रोमियों 11:14 - नुवो नेम (मेवड़ी नया नियम)

¹⁴ अस्यानीस मूँ छावूँ हूँ के, कस्यान भी मारा मनकाँ में होड़ा-होड़ ला सकूँ, जणीऊँ वाँका मूँ थोड़ागणा ने बचा लूँ।

रोमियों 11:14 Iomraidhean Croise

रोमियों 10:19

पण मूँ पूँछू हूँ के, “कई इजराएली ने जाणता हा?” मूसो पेल्याँ क्यो हो के, “मूँ थाँका मना में वाँ मनकाँ का जरिये रिस्याँ पेदा करूँ। मूँ विस्वास ने करबावाळा घराणा का जरिये थाँने गुस्सा देवाड़ूँ।”

रोमियों 11:11

तो पछे मूँ पूँछू हूँ के, कई वणा ईं वाते ठोकर खादी के, वीं नास वे जाई? अस्यान कोयने। पण वाँका गलती करबाऊँ ज्यो यहूदी ने हा, वाँ मनकाँ ने छुटकारो मल्यो, ताँके यहूदी मनकाँ में होड़ा-होड़ पेदा वेवे।

रोमियों 9:3

काँके, अस्यान वे सकतो के, मूँ यो छातो के, मूँ मारा यहूदी भई-बेन अन मारा देस का मनकाँ का वाते खुद पे हराप लेन ले मसीऊँ अलग वे जातो।

1 कुरिन्थियों 1:21

परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।

1 कुरिन्थियों 10:33

जस्यान मूँ हारी बाताँऊँ हाराई ने राजी राकूँ हूँ, अन आपणो ने पण दूजाँ को नफो देकूँ हूँ के, वीं बंचाया जावे, वस्यानीस थाँ भी करिया करो।

1 कुरिन्थियों 7:16

काँके हे लुगई, थूँ कई जाणे हे के, थूँ आपणाँ बना विस्वासी धणी ने बंचाई? अन हे मनक, थूँ कई आपणी बना विस्वासी लुगई ने बंचाई?

1 तिमुतियूस 1:15

आ बात हरेक तरियाऊँ हाँची हे अन मानबा जोगी हे के, ईसू मसी ईं दनियाँ में पाप्याँ ने बंचाबा का वाते आया हा, जणामें हाराऊँ मोटो पापी मूँ हूँ।

1 तिमुतियूस 2:4

अन परमेसर छावे के, धरती का हाराई मनक बंचाया जावे अन वींका हाँच ने जाणे।

1 तिमुतियूस 4:16

खुद पे अन थाँरा उपदेसा पे ध्यान दे, अन अणामें अपणेआप पाको वे, काँके अस्यान करबाऊँ थूँ खुद ने अन थने हूणबावाळा ने बंचाबा को मस वेई।

2 तिमुतियूस 1:9

वणा आपाँने परमेसर का मनक वेबा वाते बंचाया अन बलाया हे, ओ सोभाग्य आपणाँ पे आपणाँ कामाँ का जस्यान ने मल्यो हे, पण ओ तो वाँकी दया अन वाँका मकसद वाते आपाँ पे ने मल्यो हे, ज्यो ईसू मसी में सरुवातऊँ आपणाँ वाते हो।

2 तिमुतियूस 2:10

अणीऊँ मूँ चुण्या तका मनकाँ का वाते हारोई जेलूँ हूँ जणीऊँ वीं भी उदार ने ज्यो ईसू मसी में हे, अन वींका हाते कदी ने खतम वेबावाळा मेमा ने पा सके।

तीतूस 3:5

यो ईं वाते ने व्यो के, आपाँ धरम का काम कररिया हा, पण आ वाँकी करपाइस ही के, वो आपाँने पुवितर आत्मा का आड़ीऊँ बंचावे, ज्या आपाँने धोन नुवो जनम अन नुवो जीवन देवे हे।

फिलेमोन 1:12

मूँ वींने थाँरा नके पाछो खन्दारियो हूँ ज्यो मारो जीव को जड़ी हे।

इब्रानियों 1:14

तो पछे हरग-दुत कई हे? कई वीं हाराई हरग-दुत छुटकारो पाबावाळा मनकाँ की सेवा करबा का वाते खन्दई तकी आत्मा ने हे?

इब्रानियों 2:3

तो पछे आपाँ कस्यान बंच सका? यद्याँ आपाँ ईं मान छुटकाराऊँ बेपरवा वेवा। ईं छूटकारा को पेलो हमच्यार परबू का आड़ीऊँ दिदो ग्यो अन जणा ईं हेला ने हुण्यो, वाँने ईंने आपणाँ वाते ईंने हाँचो साबत किदो हे।

याकूब 5:20

तो वो हमजी ले के, वो पापी मनक ने मोतऊँ फेर लाई अन वींकी आत्मा ने अनंत मोतऊँ बंचाई अन वींका नरई पापाँ की मापी को कारण बणी।