऊँ हिक लिदो हे के, कस्यान एक-दूजाऊँ परेम राकणो छावे।

2 थिस्सुलुनिक्यों 1:3

हो भायाँ-बेना, थाँका वाते माँने परमेसर ने धन्नेवाद देतो रेणो छावे अन ओ सई भी हे, काँके थाँको विस्वास घणो बड़तो जारियो हे, अन थाँको हाराई को परेम एक-दूँजा में घणो फल-फुलरियो हे।

इब्रानियों 13:1

भईचारा का परेम में बण्या रो।

1 पतरस 1:22

अबे जद्याँ थाँ हाँच ने मानता तका, हाँचा भईचारा का परेम ने बताबा का वाते आपणी आत्माने पुवितर कर लिदी हे, ईं वाते थाँ एक-दूँजा में पुवितर मनऊँ परेम करबा की मनसा बणालो।

1 पतरस 2:17

हाराई मनकाँ को मान करो। विस्वास्याँऊँ परेम करो, परमेसर को आदर-मान करता तका वाँकाऊँ दरपो, अन राजा की इजत करो।

1 पतरस 5:5

हो मोठ्याराँ, अणीस तरियाँ थाँ भी परदानाँ का बंस में रेवो, थाँ हाराई का हाराई सेवा करबा वाते दया का हाते त्यार रेवो, काँके “परमेसर मेपणो करबावाळा का खिलाप में हे, पण जो मनक खुद ने फोरो बणावे हे वींके ऊपरे परमेसर दया करे हे।”

2 पतरस 1:7

अन भगती का हाते भईचाराऊँ परेम अन ईं भईचारा में दयालुता का हाते परेम में बड़ो।

1 यहुन्ना 4:11

हो प्यारा भायाँ जद्याँ परमेसर आपाऊँ अस्यान को परेम किदो हे, तद्याँ आपाँने भी एक-दूजाऊँ परेम करणो छावे।

1 यहुन्ना 4:20

यद्याँ आपाँ केवा के, आपाँने परमेसरऊँ परेम हे, पण भईऊँ दसमणी हे तद्याँ आपाँ जूटा हाँ, काँके जणी भई ने आपाँ देक सका हा, वणीऊँ परेम कोयने कर सका, तो वीं परमेसरऊँ जिंने कदी देक्योई कोयने कस्यान परेम कर सका हाँ?