रोमियों 11:33 - नुवो नेम (मेवड़ी नया नियम)

³³ परमेसर की भरपुरी, अकल अन ग्यान को कई पार ने हे। वींको न्याव कतरो गेरो अन वींका गेला कतरा भेदऊँ भरिया हे।

रोमियों 11:33 Iomraidhean Croise

रोमियों 2:4

कई थूँ वींकी दया अन वींकी सेण समता अन धिरजपणा ने बेकार हमजे हे? अन कई थूँ ओ ने जाणे हे के, परमेसर की दया थने पापऊँ मन फेरवा का आड़ी ले जावे हे।

रोमियों 9:23

जणीऊँ ज्याँने वणी आपणी मेमा देबा वाते त्यार कर मेल्या हा अन वींकी दया का जोगा हा, वाँपे वो आपणी मेमा को धन परगट कर सके।

1 कुरिन्थियों 2:10

पण परमेसर वणा भेद की बाताँ ने आपणी आत्माऊँ आपाँने परगट किदा, काँके आत्मा हाराई बाताँइस ने पण परमेसर का भेद की बाताँ भी जाणे हे।

इपिसियों 1:7

मसीऊँ गट-जोड़ वेबाऊँ वणा आपाँने आपणाँ लुईऊँ छुड़ाया, ईंको मतलब गुनाऊँ मापी देवाड़े हे। ओ परमेसर की मोटी करपा का मस व्यो।

इपिसियों 2:7

अणा अस्यान किदो ताँके वो आबावाळा जुग में दया का हाते ईसू मसीऊँ ओ दिकाई के खुद की करपा ज्यो आपाँने दिकई ही वा कतरीक हेली हे।

इपिसियों 3:10

ताँके अबे मण्डळीऊँ परमेसर को तरे-तरे को ग्यान वाँ हरग का मोटा राजा अन अदिकारियाँ पे परगट किदो जावे।

इपिसियों 3:16

परमेसर आपणी आत्माऊँ आपणाँ मेमा भरिया धनऊँ थाँकी अंतर-आत्मा जोरावर वेबा का वाते थाँने तागत देवे।

इपिसियों 3:18

हारई पुवितर मनकाँ का हाते हव तरिया ओ हमजबा की तागत पावो के, मसी को परेम कतरो लम्बो, चोड़ो, ऊसो अन ऊण्डो हे।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।