रोमियों 11:7 - नुवो नेम (मेवड़ी नया नियम)

⁷ तो ईंको कई मतलब? इजराएल का मनकाँने वो ने मल्यो, जिंने वीं होदरिया हा, पण चुण्या तका ने वो मलग्यो। अन बाकी हाराई का मन ने गाटा कर दिदा ग्या।

रोमियों 11:7 Iomraidhean Croise

मरकुस 6:52

काँके वे पाँच हजार लोगाँ ने खाणो खुवाबा को मतलब ने हमज्या हाँ, काँके वाँकी अकल काम ने कररी ही।

लूका 13:24

ईंपे ईसू वींने क्यो, “हाँकड़ा गेलाऊँ जाबा की कोसीस करो काँके, मूँ थाँकाऊँ केवूँ हे के, घणा मनक अस्यान करणो छाई पण वीं ने कर सकी।

यहुन्ना 12:40

“परमेसर वाँकी आक्याँ ने आंदी अन वाँका मन कल्डा कर दिदा हे, ताँके वीं आक्याँऊँ ने देक सके अन मनऊँ ने हमजे सके, कदी अस्यान ने वे के, वी मारा आड़ी फरे अन मूँ वाँने हव करूँ।”

रोमियों 10:3

काँके वीं परमेसर की धारमिकताऊँ अणजाण वेन वीं आपणी धारमिकता का थापणा करबा की कोसीस कररिया हे। ईं वाते वणा परमेसर की धारमिकताने ने मानी।

रोमियों 11:25

हो मारा भायाँ, कटे अस्यान ने वे के, थाँ खुद ने घणा हूँस्यार हमजबा लागो, ईं वाते मूँ थाँने ईं छाने का हाँचऊँ अणजाण ने राकणा छावूँ हूँ, काँके इजराएल का मनक अस्यानीस गाटा बणा दिदा ग्या हे अन अस्यानीस तद्याँ तईं गाटा बण्या रेई जद्याँ तईं जी यहूदी ने हे वाँ मनकाँ मेंऊँ जीं चुण्या तका हे, वीं हाराई परमेसर का नके ने आ जावे।

रोमियों 11:5

अस्यान अबाणू भी थोड़ाक इजराएली मनक हे ज्यो परमेसर करपा की वजेऊँ चुण्या तका हे।

रोमियों 3:9

तो पछे कई व्यो। कई आपाँ ज्यो यहूदी हा, ज्यो यहूदी ने हे, वणाऊँ हव हा, कदी हव ने हा। काँके आपाँ यहूदी अन जीं यहूदी ने हा, वाँ दुया पे पेल्याई ओ दोस लगा चुक्या हा के, वीं हाराई पाप का वंस में हे।

रोमियों 6:15

आपाँ नेमा के टेके ने हा, पण परमेसर की दया में जीवाँ हा, तो कई आपाँ करा? कई आपाँ पाप कराँ? ने कदी भी ने कराँ।

रोमियों 9:18

केवाँ को मतलब ओ हे के, परमेसर जिंपे छावे वींपे दया करे हे अन जिंने छावे, वींने गाटो बणा देवे हे।

रोमियों 9:23

जणीऊँ ज्याँने वणी आपणी मेमा देबा वाते त्यार कर मेल्या हा अन वींकी दया का जोगा हा, वाँपे वो आपणी मेमा को धन परगट कर सके।

1 कुरिन्थियों 10:19

ईं बात ने केवा को मारो मतलब कई हे? कई मूँ ओ केणो छारियो हूँ के, मूरत्याँ पे चड़ायो ग्यो खाणो कई हे कन मूरती कई हे?

2 कुरिन्थियों 3:14

पण वाँकी अकल बन्द वेगी ही अन वीं अबाणू तईं वणी जूना करार ने भणे हे। ईं वजेऊँ अबाणू भी वोईस परदो वाँकी आक्याँ पे पड़्यो तको हे अन ओ परदा बेस मसीइस छेटी कर सके हे।

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

इपिसियों 1:4

जस्यान के, वाँकाणी अणी दनियाँ ने बणाबाऊँ पेल्याऊँ मसीऊँ गट-जोड़ करन आपाँने चुण लिदा, ताँके आपीं वणा की नजरा में पुवितर अन बना दोस का बण्या तका रेवा।

इपिसियों 4:18

वीं बना हमज का हे अन परमेसरऊँ मलबावाळा जीवनऊँ घणा छेटी हे, काँके वाँकी अकल अंदकारऊँ भरी तकी हे अन वाँका मन कल्डा वेग्या हे।

फिलिपियों 1:18

कस्यान भी वे मसी का बारा में हरेक तरियाऊँ परच्यार वेरियो हे पलई गलत मकसदऊँ, पलई हव मकसदऊँ। ईं वाते मूँ राजी हूँ अन राजी रेऊँ।

इब्रानियों 12:17

थाँ तो जाणो हो, ईंका पछे जद्याँ वणी आसीस पाबा की आस किदी, तो वींने नकार दिदो ग्यो, अन वणी रो-रोन ज्यो वणी किदो हो वणीऊँ मन फेरवा को मोको होद्‍यो, पण वींने ने मल्यो।

1 पतरस 1:2

बापू परमेसर थाँने आपणाँ पेल्या का ग्यानऊँ पेल्याई चुण लिदा हे, अन वाँकी पुवितर आत्मा थाँने पुवितर बणाया हे, अणीऊँ थाँ ईसू मसी की आग्या को पालण करो अन वींका खुनऊँ सुद वेवो। थाँका पे परमेसर की करपा अन सान्ती वेती रेवे।