रोमियों 11:17 - नुवो नेम (मेवड़ी नया नियम)

¹⁷ पण जद्याँ थोड़ीक डाळ्याँ तोड़न फेंक दिदी जावे अन थाँ ज्यो एक जंगल का जेतुन रूँकड़ा का जस्यान हो अन थाँने वणा फेंकी तकी डाळ्याँ की जगाँ कलम किदा जावे, तो थाँ वीं रूँकड़ा ने जड़ाऊँ मलबावाळी चिजाँ में भागेदारी लेवो।

रोमियों 11:17 Iomraidhean Croise

मत्ती 21:43

“ईं वाँते मूँ थाँकाऊँ केऊँ हूँ के, परमेसर को राज थाँकाऊँ ले लिदो जाई अन अस्या लोगाँ ने दे दिदो जाई, ज्यो वींकी राज का वाते हाक लाई।

यहुन्ना 15:1

ईसू क्यो, “हाँची अंगूरा की वेलड़ी मूँ हूँ अन बापू परमेसर ईं बाग को माळी हे।

यहुन्ना 15:2

ज्याँ डाळी मारा में हे अन फळ ने लावे हे, वो वींने काट नाके हे अन ज्या फळ देवे हे, वींने वो छांगे हे, ताँके वाँ साप वे सके अन ओरी फळ लावे।

यहुन्ना 15:6

ज्यो मारा में बण्यो ने रेवे, वो वणी बेकार डाळी का जस्यान हे जिंने तोड़न हूँकबा का वाते फेक दिदो जावे हे। अस्यी डाळ्याँ बळीता का वाते काम आवे हे।

थरप्या तका का काम 2:39

काँके ओ वादो थाँका वाते, थाँका छोरा-छोरी अन वाँ हंगळा जणा के वाते जो नरई छेटी हे, अन वाँ हाराई लोगाँ का वाते ज्याँने परमेसर आपणाँ नके बलावे हे।”

रोमियों 11:24

जद्याँ थने जनमऊँ जंगल का जेतुन का रूँकड़ाऊँ एक डाळी की तरियाँ काटन नेमा का विरोद में एक हव जेतुन का रूँकड़ाऊँ जोड़ दिदो ग्यो, तो ईं ज्यो वीं रूँकड़ा के खुद की डाळ्याँ हे खुद का रूँकड़ा में पाच्छी काँ ने जोड़ी जाई?

गलातियों 2:15

आपाँ तो जनमऊँ यहूदी हाँ, आपणो जी यहूदी ने हे वणा पाप्याऊँ कई काम ने हे।

इपिसियों 3:6

ओ राज ओ हे के, हव-हमच्यारऊँ यहूदियाँ का हाते ज्यो यहूदी ने हे वी भी वारिस वेवे अन एकीस डील का भाग वे अन ईसू मसी का गट-जोड़ऊँ परमेसर का वादा में पाँती लेवे।

कुलुसियों 2:13

मसी पे विस्वास करबा के पेल्याँ आपीं आपणाँ पापाँ की वजेऊँ आत्मा में मरिया तका अन बना खतना का हा। पण अबे परमेसर आपाँने ईसू मसी का हाते पाच्छा जिवाया अन आपणाँ हाराई पापाँ ने माप किदा हे।

परकासितवाक्य 11:4

ईं दुई गवा वणा दो जेतुन का रूँकड़ा ने अन दो दिवा ने बतावे हे जी धरती पे राज करबावाळा परबू परमेसर का हामे हरग में ऊबा रेवे हे।